ಕೊನೆಗೂ UI ಸಿನಿಮಾ ಬಿಡುಗಡೆಗೆ ದಿನಾಂಕ ಫಿಕ್ಸ್​! ಸಿನಿ ಪ್ರೇಕ್ಷಕರ ತಲೆಗೆ ಮತ್ತೊಂದು ಹುಳ ಬಿಟ್ಟ ಉಪ್ಪಿ | Upendra

ಬೆಂಗಳೂರು: ರಿಯಲ್​ ಸ್ಟಾರ್​ ಉಪೇಂದ್ರ ( Upendra )ನಿರ್ದೇಶಿಸಿ, ನಟಿಸಿರುವ ಯುಐ ಸಿನಿಮಾ ಯಾವಾಗ ಬಿಡುಗಡೆಯಾಗುತ್ತದೆ ಎಂದು ಕಾದು ಕುಳಿತಿದ್ದ ಅಭಿಮಾನಿಗಳಿಗೆ ಕೊನೆಗೂ ಚಿತ್ರತಂಡ ಗುಡ್​ ನ್ಯೂಸ್​ ನೀಡಿದೆ. ಡಿಸೆಂಬರ್​ 20ಕ್ಕೆ ಬಹುನಿರೀಕ್ಷಿತ ಯುಐ ಸಿನಿಮಾ ಬಿಡುಗಡೆಯಾಗಲಿದೆ.

ಉಪೇಂದ್ರ ಅವರೇ ತಮ್ಮ ಎಕ್ಸ್​ ಖಾತೆಯಲ್ಲಿ ಬಿಡುಗಡೆ ದಿನಾಂಕವನ್ನು ಘೋಷಣೆ ಮಾಡಿದ್ದಾರೆ. ಅಷ್ಟೇ ಅಲ್ಲ, ಎಂದಿನಂತೆ ತಮ್ಮದೇ ಸ್ಟೈಲ್​ನಲ್ಲಿ ಸಿನಿ ಪ್ರೇಕ್ಷಕರ ತಲೆಗೆ ಹುಳು ಬಿಟ್ಟಿದ್ದಾರೆ. ಇಷ್ಟು ದಿನ ಸಿನಿಮಾ ನೋಡಿ ನೀವು ಹಿಟ್ ಅಥವಾ ಫ್ಲಾಪ್ ಅಂತ ಹೇಳ್ತಾ ಇದ್ರಿ, ಈ ಸಿನಿಮಾ ನಿಮ್ಮನ್ ನೋಡಿ..... ಎಂದು ಬರೆಯುವ ಮೂಲಕ ಸಿನಿಪ್ರೇಕ್ಷಕರಿಗ ಉಪ್ಪಿ ಮತ್ತೊಮ್ಮೆ ಹುಳ ಬಿಟ್ಟು ಕುತೂಹಲ ಕೆರಳಿಸಿದ್ದಾರೆ. ಈಗಾಗಲೇ ಚೀಪ್​ ಸಾಂಗ್​ ಬಿಟ್ಟು ಕುತೂಹಲ ಮೂಡಿಸಿದ್ದರು. ಇದೀಗ ಉಪ್ಪಿ ಹೇಳಿದ ಈ ಮಾತಿಗೆ ಅರ್ಥ ಗೊತ್ತಾಗಬೇಕಾದರೆ ಸಿನಿಮಾ ಬಿಡುಗಡೆವರೆಗೂ ಕಾಯಲೇಬೇಕಿದೆ.

ಸಿನಿಮಾ ಡಿ.20ಕ್ಕೆ ಬಿಡುಗಡೆಯಾಗಲಿದೆ ಎಂಬ ವಿಚಾರ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ಫುಲ್​ ಖುಷಿಯಾಗಿದ್ದಾರೆ. ಉಪ್ಪಿ ನಿರ್ದೇಶನದಲ್ಲಿ ಬಹಳ ವರ್ಷಗಳ ನಂತರ ಮತ್ತೊಂದು ಸಿನಿಮಾ ನೋಡುತ್ತಿದ್ದೇವೆ. ನಮಗೆ ಕಾಯಲು ಸಾಧ್ಯವಾಗುತ್ತಿಲ್ಲ. ಈ ಸಿನಿಮಾ ಸೂಪರ್​ ಡೂಪರ್​ ಹಿಟ್​ ಆಗುವುದು ಖಂಡಿತ ಎಂದು ಅಭಿಮಾನಿಗಳು ಕಾಮೆಂಟ್​ಗಳನ್ನು ಹರಿಬಿಡುತ್ತಿದ್ದಾರೆ.

