ಟಾಲಿವುಡ್

ಹಿಂದೂ ಹಬ್ಬದಲ್ಲಿ ಭಾಗಿಯಾಗಿದ್ದಕ್ಕೆ ಫರಿಯಾ ಅಬ್ದುಲ್ಲಾ ಟ್ರೋಲ್​ಗೆ ಗುರಿ; ಅಳುತ್ತಾ 'ಜಾತಿರತ್ನಲು' ನಟಿ ಹೇಳಿದ್ದಿಷ್ಟು..Faria Abdullah

Actor Faria Abdullah breaks down over Bonalu trolling
Actor Faria Abdullah breaks down over Bonalu trolling
Published on: 

ಪ್ರಮುಖ ಮುಖ್ಯಾಂಶಗಳು

  • ಆಗಸ್ಟ್ 10 ರಂದು ಬೋನಾಲು ಉತ್ಸವದಲ್ಲಿ ನಟಿ ಫರಿಯಾ ಅಬ್ದುಲ್ಲಾ ಭಾಗಿ.
  • ಮುಸ್ಲಿಂ ಹಿನ್ನೆಲೆಯವರಾಗಿ ಹಿಂದೂ ಹಬ್ಬದಲ್ಲಿ ಭಾಗವಹಿಸಿದ್ದಕ್ಕೆ ಭಾರಿ ಟೀಕೆಗೆ ಗುರಿ.
  • ನನ್ನನ್ನು ದ್ವೇಷಿಸೋರಿಗೆ ನಾನು ಪ್ರೀತಿ ಕೊಡ್ತೇನೆ, ಒಳ್ಳೆಯದಾಗಲಿ ಎಂದು ಬಯಸುತ್ತೇನೆ ಎಂದ ನಟಿ

Actor Faria Abdullah breaks down over Bonalu trollingಟಾಲಿವುಡ್​ನ ಜಾತಿರತ್ನಾಲು, ಲೈಕ್​, ಶೇರ್​ ಆಂಡ್​ ಸಬ್​ಸ್ಕ್ರೈಬ್,​​ ಕಲ್ಕಿ2898 AD ಸಿನಿಮಾಗಳಲ್ಲಿ ನಟಿಸಿರುವ ನಟಿ ಫರಿಯಾ ಅಬ್ದುಲ್ಲಾ ಸದಾ ಟ್ರೋಲ್​, ಟೀಕೆಗೆ ಗುರಿಯಾಗುತ್ತಿರುತ್ತಾರೆ. ಕಳೆದ ಕೆಲವು ದಿನದ ಹಿಂದೆ ಹಿಂದೂ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದಕ್ಕಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಎದುರಿಸಿದ ತೀವ್ರ ಟೀಕೆ, ನಿಂದನೆಗಳ ಬಗ್ಗೆ ಮಾತನಾಡುತ್ತಾ ಕಣ್ಣೀರು ಹಾಕಿದ್ದಾರೆ.

ಬೋನಲು ಉತ್ಸವದಲ್ಲಿ ಭಾಗಿ

ತೆಲಂಗಾಣದ ಪ್ರಸಿದ್ಧ ಹಬ್ಬವಾದ ಆಗಸ್ಟ್ 10 ರಂದು ಮಿರಾಲಂ ಮಂಡಿಯ ಶ್ರೀ ಮಹಾಂಕಳೇಶ್ವರ ಅಮ್ಮವಾರಿ ದೇವಸ್ಥಾನದಲ್ಲಿ ನಡೆದ ಬೋನಾಲು ಉತ್ಸವದಲ್ಲಿ ಫರಿಯಾ ಅಬ್ದುಲ್ಲಾ ಭಾಗಿಯಾಗಿದ್ದರು. ಸಾಂಪ್ರದಾಯಿಕ ಉಡುಪಿನಲ್ಲಿ ಬೋನಂ ಹೊತ್ತು ಭಕ್ತರೊಂದಿಗೆ ಭಾಗವಹಿಸಿದ್ದರು. ದೇವಾಲಯದ ಆವರಣದಲ್ಲಿ ಡಾಪ್ಪು ಸದ್ದಿಗೆ ಹೆಜ್ಜೆ ಹಾಕಿದ ಅವರ ವೀಡಿಯೊಗಳು ಸಾಕಷ್ಟು ವೈರಲ್​ ಆಗಿದ್ದವು.

