ಈ ಚಿತ್ರದ ನಿರ್ವಪಕರು ಗುರು ಬಂಡೆ. ಮೂಲತಃ ಕಲಬುರಗಿಯವರಾದ ಇವರು, ಆ ಭಾಗದಲ್ಲಿ ನಡೆದ ಘಟನೆಯೊಂದರ ಎಳೆಯನ್ನಿಟ್ಟುಕೊಂಡು, ಕಮರ್ಷಿಯಲ್ ಶೈಲಿಯಲ್ಲಿ ಈ ಚಿತ್ರ ಮಾಡುತ್ತಿದ್ದಾರೆ. ದೇವರಾಜ್ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದು, ಒಟ್ಟು ಮೂರು ಅವತಾರದಲ್ಲಿ ವಿಜಯ್ ಅವರನ್ನು ತೋರಿಸುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇನ್ನು ಕ್ಲಾಸ್ ಇಮೇಜ್ ಬದಿಗಿಟ್ಟು ಮಾಸ್ ಅವತಾರ ಎತ್ತುತ್ತಿರುವ ಬಗ್ಗೆ ಮಾತನಾಡುವ ವಿಜಯ್, ‘ಇಲ್ಲಿಯವರೆಗೂ ಅದೇ ರೀತಿ ಕಾಣಿಸಿಕೊಂಡಿದ್ದೇನೆ. ಚೂರು ಹೊಸತನ್ನು ಪ್ರಯತ್ನಿಸಬೇಕೆಂದಾಗ ಸಿಕ್ಕ ಕಥೆ ಇದು. ಸದ್ಯ ಎರಡು ಶೇಡ್ ರಿವೀಲ್ ಆಗಿದ್ದು, ಇನ್ನೊಂದನ್ನು ಮುಂದಿನ ದಿನಗಳಲ್ಲಿ ಬಹಿರಂಗ ಪಡಿಸಲಿದ್ದೇವೆ. ಸಮಾಜದಲ್ಲಿ ತಪು್ಪ ನಡೆದಾಗ, ಎದ್ದು ನಿಂತು ಪ್ರಶ್ನೆ ಮಾಡುವಂತ ಪಾತ್ರ ನಿಭಾಯಿಸುತ್ತಿದ್ದೇನೆ’ ಎಂದು ಪಾತ್ರದ ವಿವರಣೆ ನೀಡುತ್ತಾರೆ. ಸದ್ಯ ಸ್ಯಾಂಡಲ್ವುಡ್ನಲ್ಲಿ ಸಿನಿಮಾ ಚಟುವಟಿಕೆಗಳು ಕ್ರಮೇಣ ಶುರುವಾಗುತ್ತಿದ್ದು, ಮುಂದಿನ ಕೆಲವು ದಿನಗಳಲ್ಲಿ ಚಿತ್ರೀಕರಣಕ್ಕೆ ತಂಡ ಚಾಲನೆ ನೀಡಲಿದೆಯಂತೆ.
