ನಟ, ನಿರ್ದೇಶಕ ಉಪೇಂದ್ರ ಇತ್ತೀಚೆಗಷ್ಟೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಅವರ ಜನ್ಮದಿನದ ನಿಮಿತ್ತ ಹಲವು ಸಿನಿಮಾ ತಂಡಗಳು, ಪೋಸ್ಟರ್ ಮತ್ತು ಟೀಸರ್ ಬಿಡುಗಡೆ ಮಾಡಿಕೊಂಡು ನೆಚ್ಚಿನ ನಟನಿಗೆ ಉಡುಗೊರೆ ನೀಡಿದ್ದವು. ಇತ್ತ ಕರೊನಾ ಹಿನ್ನೆಲೆಯಲ್ಲಿ ಅಭಿಮಾನಿಗಳ ಜತೆ ಕಾಣಿಸಕೊಳ್ಳದ ಉಪ್ಪಿ, ಕೊಡಗು ಪ್ರವಾಸದಲ್ಲಿ ಕಾಲ ಕಳೆದಿದ್ದಾರೆ. ಕುಟುಂಬ ಸಮೇತ ಹಲವು ದೇಗುಲ ಮತ್ತು ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿ, ಪ್ರಕೃತಿ ಮಧ್ಯೆ ಕೇಕ್ ಕತ್ತರಿಸಿ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ. ಕೊಡಗು ಜಿಲ್ಲೆಯ ಸೋಮವಾರ ಪೇಟೆ ಸಮೀಪವಿರುವ ನಿಸರ್ಗ ರಮಣೀಯ ಪ್ರಸಿದ್ಧ ಪುಣ್ಯ ಕ್ಷೇತ್ರ ಪುಷ್ಪ ಗಿರಿ ಬೆಟ್ಟದಲ್ಲಿನ ಶ್ರೀ ಶಾಂತ ಮಲ್ಲಿಕಾರ್ಜುನ ಸ್ವಾಮಿಯ ದೇವಸ್ಥಾನಕ್ಕೆ ತೆರಳಿದ್ದ ಉಪ್ಪಿ, ಅದಾದ ಬಳಿಕ ಮಡಿಕೇರಿಯ ಸುಂದರ ತಾಣಗಳು ಮತ್ತು ಜಲಪಾತಗಳಿಗೆ ಭೇಟಿ ನೀಡಿ ಬಂದಿದ್ದಾರೆ. ಆ ಫ್ಯಾಮಿಲಿ ಟ್ರಿಪ್ನ ಫೋಟೋಗಳು ಇಲ್ಲಿವೆ.
