ವಿನೋದ್​ ಪ್ರಭಾಕರ್ ಹುಟ್ಟುಹಬ್ಬಕ್ಕೆ 'ರಾಬರ್ಟ್​' ಪೋಸ್ಟರ್​

ಬೆಂಗಳೂರು: ದೀಪಾವಳಿ ಹಬ್ಬದ ನಂತರ ದರ್ಶನ್​ ಅಭಿನಯದ 'ರಾಬರ್ಟ್​' ಚಿತ್ರತಂಡದಿಂದ ಏನೂ ಹೊರಬಂದಿಲ್ಲ ಎಂದು ದರ್ಶನ್​ ಅಭಿಮಾನಿಗಳು ಬೇಸರಗೊಂಡಿದ್ದರು. ಈಗ ನಿರ್ದೇಶಕ ತರುಣ್​ ಸುಧೀರ್​, ಚಿತ್ರ ಹೊಚ್ಚಹೊಸ ಪೋಸ್ಟರ್​ವೊಂದನ್ನು ಬಿಡುಗಡೆ ಮಾಡಿದ್ದಾರೆ.

ಇದನ್ನೂ ಓದಿ: ಕಾಸರವಳ್ಳಿಗೆ 70; ಎರಡು ಚಿತ್ರೋತ್ಸವಗಳಿಗೆ ‘ಇಲ್ಲಿರಲಾರೆ ಅಲ್ಲಿಗೆ ಹೋಗಲಾರೆ’

'ರಾಬರ್ಟ್​' ಚಿತ್ರದಲ್ಲಿ ದರ್ಶನ್​ ಜತೆಗೆ ವಿನೋದ್​ ಪ್ರಭಾಕರ್​ ಸಹ ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಪಾತ್ರವೇನು? ಪಾತ್ರದ ಹೆಸರೇನು? ಮುಂತಾದ ಯಾವ ವಿಷಯವನ್ನೂ ಚಿತ್ರತಂಡವು ಇದುವರೆಗೂ ಬಿಟ್ಟುಕೊಟ್ಟಿಲ್ಲ. ಇನ್ನು ಚಿತ್ರದಲ್ಲಿ ಅವರು ಹೇಗೆ ಕಾಣಬಹುದು ಎಂಬುದು ಸಹ ಹಲವರಿಗೆ ಗೊತ್ತಿರಲಿಲ್ಲ. ಇದೀಗ ಚಿತ್ರತಂಡದವರು, ವಿನೋದ್​ ಪ್ರಭಾಕರ್​ ಅವರ ಫಸ್ಟ್​ ಲುಕ್​ ಪೋಸ್ಟರ್​ ಬಿಡುಗಡೆ ಮಾಡಿದ್ದಾರೆ.

ಅದಕ್ಕೆ ಕಾರಣವೂ ಇದೆ. ಇಂದು ವಿನೋದ್​ ಪ್ರಭಾಕರ್​ ಅವರ ಹುಟ್ಟುಹಬ್ಬ. ಈ ಸಂದರ್ಭದಲ್ಲಿ ಅವರಿಗೆ ಶುಭಕೋರುವುದರ ಜತೆಗೆ, ಅವರ ಫಸ್ಟ್​​ಲುಕ್​ ಪೋಸ್ಟರ್​ ಬಿಡುಗಡೆ ಮಾಡಲಾಗಿದೆ. ದರ್ಶನ್​, ತರುಣ್​ ಸುಧೀರ್​, ಉಮಾಪತಿ ಶ್ರೀನಿವಾಸ ಗೌಡ ಮುಂತಾದವರು ಈ ಪೋಸ್ಟರ್​ ಹಂಚಿಕೊಂಡು, ವಿನೋದ್​ಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ.

ಇನ್ನು, 'ರಾಬರ್ಟ್​' ಚಿತ್ರದ ಬಿಡುಗಡೆಯ ವಿಷಯಕ್ಕೆ ಬರುವುದಾದರೆ, ಸದ್ಯಕ್ಕೆ ಚಿತ್ರ ಬಿಡುಗಡೆಯಾಗುವ ಹಾಗೆ ಕಾಣುತ್ತಿಲ್ಲ. ಮೊದಲಿಗೆ, ಕ್ರಿಸ್ಮಸ್​ ಅಥವಾ ಸಂಕ್ರಾಂತಿ ಹಬ್ಬದ ಹೊತ್ತಿಗೆ ಚಿತ್ರವನ್ನು ಬಿಡಗುಡೆ ಮಾಡಬಹುದು ಎಂದು ಹೇಳಲಾಗಿತ್ತು. ಆದರೆ, ನಿರ್ಮಾಪಕ ಉಮಾಪತಿ ಶ್ರೀನಿವಾಸ ಗೌಡ ಹೇಳಿಕೊಂಡಿರುವಂತೆ, ಚಿತ್ರಮಂದಿರಗಳಲ್ಲಿ ಶೇ. 100ರಷ್ಟು ಹಾಜರಾತಿಗೆ ಸರ್ಕಾರ ಅನುಮತಿ ಕೊಟ್ಟ ನಂತರ ಚಿತ್ರವನ್ನು ಬಿಡುಗಡೆ ಮಾಡಲಾಗುತ್ತದಂತೆ.

ಇದನ್ನೂ ಓದಿ: ಕೃಷ್ಣನ ಜತೆಗೆ ಅದ್ವಿತಿ ಶೆಟ್ಟಿ; ಮೂರನೆಯವರಿಗೆ ಹುಡುಕಾಟ

ಸರ್ಕಾರ ಯಾವಾಗ ಶೇ.100ರಷ್ಟು ಹಾಜರಾತಿಗೆ ಅನುಮತಿಗೆ ಕೊಡುತ್ತದೆ ಎಂಬುದು ಸದ್ಯಕ್ಕೆ ಯಾರಿಗೂ ಗೊತ್ತಿಲ್ಲ. ಬಹುಶಃ ಮಾರ್ಚ್​ ಅಥವಾ ಏಪ್ರಿಲ್​ ಹೊತ್ತಿಗೆ ಸರ್ಕಾರ ಅನುಮತಿ ಕೊಡಬಹುದು ಎಂದು ನಿರೀಕ್ಷಿಸಲಾಗಿದ್ದು, ಆ ನಂತರವಷ್ಟೇ ಚಿತ್ರದ ಬಿಡುಗಡೆ ಎಂದು ಹೇಳಲಾಗುತ್ತಿದೆ.

https://www.vijayavani.net/kriti-to-play-sita-in-adipurush/