ಎನರ್ಜಿಟಿಕ್ ಪಾತ್ರ: ನಟ ವಿರಾಟ್ ಬಹು ವರ್ಷಗಳ ಬಳಿಕ ಮತ್ತೆ ಅಂಕಣಕ್ಕೆ ಬಂದಿದ್ದಾರೆ. ಪಾತ್ರ, ಸಿನಿಮಾ ಆಯ್ಕೆಯಲ್ಲೂ ಚ್ಯೂಸಿ ಎನಿಸುವ ಇವರು ಒಂದು ಸಿನಿಮಾ ಪೂರ್ಣಗೊಂಡ ಬಳಿಕವೇ ಮತ್ತೊಂದು ಸಿನಿಮಾ ಆಯ್ಕೆ ಮಾಡಿಕೊಳ್ಳುತ್ತಾರೆ. ತಮ್ಮ ‘ರಾಯಲ್’ ಪ್ರಯಾಣದ ಕುರಿತು, ‘ದಿನಕರ್ ಅವರಂತ ನಿರ್ದೇಶಕರೊಂದಿಗೆ ಕೆಲಸ ಮಾಡುವುದೇ ದೊಡ್ಡ ಪುಣ್ಯ. ಮಗುವಿನಂತೆ ಅವರಿಂದ ಸಾಕಷ್ಟು ಕಲಿತಿದ್ದೇನೆ. ಇಲ್ಲಿ ನನ್ನದು ಪಕ್ಕಾ ಎನರ್ಜಿಟಿಕ್ ಹಾಗೂ ಎಂಟರ್ನ್ಮೆಂಟ್ ಪಾತ್ರ. ಜಿಮ್ನಲ್ಲಿ ಬೆವರು ಹರಿಸಿ ಸ್ಟ್ರಾಂಗ್ ಆಗಿ ಕಾಣಿಸಿಕೊಂಡಿದ್ದೇನೆ. ಡಾನ್ಸ್ ಹಾಗೂ ಸಾಹಸ ದೃಶ್ಯಗಳಿಗೆ ಹಲವು ರೀತಿಯಲ್ಲಿ ವರ್ಕ್ಶಾಪ್ ಮಾಡಿದ್ದೇವೆ. ಹೀಗಾಗಿ ನನ್ನ ಪಾತ್ರ ಚೆನ್ನಾಗಿ ಬರಲು ಕಾರಣವಾಯಿತು. ಇನ್ನು ಚಿತ್ರದಲ್ಲಿ ಬಹುತಾರಾಗಣವಿದ್ದು, ಸಂಜನಾ ಆನಂದ್ ನನಗೆ ನಾಯಕಿಯಾಗಿ ಸಾಥ್ ನೀಡಿದ್ದಾರೆ. ಇನ್ನು, ರಘು ಮುಖರ್ಜಿ, ರಂಗಾಯಣ ರಘು, ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ, ಛಾಯಾ ಸಿಂಗ್ ಅವರಂಥ ಕಲಾವಿದರಿಂದ ತೆರೆ ಹಿಂದೆ ಹಾಗೂ ಮುಂದೆ ಸಾಕಷ್ಟು ಕಲಿತಿದ್ದೇನೆ’ ಎನ್ನುತ್ತಾರೆ.
