ಹನಿಮೂನ್ ಹಂತ ಮುಗಿಯಿತು, ಈಗ ಶುರುವಾಗಿದ್ದೇ ಕಿರಿಕಿರಿ! ರಾಜ್ ನಿಧಿಮೋರು ಬಗ್ಗೆ ಸಮಂತಾ ಹೀಗೆ ಹೇಳಿದ್ದೇಕೆ? Samantha Ruth Prabhu

ಇತ್ತೀಚೆಗೆ ವೋಗ್​ಗೆ ನೀಡಿದ ಸಂದರ್ಶನವೊಂದರಲ್ಲಿ ರಾಜ್ ನಿಧಿಮೋರು ಅವರೊಂದಿಗೆ ತಮಗಿರುವ ಗಾಢವಾದ ಬಾಂಧವ್ಯದ ಬಗ್ಗೆ ಮಾತನಾಡಿದ ಸಮಂತಾ, ಜನರು ಯಾವುದನ್ನು ಮಧುಚಂದ್ರದ ಹಂತ (Honeymoon Phase) ಎಂದು ಕರೆಯುತ್ತಾರೋ, ಅದನ್ನು ನಾವು ಈಗಾಗಲೇ ದಾಟಿದ್ದೇವೆ. ಆದರೆ, ರಾಜ್​ ಇಲ್ಲದೇ ಒಂದು ದಿನ ಕಳೆಯುವುದು ಕೂಡಾ ಬಹಳ ಕಷ್ಟ ಎಂದು ತಿಳಿಸಿದರು.

ಮೊದಲ ಮದುವೆಯಿಂದ ವಿಚ್ಛೇಧನ ಪಡೆದ ನಂತರ, ನಾನು ಪ್ರಪಂಚದಿಂದ ಸಂಪೂರ್ಣವಾಗಿ ದೂರವಾಗಿದ್ದೆ. ಈ ಸಮಯದಲ್ಲಿ ನಾನು ಬೇರೆಯವರನ್ನು ಅವಲಂಬಿಸಲು ಸಾಧ್ಯವೇ ಇಲ್ಲ ಎಂದು ನಾನು ಭಾವಿಸಿದ್ದೆ. ಆದರೆ, ಅದೃಷ್ಟವಶಾತ್ ಆ ರೀತಿಯ ಪ್ರೀತಿ ಮತ್ತು ಸ್ನೇಹವನ್ನು ಸ್ವೀಕರಿಸುವಷ್ಟು ನಾನು ಮಾನಸಿಕವಾಗಿ ಸ್ಥಿರವಾಗಿದ್ದೆ. ಈಗ ರಾಜ್​ ಅವರ ಬೆಂಬಲದಿಂದಾಗಿ ನಾನು ಹಿಂದಿನ ಜೀವನಕ್ಕಿಂತಲೂ ಉತ್ತಮವಾಗಿದ್ದೇನೆ ಎಂದು ಹೇಳಿದರು.

ಇತ್ತೀಚೆಗೆ ಹಳೆಯ ಸ್ನೇಹಿತೆಯೊಂದಿಗಿನ ಸಂಭಾಷಣೆಯ ನಂತರ ನಾನು ಜೀವನದಲ್ಲಿ ಎಷ್ಟು ದೂರ ಸಾಗಿ ಬಂದಿದ್ದೇನೆ ಎಂಬುದನ್ನು ನನಗೆ ಅರಿವು ಮಾಡಿಕೊಟ್ಟಿತು. ನಾವು ಭೇಟಿಯಾದ ನಂತರ ಅವರು ನನಗೊಂದು ಧ್ವನಿ ಟಿಪ್ಪಣಿಯನ್ನು ಕಳುಹಿಸಿದರು. ಅದರಲ್ಲಿ ನೀನು ಇಷ್ಟು ನಿರಾಳವಾಗಿ ಉಸಿರಾಡುತ್ತಿರುವುದನ್ನು ನಾನು ಬಹಳ ಕಾಲದ ನಂತರ ನೋಡುತ್ತಿದ್ದೇನೆ ಎಂದು ಹೇಳಿದ್ದರು.

ಸಮಂತಾ ಮತ್ತು ರಾಜ್​ ನಿಧಿಮೋರ್​ ಡಿಸೆಂಬರ್​ 1 ರಂದು ಕೊಯಮತ್ತೂರಿನ ಈಶ ಯೋಗ ಕೇಂದ್ರದೊಳಗಿನ ಲಿಂಗ ಭೈರವಿ ದೇವಸ್ಥಾನದಲ್ಲಿ ಭೂತ ಶುದ್ಧಿ ವಿವಾಹವನ್ನು ಮಾಡಿಕೊಂಡರು. ಈ ಆತ್ಮೀಯ ಸಮಾರಂಭಕ್ಕೆ ಕುಟುಂಬದ ಸದಸ್ಯರು ಮತ್ತು ಸ್ನೇಹಿತರು ಮಾತ್ರ ಭಾಗವಹಿಸಿದ್ದರು.

ಲಿಂಗ ಭೈರವಿ ನಿವಾಸಗಳಲ್ಲಿ ಅಥವಾ ಆಯ್ದ ಸ್ಥಳಗಳಲ್ಲಿ ಅರ್ಪಿಸಲಾಗುವ ಭೂತ ಶುದ್ಧಿ ವಿವಾಹವು ದಂಪತಿಗಳು ಮತ್ತು ಅವರ ಒಕ್ಕೂಟದೊಳಗಿನ ಐದು ಅಂಶಗಳನ್ನು ಶುದ್ಧೀಕರಿಸುತ್ತದೆ. ಅವರಿಬ್ಬರು ಒಟ್ಟಿಗೆ ಜೀವನವನ್ನು ಪ್ರಾರಂಭಿಸುವಾಗ ಸಾಮರಸ್ಯ, ಸಮೃದ್ಧಿ ಮತ್ತು ಆಧ್ಯಾತ್ಮಿಕ ಹೊಂದಾಣಿಕೆಗಾಗಿ ದೇವಿಯ ಅನುಗ್ರಹವನ್ನು ಆಹ್ವಾನಿಸುತ್ತದೆ (ಏಜೆನ್ಸೀಸ್).