ಇದನ್ನೂ ಓದಿ: ಬಿಗ್​ಬಾಸ್​​ ಶೋಗೆ ಸುದೀಪ್ ದಿಢೀರ್​ ಗುಡ್​ಬೈ ಹೇಳಿದ್ದೇಕೆ? ಕಿಚ್ಚನಿಗಾದ ನೋವೇನು? ಶಾಕಿಂಗ್​ ಸಂಗತಿ ಬಯಲು​ | Kichcha Sudeepa

ಅಂದಹಾಗೆ ಯುಐ ಸಿನಿಮಾದಿಂದ ಕೊನೆಯದಾಗಿ ಟ್ರೋಲ್​ ಸಾಂಗ್​ ಬಿಡುಗಡೆಯಾಗಿತ್ತು. 7 ತಿಂಗಳ ಹಿಂದೆ ಈ ಸಾಂಗ್​ ಬಿಡುಗಡೆಯಾಗಿ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸಂಚಲನ ಸೃಷ್ಟಿಸಿತ್ತು. ಅಲ್ಲದೆ, ಚಿತ್ರದ ಮೇಲಿನ ನಿರೀಕ್ಷೆಯನ್ನು ಸಹ ದುಪ್ಪಟ್ಟು ಮಾಡಿತ್ತು. ಇದಾದ ಬಳಿಕ ಚಿತ್ರತಂಡದಿಂದ ಯಾವುದೇ ಅಪ್​ಡೇಟ್​ ಬಂದಿರಲಿಲ್ಲ. ಯಾವಾಗ ಹೊಸ ಅಪ್​ಡೇಟ್​ ಬರುತ್ತದೆ ಎಂದು ಅಭಿಮಾನಿಗಳು ಕಾದು ಕುಳಿತಿದ್ದರು ಮತ್ತು ಚಿತ್ರತಂಡವನ್ನು ಕೇಳುತ್ತಿದ್ದರು. ಇದರ ನಡುವೆ ಆ. 16ನೇ ತಾರೀಖಿನಂದು ಬಿಗ್​ ಅನೌನ್ಸ್​ಮೆಂಟ್ ಮಾಡುವುದಾಗಿ ಚಿತ್ರತಂಡ ಹೇಳಿತ್ತು. ಬಳಿಕ ಅಕ್ಟೋಬರ್​ ತಿಂಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಹೇಳಿತ್ತು. ಆದರೆ, ಕಾರಣಾಂತರಗಳಿಂದ ಬಿಡುಗಡೆ ಸಾಧ್ಯವಾಗಲಿಲ್ಲ. ಇದೀಗ ಅಧಿಕೃತ ದಿನಾಂಕವನ್ನು ಚಿತ್ರತಂಡ ಘೋಷಣೆ ಮಾಡಿದೆ. ಡಿಸೆಂಬರ್​ 20ಕ್ಕೆ ಸಿನಿಮಾ ಬೆಳ್ಳಿತೆರೆಗೆ ಅಪ್ಪಳಿಸಲಿದೆ.

ಅಂದಹಾಗೆ ಯುಐ ಚಿತ್ರದಲ್ಲಿ ಉಪೇಂದ್ರಗೆ ರೀಷ್ಮಾ ನಾಣಯ್ಯ ನಾಯಕಿಯಾಗಿದ್ದಾರೆ. ಲಹರಿ ಫಿಲಂಸ್‌ನ ಮನೋಹರನ್ ಮತ್ತು ವೀನಸ್ ಎಂಟರ್‌ಟೇನರ್ಸ್‌ನ ಕೆ.ಪಿ. ಶ್ರೀಕಾಂತ್ ಜಂಟಿಯಾಗಿ ಈ ಮೆಗಾ ಬಜೆಟ್ ಸಿನಿಮಾ ನಿರ್ಮಿಸಿದ್ದಾರೆ.

https://www.vijayavani.net/auto-driver-rules-change-your-attitude-and-put-it-in-your-job

https://www.vijayavani.net/not-anushka-shetty-and-rashmika-mandana-this-actress-remuneration-is-highest-in-tollywood