2012ರಲ್ಲಿ ಸಮುದ್ರಕಣಿ ಅಭಿನಯದಲ್ಲಿ ಮೂಡಿಬಂದ ಈ ಚಿತ್ರವನ್ನು ಕನ್ನಡಕ್ಕೆ ಹೊಂದುವಂತೆ ಮಾಡಿದ್ದಾರೆ ಪ್ರಮೋದ್. ಇಲ್ಲಿ ಸರ್ಕಾರಿ ಶಾಲೆಗಳನ್ನು ಉಳಿಸಿ ಎನ್ನುವ ಸಾಮಾಜಿಕ ಕಳಕಳಿಯ ಜತೆಗೆ ಕಾಮಿಡಿ, ಲವ್, ಆಕ್ಷನ್, ಸೆಂಟಿಮೆಂಟ್ ಎಲ್ಲವೂ ಇದೆ. ಎಲ್ಲ ವರ್ಗದ ಜನರಿಗೆ ಚಿತ್ರ ತಲುಪಿಸಬೇಕೆಂದು, ಎಲ್ಲವನ್ನೂ ಮಿಶ್ರಣ ಮಾಡಿ ಚಿತ್ರ ಮಾಡಲಾಗಿದೆ. ಕಾಮಿಡಿ ದೃಶ್ಯಗಳು ಸ್ವಲ್ಪ ಅತಿರೇಕವೆನಿಸಿದರೆ, ಕೆಲವು ಎಮೋಷನಲ್ ದೃಶ್ಯಗಳು ಪ್ರೇಕ್ಷಕರ ಕಣ್ಣಂಚಿನಲ್ಲಿ ನೀರು ತರಿಸುತ್ತವೆ. ಇನ್ನು ‘ಶ್ರೀರಾಮನೇ ...’ ಹಾಡು, ಆಕ್ಷನ್ ದೃಶ್ಯಗಳಂತೂ ಶಿವರಾಜಕುಮಾರ್ ಅಭಿಮಾನಿಗಳಿಗೆ ದೊಡ್ಡ ಸುಗ್ಗಿ. ಚಿತ್ರದ ಹೈಲೈಟ್ ಎಂದರೆ ಶಿವರಾಜಕುಮಾರ್. ಗುರು ಎಂಬ ಶಿಕ್ಷಕನ ಪಾತ್ರವನ್ನು ಅವರು ತೆರೆಯ ಮೇಲೆ ತಂದಿರುವ ರೀತಿಯೇ ಖುಷಿಕೊಡುತ್ತದೆ. ಅವರ ಮಾತು, ಸ್ಟೈಲು, ಎನರ್ಜಿ ಎಲ್ಲವೂ ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ.‘ಮಿಸ್ಸಿಂಗ್ ಬಾಯ್’ ಮತ್ತು ‘ಪಂಚತಂತ್ರ’ ಚಿತ್ರಗಳ ನಂತರ ರಂಗಾಯಣ ರಘು ಅವರು ಒಂದು ವಿಶಿಷ್ಟ ಮತ್ತು ವಿಚಿತ್ರ ಪಾತ್ರ ಮಾಡಿದ್ದು, ಮಾಸ್ ಪ್ರೇಕ್ಷಕರಿಗೆ ಖುಷಿಕೊಡುತ್ತಾರೆ. ಮಿಕ್ಕಂತೆ ಬಾಬು ಹಿರಣ್ಣಯ್ಯ, ಸ್ವಾತಿ ಶರ್ಮ, ಶಂಕರ್ ರಾವ್ ಮುಂತಾದವರು ತಮ್ಮ ಪಾತ್ರವನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಬಾಲಿವುಡ್ನಿಂದ ಬಂದಿರುವ ರವಿಕಿಶನ್ಗೆ ಇಲ್ಲಿ ಹೆಚ್ಚು ಕೆಲಸವಿಲ್ಲ. ತಾಂತ್ರಿಕ ವಿಷಯಗಳ ಬಗ್ಗೆ ಹೇಳುವುದಾದರೆ, ಹಾಡುಗಳು ಮತ್ತು ಆಕ್ಷನ್ ದೃಶ್ಯಗಳನ್ನು ಬಹಳ ಅದ್ಧೂರಿಯಾಗಿ ಸೆರೆಹಿಡಿದಿದ್ದಾರೆ ಜಿ.ಎಸ್. ವಾಲಿ. ರಾಮ್್ರ್ ಹಿನ್ನೆಲೆ ಸಂಗೀತದಲ್ಲಿ ಹೆಚ್ಚು ಗಮನಸೆಳೆಯುತ್ತಾರೆ.
