ಕುಟುಂಬದ ಗೌರವ ಹಾಳು ಮಾಡ್ತಿದ್ದೀಯ ಅಂತ ಕಪಾಳಕ್ಕೆ ಹೊಡೆದಿದ್ದರಂತೆ ...

ಅಭಿಷೇಕ್​ ಬಚ್ಚನ್​ ಚಿತ್ರರಂಗಕ್ಕೆ ಬಂದು 20 ವರ್ಷಗಳಾಗಿವೆ. ಈ 20 ವರ್ಷಗಳಲ್ಲಿ ಅಭಿಷೇಕ್​ ಸಾಕಷ್ಟು ನೋವು-ನಲಿವುಗಳನ್ನು ಕಂಡಿದ್ದಾರೆ. ನಲಿವು ಎನ್ನುವುದಕ್ಕಿಂತ ಅವರು ನೋವುಂಡಿದ್ದೇ ಹೆಚ್ಚು ಎಂದರೆ ತಪ್ಪಿಲ್ಲ.

ಇದನ್ನೂ ಓದಿ: ‘ಸಿಂಧೂರ ಲಕ್ಷ್ಮಣ’ ಚಿತ್ರದ ಬಗ್ಗೆ ಏನಂತಾರೆ ತರುಣ್​?

ಅಭಿಷೇಕ್​ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಾಗ, ಅವರ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿದ್ದವು. ಕಾರಣ, ಅವರು ಬಾಲಿವುಡ್​ ಬಿಗ್​ ಬಿ ಅಮಿತಾಭ್​ ಬಚ್ಚನ್​ ಅವರ ಮಗ. ಚಿತ್ರರಂಗದಲ್ಲಿ ತಂದೆ ಸ್ಟಾರ್​ ಆಗಿ ಬೆಳೆದಂತೆ, ಮಗ ಸಹ ಬೆಳೆಯಬಹುದು, ಕುಟುಂಬದ ಗೌರವವನ್ನು ಇನ್ನಷ್ಟು ಹೆಚ್ಚಿಸಬಹುದು ಎಂದು ಹಲವರು ನಿರೀಕ್ಷಿಸಿದ್ದರು. ಆದರೆ, ಅಭಿಷೇಕ್​ ವಿಷಯದಲ್ಲಿ ಹಾಗಾಗಲಿಲ್ಲ. ಅಭಿಷೇಕ್​ ಹಲವು ಸೋಲುಗಳನ್ನು ಕಂಡರು. ಒಂದು ಹಂತದಲ್ಲಿ ಅವರ 14 ಚಿತ್ರಗಳು ಸತತವಾಗಿ ಫ್ಲಾಪ್​ ಆಗಿದ್ದರಿಂದ, ಒಂದಿಷ್ಟು ದಿನ ಅವರು ಚಿತ್ರರಂಗದಿಂದ ಹೊರ ಉಳಿಯುವಂತಾಯಿತು.

ಇಷ್ಟೆಲ್ಲಾ ಸೋಲು, ಅವಮಾನಗಳನ್ನು ಕಂಡಿರುವ ಅಭಿಷೇಕ್​ಗೆ ಇನ್ನೂ ಒಂದು ದೊಡ್ಡ ಅವಮಾನವಾಯಿತಂತೆ. ಚಿತ್ರಮಂದಿರಕ್ಕೆ ಒಮ್ಮೆ ಹೋದಾಗ, ಮಹಿಳೆಯೊಬ್ಬರು ಕಪಾಳಕ್ಕೆ ಹೊಡೆದು, ಇನ್ನು ಮುಂದೆ ನಟಿಸಬೇಡ ಎಂದು ಹೇಳಿದ್ದರಂತೆ.

ಇದನ್ನೂ ಓದಿ: ಈ ಸಮಯದಲ್ಲಿ ಅಂಬಿ ಸ್ಮಾರಕ ಬೇಕಿತ್ತಾ? ನೆಟ್ಟಿಗರ ಆಕ್ರೋಶ …

ಈ ವಿಷಯವನ್ನು ಕೆಲವು ತಿಂಗಳ ಹಿಂದೆ ನಡೆದ ಸಮಾರಂಭವೊಂದರಲ್ಲಿ ನೆನಪಿಸಿಕೊಂಡಿರುವ ಅಭಿಷೇಕ್​, 'ಅದು ನನ್ನ ಪಾಲಿನ ಅತ್ಯಂತ ಕೆಟ್ಟ ಸಮಯ ಎಂದರೆ ತಪ್ಪಿಲ್ಲ. ಒಂದರಹಿಂದೊಂದು ಚಿತ್ರಗಳು ಸೋಲುತ್ತಿದ್ದವು. ಆ ಸಂದರ್ಭದಲ್ಲಿ ಶರಾರತ್​ ಎಂಬ ಸಿನಿಮಾ ಬಿಡುಗಡೆಯಾಗಿತ್ತು. ಆ ಚಿತ್ರ ಹೇಗೆ ಪ್ರದರ್ಶನ ಕಾಣುತ್ತಿದೆ, ಜನ ಚಿತ್ರದ ಬಗ್ಗೆ ಏನು ಹೇಳುತ್ತಿದ್ದಾರೆ ಎಂದು ತಿಳಿಯುವುದಕ್ಕೆ ಮುಂಬೈನ ಗೇಯ್ಟಿ ಗೆಲಾಕ್ಸಿ ಚಿತ್ರಮಂದಿರಕ್ಕೆ ಹೋಗಿದ್ದೆ. ಚಿತ್ರ ನೋಡಿ ಹೊರಬಂದ ಮಹಿಳೆಯೊಬ್ಬರು, ನನಗೆ ಕಪಾಳಕ್ಕೆ ಹೊಡೆದರು. ಈ ರೀತಿ ನಟನೆ ಮಾಡಿ, ನಿಮ್ಮ ಕುಟುಂಬದ ಗೌರವ ಹಾಳು ಮಾಡಬೇಡ ಎಂದು ರೇಗಿದ್ದರು. ಇನ್ನು ಮುಂದೆ ನಟಿಸಬೇಡ ಎಂದು ಹೇಳಿ ಹೋಗಿದ್ದರು' ಎಂದು ನೆನಪಿಸಿಕೊಂಡಿದ್ದರು ಅಭಿಷೇಕ್​.

ಆ ಸಂದರ್ಭದಲ್ಲಿ ಅಭಿಷೇಕ್​ಗೆ ಬಹಳ ಅವಮಾನವಾಯಿತಂತೆ. ಅಷ್ಟೇ ಅಲ್ಲ ಬಹಳ ನೋವಾಯಿತಂತೆ. ಆದರೆ, ಈಗ ನೆನಪಿಸಿಕೊಂಡರೆ ನಗುಬರುತ್ತದೆ ಎಂದು ಅಭಿಷೇಕ್​ ಬಚ್ಚನ್​ ಹೇಳಿಕೊಂಡಿದ್ದಾರೆ.

https://www.vijayavani.net/exhibitors-upset-over-ott-releases/