ಇದು ರಾಜಕುಮಾರ್ ಅವರಿಗೆ ಗೊತ್ತಿಲ್ಲದ ವಿಷಯವೇನಲ್ಲ. ಏಕೆಂದರೆ, ಕೆಲವು ಅಗತ್ಯದ ಪತ್ರಗಳಿಗೆಲ್ಲ ಅವರ ಸಹಿ ಬೇಕಾಗಿದ್ದರಿಂದ, ಎಲ್ಲವೂ ಅವರ ಗಮನಕ್ಕೆ ತರಲಾಗುತ್ತಿತ್ತಂತೆ. ಇನ್ನೇನು ವಿದೇಶ ಪ್ರವಾಸದ ದಿನ ಹತ್ತಿರ ಬಂತು ಎನ್ನುವಷ್ಟರಲ್ಲಿ, ಅದೊಂದು ದಿನ ಮಾತನಾಡುವ ಸಂದರ್ಭದಲ್ಲಿ ರಾಜಕುಮಾರ್, ತಮ್ಮ ಟಿಕೆಟ್ ಕ್ಯಾನ್ಸಲ್ ಮಾಡುವುದಕ್ಕೆ ಹೇಳಿದ್ದಾರೆ. ಇದನ್ನು ಕೇಳಿ ಸಹಜವಾಗಿಯೇ ಎಲ್ಲರಿಗೂ ಸಹಜವಾಗಿಯೇ ಬೇಸರವಾಗಿದೆ. ಕೊನೆಗೆ, ಕಾರಣ ಕೆದಕಿದಾಗ, ತಮ್ಮ ತಾಯಿಯನ್ನು ಕರೆದುಕೊಂಡು ಹೋಗುವುದಾದರೆ ತಾವು ಸಹ ಬರುವುದಾಗಿ ಹೇಳಿದರಂತೆ. ರಾಜಕುಮಾರ್ ಅವರಿಗೆ ತಮ್ಮ ತಾಯಿಯನ್ನು ಪ್ರಪಂಚ ಪರ್ಯಟನೆ ಮಾಡಿಸಬೇಕು ಎಂಬ ಆಸೆ ಇತ್ತಂತೆ. ಆದರೆ, ಅಷ್ಟು ವರ್ಷಗಳ ಕಾಲ ಅದು ಸಾಧ್ಯವಾಗಿರಲಿಲ್ಲ. ಈಗ ಅವಕಾಶ ಸಿಕ್ಕಿರುವುದರಿಂದ, ಅವರು ಬಂದರೆ ಮಾತ್ರ ತಾವು ಸಹ ಬರುವುದಾಗಿ ಹೇಳಿದರಂತೆ. ಕೊನೆಗೆ ರಾಜ್ ಅವರ ತಾಯಿಯ ಪಾಸ್ಪೋರ್ಟ್ ಮತ್ತು ಟೆಕೆಟ್ಗಳನ್ನು ಮಾಡಿಸಿ ಅವರನ್ನೂ ಕರೆದುಕೊಂಡು ಫಾರಿನ್ಗೆ ಹೋಗಲಾಯಿತು. ಬೆಂಗಳೂರಿನಿಂದ ದೆಹಲಿ, ಏಥನ್ಸ್, ಆಮ್್ಟರ್ಡ್ಯಾಮ್ ಫ್ರಾಂಕ್ಫರ್ಟ್, ಜಿನೆವಾ, ರೋಮ್ ಪ್ಯಾರಿಸ್, ಇಂಗ್ಲೆಂಡ್, ಟೊರಾಂಟೋ, ಕೆನಡಾ, ನಯಾಗರಾ, ನ್ಯೂಯಾರ್ಕ್, ಬ್ಯಾಂಕಾಕ್, ಸಿಂಗಾಪೂರ್, ಹಾಂಗ್ಕಾಂಗ್ ಮುಂತಾದ ಕಡೆ ಹೋಗಿ ಸ್ವದೇಶಕ್ಕೆ ಮರಳಿದ್ದಾರೆ.
