ರಶ್ಮಿಕಾ ಹೇಳಿಕೆಯಿಂದ 'ವಾರಿಸು' ಚಿತ್ರದ 300 ಪ್ರದರ್ಶನ ಕ್ಯಾನ್ಸಲ್​?

ಬೆಂಗಳೂರು: ಬುಧವಾರವಷ್ಟೇ ವಿಜಯ್​ ಮತ್ತು ರಶ್ಮಿಕಾ ಅಭಿನಯದ 'ವಾರಿಸು' ಚಿತ್ರ ಬೆಂಗಳೂರಿನಲ್ಲಿ ಬಿಡುಗಡೆಯಾಗಿದೆ. ಮೊದಲ ದಿನ ಈ ಚಿತ್ರವು 800ಕ್ಕೂ ಹೆಚ್ಚು ಪ್ರದರ್ಶನಗಳನ್ನು ಕಂಡಿತ್ತು. ಆದರೆ, ಕ್ರಮೇಣ ಶೋಗಳು ಕಡಿಮೆಯಾಗಿದ್ದು, ಒಂದೇ ದಿನ 300 ಪ್ರದರ್ಶನಗಳು ಕ್ಯಾನ್ಸಲ್​ ಆಗಿದೆ ಎಂದು ಹೇಳಲಾಗುತ್ತಿದೆ. ಅಷ್ಟೇ ಅಲ್ಲ, ಇದಕ್ಕೆಲ್ಲ ಕಾರಣ ರಶ್ಮಿಕಾ ಎಂಬ ಸುದ್ದಿ ಇದೆ.

ಇದನ್ನೂ ಓದಿ: 64ನೇ ವಯಸ್ಸಿನಲ್ಲಿ ಮೂರನೇ ಮದುವೆ! ಹಿರಿಯ ನಟಿ ಜಯಸುಧಾ ಕೊಟ್ಟ ಸ್ಪಷ್ಟನೆ ಹೀಗಿದೆ…

ಕಳೆದ ವರ್ಷ ರಶ್ಮಿಕಾ ಮಂದಣ್ಣ ಸಂದರ್ಶನವೊಂದರಲ್ಲಿ ಮಾತನಾಡುವಾಗ ತಮ್ಮನ್ನು ಕನ್ನಡ ಚಿತ್ರರಂಗಕ್ಕೆ ಪರಿಚಯಿಸಿದ್ದು ಯಾರು ಎಂದು ಹೇಳಲಿಲ್ಲ. ಪರಂವಾ ಸ್ಟುಡಿಯೋಸ್​ ಹೆಸರನ್ನು ಹೇಳದೆಯೇ ನಿರ್ಮಾಣ ಸಂಸ್ಥೆಯೊಂದನ್ನು ತನ್ನನ್ನು ಸಂಪರ್ಕಿಸಿತು ಎಂದು ಹೇಳಿದ್ದರು. ಇದು ರಕ್ಷಿತ್​ ಅಭಿಮಾನಿಗಳಲ್ಲಿ ಸಾಕಷ್ಟು ಬೇಸರ ಮೂಡಿಸಿತ್ತು. ರಶ್ಮಿಕಾ ತಮ್ಮನ್ನು ಚಿತ್ರರಂಗಕ್ಕೆ ಪರಿಚಯಿಸಿದವರನ್ನೇ ಮರೆತರು ಎಂದು ಸೋಷಿಯಲ್​ ಮೀಡಿಯಾದಲ್ಲಿ ಟ್ರೋಲ್​ ಆದರು.

