ವಿಜಯವಾಣಿ ಸಿನಿಮಾ ವಿಮರ್ಶೆ: ಸೈಬರ್​ ಕ್ರೈಂಗೆ ಸಾಮಾನ್ಯನ ಟಕ್ಕರ್​

| ಚೇತನ್​ ನಾಡಿಗೇರ್​

ಬೆಂಗಳೂರು:ಕೆಲವೇ ದಿನಗಳ

ಈ ಮಾಫಿಯಾ ವಿರುದ್ಧ ಸಾಮಾನ್ಯ ಮನುಷ್ಯನೊಬ್ಬನೇ ತಿರುಗಿ ಬಿದ್ದರೆ ಏನಾಗುತ್ತದೆ ಎಂದು ಹೇಳುವ ಪ್ರಯತ್ನ ಮಾಡಿದ್ದಾರೆ. ರಘು ಶಾಸ್ತ್ರಿ ಉದ್ದೇಶ ಮತ್ತು ಕಾಳಜಿ ಮೆಚ್ಚುವಂತದ್ದೇ. ಆದರೆ, ಅದನ್ನು ತೆರೆಯ ಮೇಲೆ ತರುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ಹೇಳುವುದು ಕಷ್ಟ. ಏಕೆಂದರೆ, ಈ ತರಹದ ಕಥೆಯನ್ನು ಕಮರ್ಷಿಯಲ್​ ಚೌಕಟ್ಟಿನಲ್ಲಿ ಹೇಳುವಾಗ, ಬೇಕೋ ಬೇಡವೋ ಒಂದಿಷ್ಟು ಅಂಶಗಳನ್ನು ಸೇರಿಸಬೇಕಾಗುತ್ತದೆ. ಹಾಗೆ ಸೇರಿಸುತ್ತಾ ಹೋದ ಹಾಗೆ, ಮೂಲ ಕಥೆಯಿಂದ ದೂರಾಗಬೇಕಾಗುತ್ತದೆ. "ಟಕ್ಕರ್​'ನಲ್ಲಾಗುವುದು ಸಹ ಅದೇ.

ಚಿತ್ರ ಶುರುವಾಗುವುದೇ ನಿದ್ದರೂ ಮಧ್ಯಂತರದ ನಂತರ. ಅಲ್ಲಿಯವರೆಗೂ ಚಿತ್ರವು ನಾಯಕನನ್ನು ಮೆರೆಸುವುದಕ್ಕೆ ಮೀಸಲಾಗುತ್ತದೆ. ಯಾವಾಗ ಅವನ ತಂಗಿಯಂತ ಗೆಳತಿ ಆತ್ಮಹತ್ಯೆ ಮಾಡಿಕೊಳ್ಳುತ್ತಾಳೋ, ನಾಯಕ ಸ್ವಲ್ಪ ಗಂಭೀರನಾಗುತ್ತಾನೆ. ಆಕೆಯ ಸಾವಿನ ಆಳಕ್ಕೆ ಇಳಿಯುತ್ತಿದ್ದಂತೆ ಅವನಿಗೆ ಹಲವು ವಿಷಯಗಳ ಜ್ಞಾನೋದಯವಾಗುತ್ತದೆ. ಅಲ್ಲಿಂದ ಚಿತ್ರಕ್ಕೊಂದು ತಿರುವು ಸಿಗುತ್ತದೆ. ಚಿತ್ರದ ಕೊನೆಯ ಅರ್ಧ ತಾಸು ಸೀಟಿನ ಅಂಚಿಗೆ ಕುಳಿತು ನೋಡುವಷ್ಟು ರೋಚಕವಾಗಿದೆ. ಇದೆಲ್ಲವನ್ನೂ ಪಕ್ಕಕ್ಕಿಟ್ಟು ನೋಡಿದರೆ, ಇದೊಂದು ಅರಿವು ಮೂಡಿಸುವ ಚಿತ್ರ. ಅಷ್ಟೇ ಅಲ್ಲ, ಎಚ್ಚರಿಕೆಯ ಸಂದೇಶ ಸಾರುವ ಚಿತ್ರ.

ಮನೋಜ್​ಗೆ ಇದು ನಾಯಕನಾಗಿ ಮೊದಲ ಚಿತ್ರ. ಸಾಹಸ ದೃಶ್ಯಗಳಲ್ಲಿ ಅವರು ಸಲೀಸು. ನಟನೆಯಲ್ಲಿ ಇನ್ನಷ್ಟು ಪಳಗಿದರೆ, ಕನ್ನಡಕ್ಕೆ ಇನ್ನೊಬ್ಬ ಪ್ರತಿಭಾವಂತ ಆರಡಿ ಹೀರೋ ಸಿಕ್ಕಂತಾಗುತ್ತದೆ. ರಂಜನಿಗೆ ಹೆಚ್ಚು ಕೆಲಸವಿಲ್ಲ. ಸಾಧು ಇದ್ದರೂ ಚಿತ್ರದಲ್ಲಿ ಕಾಮಡಿ ಇಲ್ಲ. "ಭಜರಂಗಿ' ಲೋಕಿ ತಮ್ಮ ತಣ್ಣನೆಯ ಅಭಿನಯದಿಂದ ಆವರಿಸಿಕೊಳ್ಳುತ್ತಾರೆ. ಕೆ.ಎಸ್​. ಶ್ರೀಧರ್​, ಸುಮಿತ್ರಾ ಮುಂತಾದವರಿಗೆ ಹೆಚ್ಚು ಕೆಲಸವಿಲ್ಲ. ಸಂಗೀತ, ಛಾಯಾಗ್ರಹಣದಲ್ಲಿ ವಿಶೇಷ ಅನ್ನುವಂತದ್ದೇನೂ ಇಲ್ಲ.

ಚಿತ್ರ: ಟಕ್ಕರ್​

ನಿರ್ದೇಶನ: ರಘು ಶಾಸ್ತ್ರಿ

ನಿರ್ಮಾಣ: ನಾಗೇಶ್​ ಕೋಗಿಲು

ತಾರಾಗಣ: ಮನೋಜ್​ ಕುಮಾರ್​, ರಂಜನಿ ರಾವನ್​, "ಭಜರಂಗಿ' ಲೋಕಿ, ಜೈಜಗದೀಶ್​ ಮುಂತಾದವರು