2014ರಲ್ಲೇ ನಡೆದಿತ್ತು ಪ್ರಿಯಾಂಕಾ ಚೋಪ್ರಾ ಮದುವೆ!! ಹಾಗಾದರೆ ನಿಕ್​ ಜೋನಸ್​ ಪಿಗ್ಗಿಗೆ ಎರಡನೇ ಪತಿಯೇ?

ಬಾಲಿವುಡ್​ನಲ್ಲಿ ಹೆಸರು ಮಾಡಿ ಹಾಲಿವುಡ್​ನಲ್ಲಿ ಮಿಂಚುತ್ತಿರುವ ನಟಿ ಪ್ರಿಯಾಂಕಾ ಚೋಪ್ರಾ ಬಗ್ಗೆ ಹೊಸ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಬಾಂಬ್​ ಸಿಡಿಸಿದೆ. 2014ರಲ್ಲೇ ಅಮೆರಿಕ ಮೂಲದ ವ್ಯಕ್ತಿಯೊಬ್ಬನನ್ನು ಪ್ರಿಯಾಂಕಾ ಮದುವೆಯಾಗಿದ್ದರಂತೆ! ಹಾಗಂತ ಆ ಕೌತುಕದ ವಿಚಾರವನ್ನು ಪ್ರಿಯಾಂಕಾ ಬಹಿರಂಗಪಡಿಸಿಲ್ಲ. ಬದಲಿಗೆ ಮದುವೆಯಾಗಿದ್ದ ಪತಿ ಮಹಾಶಯನೇ ಆರು ವರ್ಷದ ಹಿಂದಿನ ಆ ಘಟನೆಯನ್ನು ಮತ್ತೆ ನೆನಪಿಸಿಕೊಂಡಿದ್ದಾನೆ. ಟ್ವಿಟರ್​ನಲ್ಲಿ ಮದುವೆಯ ಫೋಟೋ ಸಹ ಶೇರ್ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಫ್ರೆಶ್​ ಮಜ್ಜಿಗೆ ಮಾಡೋದು ಹೇಗೆ? ರಾಮ್​ ಚರಣ್​ ತೇಜ ಕಲಿಸಿಕೊಡ್ತಿದ್ದಾರೆ ನೋಡಿ..

ಹೌದು, ಆ ವ್ಯಕ್ತಿಯ ಹೆಸರು ಬ್ರೆಂಡಮ್​ ಚಸ್ಟರ್​. ಮೂಲತಃ ಅಮೆರಿಕಾದ ದಕ್ಷಿಣ ಫ್ಲೋರಿಡಾದವನು. ವೃತ್ತಿಯಲ್ಲಿ ಅಡ್ವೊಕೇಟ್​ ಆಗಿರುವ ಬ್ರೆಂಡಮ್, 2014ರಲ್ಲಿ ಪ್ರಿಯಾಂಕಾ ಅವರನ್ನು ಭೇಟಿಯಾಗಿದ್ದ. ಭಾರತೀಯ ಸಂಪ್ರದಾಯದಂತೆ ಹೂವಿನ ಮಾಲೆ ಹಾಕಿದ್ದ. ಪೋಟೋ ಸಹ ಕ್ಲಿಕ್ಕಿಸಿಕೊಂಡಿದ್ದ. ಆ ಆರು ವರ್ಷದ ಫೋಟೋವನ್ನು ಇದೀಗ ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿಕೊಂಡು, ‘ನಾನು 2014ರಲ್ಲೇ ಪ್ರಿಯಾಂಕಾ ಚೋಪ್ರಾ ಅವರನ್ನು ಮದುವೆಯಾಗಿದ್ದೆ. ಅವರ ಕೊರಳಿಗೆ ಹೂ ಮಾಲೆ ಹಾಕಿದ್ದೆ. ಭಾರತೀಯ ಸಂಪ್ರದಾಯದ ಪ್ರಕಾರ ಹೀಗೆ ಮಾಲೆ ಹಾಕಿದರೆ ಮದುವೆಯಾದಂತೆ. ಭಾರತೀಯ ಮಾಧ್ಯಮ ಇದನ್ನು ಗಮನಿಸಿದರೆ, ಮದುವೆಯಾದ ಬಗ್ಗೆ ಪೂರ್ತಿ ಸಂದರ್ಶನ ನೀಡಬಲ್ಲೆ’ ಎಂದು ಬರೆದುಕೊಂಡಿದ್ದಾನೆ.

ಇದನ್ನೂ ಓದಿ: ನಮ್ಮ ಕಥೆ ಮುಗೀತು … ಹಾಗಂತ ನೀತೂ ಸಿಂಗ್ ಹೇಳಿದ್ದು ಯಾಕೆ?

ಬ್ರೆಂಡಮ್​ ಪೋಸ್ಟ್​ಗೆ ಸಾಕಷ್ಟು ಕಮೆಂಟ್​ಗಳು ಸಂದಾಯವಾಗಿದ್ದು, ನೇರವಾಗಿ ತರಾಟೆ ತೆಗೆದುಕೊಳ್ಳುತ್ತಿದ್ದಾರೆ. ಒಂದು ನಿಮಿಷದಲ್ಲಿ ಫೇಮಸ್​ ಆಗಬೇಕೆಂದು ಈ ರೀತಿಯಲ್ಲಿ ಮಾಡುತ್ತಿದ್ದೀಯಾ? ನಿಕ್​ ಸ್ಥಿತಿ ಏನಾಗಿರಬೇಡ, ಎಂದೂ ಕಮೆಂಟಿಸಿದ್ದಾರೆ. ಆದರೆ, ಈ ಬಗ್ಗೆ ಪ್ರಿಯಾಂಕಾ ತುಟಿ ಬಿಚ್ಚಿಲ್ಲ. ಅಂದಹಾಗೆ, 2018ರ ಡಿಸೆಂಬರ್​ನಲ್ಲಿ ರಾಜಸ್ತಾನದ ಜೋದ್​ಪುರದಲ್ಲಿ ನಿಕ್​ ಮತ್ತು ಪ್ರಿಯಾಂಕಾ ಮದುವೆಯಾಗಿದ್ದಾರೆ. (ಏಜೆನ್ಸೀಸ್​)