"ಯುಐ' ಚಿತ್ರವನ್ನು ನೋಡಿ ಡೀಕೋಡ್ ಮಾಡುವಂತೆ ಉಪೇಂದ್ರ ಹೇಳಿದ್ದರು. ಅದರಂತೆ ಪ್ರೇಕ್ಷಕರು ಸಹ ತಮ್ಮದೇ ರೀತಿಯಲ್ಲಿ "ಯುಐ' ಚಿತ್ರವನ್ನು ವ್ಯಾಖ್ಯಾನಿಸುತ್ತಿದ್ದಾರೆ. ಅದರ ಬಗ್ಗೆ ಉಪೇಂದ್ರ, "ಪ್ರೇಕ್ಷಕರು ಡೀಕೋಡ್ ಮಾಡುತ್ತಿರುವುದನ್ನು ಓದುತ್ತಿದ್ದೇನೆ. ನಾವು ಶೇಕಡಾ 50ರಷ್ಟು ಯೋಚನೆ ಮಾಡಿ ಸಿನಿಮಾ ಮಾಡಿದ್ದರೆ, ಅವರು ನೂರು ಪ್ರತಿಶತಃ ಡೀಕೋಡ್ ಮಾಡುತ್ತಿದ್ದಾರೆ. ಏನೋ ಒಂದು ಮೆಸೇಜ್ ನೀಡಬೇಕು ಅಂತಿದ್ದರೆ ಟ್ವೀಟ್ ಮಾಡಿ ಹೇಳಿಬಿಡಬಹುದು. ಆದರೆ, ಅದು ಪ್ರೇಕ್ಷಕರ ಮೈಂಡ್ನಲ್ಲಿ ಓಡಾಡಿ, ಅವರೊಳಗೆ ಆ ಸಂದೇಶ ಚಿಗುರೊಡೆದು, ಬೆಳೆದಾಗಲೇ ಉತ್ತಮ. ಈಗಾಗಲೇ ಶೇಕಡಾ 90ರಷ್ಟು ಚಿತ್ರವನ್ನು ಡೀಕೋಡ್ ಮಾಡಿದ್ದಾರೆ. ನನ್ನ ಬೆನ್ನಲ್ಲಿ ಏನೋ ಯೋಚಿಸಿ ಒಂದು ವಿಷಯ ಹೇಳಿರಬಹುದು. ಆದರೆ, ಅದೇ ವಿಷಯ ಒಬ್ಬೊಬ್ಬರ ಬೆನ್ನಲ್ಲಿ ಒಂದೊಂದು ರೀತಿ ವರ್ಕ್ ಆಗಬಹುದು' ಎನ್ನುತ್ತಾರೆ.
