ಇದಕ್ಕೂ ಮುನ್ನ ಸುದೀಪ್ ಕೆಲವು ದಿನಗಳ ಹಿಂದೆ ಸುದೀಪ್, ‘ವಿಕ್ರಾಂತ್ ರೋಣ’ ಬಗ್ಗೆ ಬರೆದುಕೊಂಡಿದ್ದರು. ಆ ಚಿತ್ರದ 3ಡಿ ವರ್ಷನ್ ಬಹಳ ಅದ್ಭುತವಾಗಿ ಮೂಡಿ ಬಂದಿದೆ ಎಂದು ಹೇಳಿದ್ದರು. ಅದರ ಜತೆಗೆ, ಸದ್ಯದಲ್ಲೇ ಅನೂಪ್ ಭಂಡಾರಿ ಜತೆಗೆ ತಮ್ಮ ಹೊಸ ಚಿತ್ರದ ಘೋಷಣೆಯನ್ನು ನಿರೀಕ್ಷಿಸಿ ಎಂದು ಹೇಳಿದ್ದರು. ಯಾವಾಗ ಸುದೀಪ್ ತಮ್ಮ ಮುಂದಿನ ಚಿತ್ರ ಅನೂಪ್ ಭಂಡಾರಿ ಜತೆಗೆ ಎಂದು ಹೇಳಿದರೋ, ಆಗ ಆ ಚಿತ್ರ ಯಾವುದಿರಬಹುದು ಎಂಬ ಲೆಕ್ಕಾಚಾರ ಅಭಿಮಾನಿಗಳ ವಲಯದಲ್ಲಿ ಶುರುವಾಯಿತು. ‘ವಿಕ್ರಾಂತ್ ರೋಣ’ಗೂ ಮುನ್ನ ಅನೂಪ್, ಸುದೀಪ್ ಜತೆಗೆ ‘ಬಿಲ್ಲ ರಂಗ ಭಾಷಾ’ ಎಂಬ ಚಿತ್ರ ಮಾಡುವುದಾಗಿ ಹೇಳಿದ್ದರು. ಕೊನೆಗೆ ಕಾರಣಾಂತರಗಳಿಂದ ಅದನ್ನು ಬಿಟ್ಟು, ‘ವಿಕ್ರಾಂತ್ ರೋಣ’ ಶುರು ಮಾಡಿದ್ದರು. ಚಿತ್ರ ಅರ್ಧ ಮುಗಿದ ಮೇಲೆ ‘ಅಶ್ವತ್ತಾಮ’ ಎಂಬ ಇನ್ನೊಂದು ಚಿತ್ರವನ್ನು ಸುದೀಪ್ ಅಭಿನಯದಲ್ಲಿ ನಿರ್ದೇಶಿಸುವುದಾಗಿ ಘೋಷಿಸಿದ್ದಾರೆ.