ಅಷ್ಟೇ ಅಲ್ಲ, ರಶ್ಮಿಕಾ ಅಹಂಕಾರಕ್ಕೆ ಪ್ರತಿಯಾಗಿ ಕರ್ನಾಟಕದ ಚಿತ್ರಮಂದಿರದ ಮಾಲೀಕರು, ಕೆಲವು ಸಂಘ-ಸಂಸ್ಥೆಗಳು ಮತ್ತು ಚಿತ್ರರಂಗದವರು ಆವರ ಚಿತ್ರಗಳನ್ನು ಕರ್ನಾಟಕದಲ್ಲಿ ಬ್ಯಾನ್​ ಮಾಡುವ ಬಗ್ಗೆ ಯೋಚಿಸುತ್ತಿವೆ ಎಂಬ ಸುದ್ದಿಯೊಂದು ಕೇಳಿಬಂತು. ಈ ಬಗ್ಗೆ ಯಾರಿಂದಲೂ ಅಧಿಕೃತ ಘೋಷಣೆ ಹೊರಬರದಿದ್ದರೂ, ಸೋಷಿಯಲ್​ ಮೀಡಿಯಾದಲ್ಲಿ ಇಂಥದ್ದೊಂದು ಸುದ್ದಿಯಾಗಿದ್ದಂತೂ ಹೌದು.

ಇದನ್ನೂ ಓದಿ: ‘ಧೂಮಂ’ ಮುಕ್ತಾಯ; ಹೊಂಬಾಳೆ ಫಿಲಂಸ್​ ನಿರ್ಮಾಣದ ಚಿತ್ರಕ್ಕೆ ಕುಂಬಳಕಾಯಿ

ಅದಕ್ಕೆ ಪ್ರತಿಯಾಗಿ, 'ವಾರಿಸು' ಚಿತ್ರದ ಪ್ರದರ್ಶನಗಳು ಕಡಿಮೆ ಆಗುತ್ತಿರುವ, ಕ್ಯಾನ್ಸಲ್​ ಆಗುತ್ತಿರುವ ಬಗ್ಗೆ ರಶ್ಮಿಕಾ ಅವರ ಮಾತುಗಳೇ ಕಾರಣ ಎಂದು ಹೇಳಲಾಗುತ್ತಿದೆ. ಇದು ಸಂಪೂರ್ಣ ನಿಜವೇನಲ್ಲ. ಏಕೆಂದರೆ, 'ವಾರಿಸು' ಬಗ್ಗೆ ವಿಜಯ್​ ಅಭಿಮಾನಿಗಳು ಸಾಕಷ್ಟು ಕೊಂಡಾಡುತ್ತಿದ್ದರೂ, ಚಿತ್ರದ ಬಗ್ಗೆ ಅಷ್ಟೇನೂ ಒಳ್ಳೆಯ ಅಭಿಪ್ರಾಯಗಳು ವ್ಯಕ್ತವಾಗಿಲ್ಲ. ಮೇಲಾಗಿ, 'ತುನಿವು', 'ವಾಲ್ಟರ್​ ವೀರಯ್ಯ' ಮತ್ತು 'ವೀರ ಸಿಂಹ ರೆಡ್ಡಿ' ಚಿತ್ರಗಳು ಜತೆಗೆ ಬಿಡುಗಡೆಯಾಗಿದ್ದರಿಂದ, ಸಹಜವಾಗಿಯೇ 'ವಾರಿಸು' ಚಿತ್ರಕ್ಕೆ ಪ್ರದರ್ಶನಗಳ ಸಂಖ್ಯೆ ಕಡಿಮೆಯಾಗಿದೆ. ಆದರೆ, 'ವಾರಿಸು' ಚಿತ್ರಕ್ಕೆ ಪ್ರದರ್ಶನಗಳು ಕಡಿಮೆಯಾಗಿದ್ದಿಕ್ಕೆ ರಶ್ಮಿಕಾ ಮಂದಣ್ಣ ಕಾರಣ ಎಂದು ಸೋಲನ್ನು ಅವರ ತಲೆಗೆ ಕಟ್ಟುವ ಪ್ರಯತ್ನ ಮಾಡುತ್ತಿದ್ದಾರೆ.

https://www.vijayavani.net/sandeep-soparkar-in-kannada-film/