ವಿಹಾನ್ ಮಾತ್ರ ಸದ್ಯಕ್ಕೆ ಅಂತಿಮವಾಗಿದ್ದು, ಉಳಿದ ಪಾತ್ರಕ್ಕೆ ಕಲಾವಿದರನ್ನು ಇನ್ನಷ್ಟೇ ಆರಿಸಿಕೊಳ್ಳಬೇಕಿದೆ. ‘1/4 ಕೆಜಿ ಪ್ರೀತಿ’ ಚಿತ್ರದ ಮೂಲಕ ನಾಯಕರಾಗಿ ಸ್ಯಾಂಡಲ್ವುಡ್ಗೆ ಪ್ರವೇಶಿಸಿರುವ ವಿಹಾನ್, ಯೋಗರಾಜ್ ಭಟ್ ನಿರ್ದೇಶನದ ‘ಪಂಚತಂತ್ರ’ ಸಿನಿಮಾದಲ್ಲೂ ನಾಯಕರಾಗಿ ಗಮನ ಸೆಳೆದಿದ್ದಾರೆ. ಇನ್ನು ನಾಯಕಿ ಪಾತ್ರಕ್ಕೆ ನಿಖಿಲ್ ಕುಮಾರಸ್ವಾಮಿ ಅಭಿನಯದ ‘ಜಾಗ್ವಾರ್’ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದ ದೀಪ್ತಿ ಸತಿ ಅವರನ್ನು ಸಂರ್ಪಸಲಾಗಿದೆ. ಆ ಬಗ್ಗೆ ಮಾತುಕತೆ ನಡೆಯುತ್ತಿದೆ. ಡೇಟ್ ಹೊಂದಾಣಿಕೆ ಸಮಸ್ಯೆಯಿಂದಾಗಿ ನಿರ್ಧಾರ ಸ್ವಲ್ಪ ವಿಳಂಬವಾಗುತ್ತಿದೆ. ಅದಾಗ್ಯೂ ಚಿತ್ರತಂಡ ದೀಪ್ತಿ ಅವರನ್ನೇ ಅಂತಿಮಗೊಳಿಸುವ ಯತ್ನದಲ್ಲಿದೆ. ಚೆನ್ನೈನ ಸುಂದರ್ ಪಾಂಡ್ಯನ್ ಛಾಯಾಗ್ರಹಣ, ‘ಬಾಹುಬಲಿ’ ಸಿನಿಮಾಗೆ ಕೆಲಸ ಮಾಡಿದ್ದ ಶಿವಪ್ರೇಮ್ ಸಾಹಸ ಸಂಯೋಜನೆ ಈ ಸಿನಿಮಾಗಿದೆ. ಬೆಂಗಳೂರು, ದೊಡ್ಡಬಳ್ಳಾಪುರ, ಕೊಡಗು, ಚಿಕ್ಕಮಗಳೂರು, ಮಂಗಳೂರು ಮುಂತಾದೆಡೆ ಚಿತ್ರೀಕರಣ ನಡೆಯಲಿದ್ದು, ಏಪ್ರಿಲ್ನೊಳಗೆ ಮುಗಿಸಿ ಜುಲೈನಲ್ಲಿ ಬಿಡುಗಡೆ ಮಾಡುವ ಗುರಿ ಇರಿಸಿಕೊಂಡಿದೆ ಚಿತ್ರತಂಡ. ಇನ್ನು ಈ ಚಿತ್ರಕ್ಕೆ ಸುಭಾಷ್ ಚಂದ್ರ ಒಂಥರ ನಿರ್ದೇಶಕ-ಕಂ-ನಿರ್ವಪಕ. ‘ನಾವೊಂದಷ್ಟು ಗೆಳೆಯರೆಲ್ಲ ಸೇರಿ ‘ಗ್ರೇಟ್ ಬ್ರೋಸ್ ಪಿಕ್ಚರ್ಸ್’ ಎಂಬ ಕಂಪನಿ ಹುಟ್ಟುಹಾಕಿ, ಆ ಮೂಲಕ ಬಂಡವಾಳ ಹಾಕಿ ಸಿನಿಮಾ ಮಾಡುತ್ತಿದ್ದೇವೆ’ ಎಂದಿದ್ದಾರೆ ಸುಭಾಷ್.
