ಜೀವನದಲ್ಲಿ ಆರ್ಥಿಕವಾಗಿ ಸೆಟಲ್ ಆಗಬೇಕು ಅಂತ ಹುಡುಗ, ಶ್ರೀಮಂತ ಹುಡುಗಿಯನ್ನು ಮದುವೆಯಾಗಿರುವ ಹಾಗೇ ಹುಡುಗಿ, ಶ್ರೀಮಂತ ಹುಡುಗನನ್ನು ಮದುವೆಯಾಗಿರುವ ಹಲವು ಉದಾಹರಣೆಗಳಿವೆ. ಅದೇ ಕಥೆಗೆ ಇನ್ನೊಂದಷ್ಟು ಅಂಶಗಳನ್ನು ಸೇರಿಸಿ ಈ ರೊಮ್ಯಾಂಟಿಕ್ ಕಾಮಿಡಿ ಡ್ರಾಮಾ ನಿರೂಪಿಸಿದ್ದಾರೆ ನಿರ್ದೇಶಕ ಧನುಷ್. ನಾಯಕ ವಿನು ಪ್ರಾರಂಭದಲ್ಲಿ ನಿಧಾನ ಎನಿಸಿದರೂ ನಂತರ ಪಿಕಪ್ ಆಗಿದ್ದಾರೆ. ಡಿಗ್ಲಾಮ್ ಪಾತ್ರದಲ್ಲಿ ಮೋತಾ ಗಮನ ಸೆಳೆಯುತ್ತಾರೆ. ಉಳಿದಂತೆ ಯುಕ್ತಾ, ವೀಣಾ ಸುಂದರ್, ಎಸ್. ನಾರಾಯಣ್, ಜಗಪ್ಪ ಅಚ್ಚುಕಟ್ಟಾಗಿ ಪಾತ್ರಗಳನ್ನು ನಿಭಾಯಿಸಿದ್ದಾರೆ. "ರಾಧೆ ರಾಧೆ', "ಹೃದಯದ ಮಹಾರಾಣಿ' ಹಾಡುಗಳು ಅಂದವಾಗಿವೆ. ಅಂದಹಾಗೆ, ಸೌಂದರ್ಯ ನೋಡಿ ಪ್ರೀತಿಸಬೇಕೋ? ಹಣ ನೋಡಿ ಲವ್ ಮಾಡಬೇಕೋ? ಎಂಬ ಗೊಂದಲದಲ್ಲಿರುವವರು ಈ ಸಿನಿಮಾ ನೋಡಿದರೆ ಒಂದು ಐಡಿಯಾ ಸಿಗಬಹುದು!
