ಕೆಜಿಎಫ್ ಚಾಪ್ಟರ್ 2 ಡೈಲಾಗ್ ಹೊಡೆದ ವೀರೆಂದ್ರ ಸೆಹ್ವಾಗ್

ಬೆಂಗಳೂರು: ಭಾರತ ಅಷ್ಟೇ ಅಲ್ಲ ಪ್ರಪಂಚದಲ್ಲೇ ಹವಾ ಸೃಷ್ಟಿಸಿರುವ ಕೆಜಿಎಫ್ ಚಾಪ್ಟರ್2 ಸಿನಿಮಾ, ಯಾವಾಗ ತೆರೆ ಮೇಲೆ ಬರುತ್ತೋ ಎಂದು ಸಿನಿಪ್ರಿಯರು ತುದಿಗಾಲ ಮೇಲೆ ನಿಂತಿದ್ದಾರೆ.

ಈಗಾಗಲೇ ಈ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿ 165 ಮಿಲಿಯನ್​ಗೂ ಹೆಚ್ಚು ವೀಕ್ಷಣೆಗಳನ್ನು ಕಂಡು ಹೊಸ ದಾಖಲೆಯನ್ನೇ ಸೃಷ್ಟಿಸಿದೆ. ಅದೇ ರೀತಿ ಈ ಟ್ರೈಲರ್​ನ ಹಿನ್ನೆಲೆ ದ್ವನಿಯಲ್ಲಿ ಕೇಳಿಸುವ ಪ್ರಕಾಶ್ ರಾಜ್ ಅವರ ಡೈಲಾಗ್ ಅಂತೂ ಭಾರೀ ಹವಾ ಸೃಷ್ಟಿಸಿದೆ.

ಕೆಜಿಎಫ್ ಚಾಪ್ಟರ್ 1 ನ ಡೈಲಾಗ್ 'ಪವರಪುಲ್ ಪಿಪಲ್ ಕಮ್ಸ ಫ್ರಮ್ ಪವರ್ ಪುಲ್ ಪ್ಲೇಸಸ್' ಎಂದು ಹಿಟ್ ಆಗಿತ್ತು. ಆದರೆ, ಇ ಡೈಲಾಗ್​ಗೆ ಡಿಚ್ಚಿ ಕೊಟ್ಟಿರುವ ಕೆಜಿಎಫ್ ಚಾಪ್ಟರ್ 2, 'ಪವರಪುಲ್ ಪಿಪಲ್ ಮೇಕ್ಸ್ ಪ್ಲೇಸಸ್ ಪವರಪುಲ್' ಎಂದು ಹೊಸ ಡೈಲಾಗ್ ಬಿಟ್ಟು ಜನಮನ ಸೋರೆಗೊಂಡಿತ್ತು.

ಇದೀಗ ಇದೇ ಡೈಲಾಗ್​ನ್ನು ಖ್ಯಾತ ಕ್ರಿಕೆಟ್ ತಾರೆ ವೀರೆಂದ್ರ ಸೆಹ್ವಾಗ ನೆನಪಿಸಿದ್ದಾರೆ. ಶಿವಾಜಿ ಜಯಂತಿ ಪ್ರಯುಕ್ತ ಟ್ವೀಟ್ ಮಾಡಿರುವ ಅವರು ಕೆಜಿಎಫ್ ಡೈಲಾಗ್ ಸ್ಮರಿಸಿದ್ದಾರೆ. ಆ ಮೂಲಕ ಶಿವಾಜಿ ಜಯಂತಿಗೆ ಶುಭಾಶಯ ಕೋರಿದ್ದಾರೆ. ಈ ಟ್ವೀಟ್​ನ್ನು 9696 ಜನ ರಿಟ್ವೀಟ್ ಮಾಡಿದ್ದು, 85 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ.