ಚಿಕ್ಕ ವಯಸ್ಸಿನಲ್ಲೇ ತಂದೆಯನ್ನು ಕಳೆದುಕೊಳ್ಳುವ ಮಾದೇವನಿಗೆ (ವಿನೋದ್ ಪ್ರಭಾಕರ್), ಅಪ್ಪ ಜೈಲಿನಲ್ಲಿ ಕೆಲಸ ಮಾಡುತ್ತಿದ್ದ ಕಾರಣ, ಅಲ್ಲಿಯೇ ಹ್ಯಾಂಗ್ಮ್ಯಾನ್ ಕೆಲಸ ಸಿಗುತ್ತದೆ. ಅಪ್ಪನ ಸಾವಿನಿಂದ ಭಾವನೆಗಳನ್ನೇ ಕಳೆದುಕೊಳ್ಳುವ ಮಾದೇವ, ತನ್ನ ವೃತ್ತಿಯಿಂದಾಗಿ ಮೃಗವಾಗಿ ಬದಲಾಗಿರುತ್ತಾನೆ. ಆದರೆ, ಆ ಕಲ್ಲನ್ನು ಪ್ರೀತಿಯ ಕೆತ್ತನೆಯ ಮೂಲಕ ಮಾನವನನ್ನಾಗಿ ಮಾಡುತ್ತಾಳೆ, ಆತನ ಜೀವನದಲ್ಲಿ ಪ್ರವೇಶಿಸುವ ಪಾರ್ವತಿ (ಸೋನಲ್ ಮೊಂಟೇರೊ). ಇನ್ನೇನು ಮಾದೇವನ ಬದುಕು ಹಸನಾಯಿತು ಎನ್ನುತ್ತಿರುವಾಗಲೇ, ವಿಧಿ ಆತನ ಜೀವನದಲ್ಲಿ ಬೇರೆಯದೇ ಆಟವಾಡುಬಿಡುತ್ತದೆ. ಅಲ್ಲಿಂದ ಮಾದೇವ ಮತ್ತೆ ನರರೂಪದ ರಕ್ಕಸನಾಗಿ ಬದಲಾಗುತ್ತಾನೆ. ಹಾಗಾದರೆ ಆತ ಹಾಗೆ ಬದಲಾಗಲು ಕಾರಣವೇನು? ಯಾರು? ಮುಂದೇನು? ಕುತೂಹಲ ಇರುವವರು ಸಿನಿಮಾ ನೋಡಲೇಬೇಕು.