ಕಾಫಿರ್ ಎಂದು ನಿಂದನೆ

ಅವರು ಮುಸ್ಲಿಂ ಸಮುದಾಯದವರಾಗಿರುವ ಕಾರಣ, ಹಿಂದೂ ಉತ್ಸವದಲ್ಲಿ ಭಾಗಿಯಾಗಿರುವುದನ್ನು ವಿರೋಧಿಸಿ ಹಲವರು ನೆಟ್ಟಿಗರು ಸೋಶಿಯಲ್​ ಮೀಡಿಯಾದಲ್ಲಿ ಈ ಬಗ್ಗೆ ಪ್ರಶ್ನೆ ಮಾಡಿ, ಟೀಕಿಸಿದ್ದರು. ಇಷ್ಟೇ ಅಲ್ಲದೆ ಅವರನ್ನು ಕಾಫಿರ್ ಎಂದು ಕರೆದು ಧರ್ಮ ವಿರೋಧಿ ಎಂದು ಆರೋಪಿಸಿದರು. ಇದರಿಂದ ನೊಂದ ಟಾಲಿವುಡ್​​ ನಟಿ ಅಳುತ್ತಾ ಇನ್​​ಸ್ಟಾಗ್ರಾಮ್​​ನಲ್ಲಿ ಮಾತನಾಡಿ, ವಿಡಿಯೋ ಹಂಚಿಕೊಂಡಿದ್ದಾರೆ

ಫರಿಯಾ ಅಬ್ದುಲ್ಲಾ ಹೇಳಿದ್ದು ಹೀಗೆ

'ನಮ್ಮ ತಂದೆ ಸಂಜಯ್ ಅಬ್ದುಲ್ಲಾ ಅವರು ಹಿಂದೂ ಧರ್ಮದಲ್ಲಿ ಜನಿಸಿ, ಇಸ್ಲಾಂ ಧರ್ಮವನ್ನು ಇಷ್ಟಪಟ್ಟು ಮತಾಂತರಗೊಂಡವರು. ಇಂತಹ ಬಹುಸಾಂಸ್ಕೃತಿಕ ಕುಟುಂಬದಲ್ಲಿ ಬೆಳೆದಿದ್ದರಿಂದ ತಮಗೆ ಧರ್ಮ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಉತ್ತಮ ತಿಳಿವಳಿಕೆ ಸಿಕ್ಕಿದೆ. ಇಸ್ಲಾಂ ಧರ್ಮದ ಒಳ್ಳೆಯ ಸಂಗತಿಗಳನ್ನು ಮಾತ್ರ ನೋಡಿಕೊಂಡು ಬೆಳೆದಿರುವ ನಮಗೆ ಮತ್ತೊಂದು ಸಮುದಾಯದ ಸಾಂಸ್ಕೃತಿಕ ಪರಂಪರೆಯನ್ನು ಆಚರಿಸುವುದು ಸ್ವಧರ್ಮವನ್ನು ತಿರಸ್ಕರಿಸಿದಂತೆ ಹೇಗೆ ಆಗುತ್ತದ'. ಎಂದರು.

ಪ್ರತಿ ಜೀವದಲ್ಲೂ ದೇವರನ್ನು ಕಾಣುತ್ತೇನೆ

ಮುಂದೆ ಮಾತನಾಡುತ್ತಾ ಭಾವುಕರಾದ ಅವರು..ಅಳುತ್ತಲೇ, 'ಯಾರೆಲ್ಲ ನನ್ನನ್ನು ಕಾಫಿರ್​ ಎಂದು ಕರೆಯುತ್ತಿದ್ದಿರೋ, ನನ್ನ ಬಗ್ಗೆ ತಿರಸ್ಕಾರದ ಭಾವನೆ ಹೊಂದಿದ್ದೀರೋ ನಾನು ಅವರೆಲ್ಲರೂ ಚೆನ್ನಾಗಿರಲಿ ಎನ್ನುವುದನ್ನೇ ಆಶಿಸುತ್ತೇನೆ. ನನ್ನನ್ನು ದ್ವೇಷಿಸುತ್ತಿರುವ, ನಾನು ತಪ್ಪು ದಾರಿಯಲ್ಲಿದ್ದೇನೆ ಎಂದುಕೊಳ್ಳುವ ಪ್ರತಿಯೊಬ್ಬರಿಗೂ ಒಳ್ಳೆಯದಾಗಲಿ. ಪ್ರಕೃತಿಯ ಮರಗಳು, ಬಂಡೆಗಳು ಮತ್ತು ಚಿಟ್ಟೆಗಳಲ್ಲಿ ಜೀವವನ್ನು ಕಾಣುತ್ತೇನೆ. ನೀವು ಭೇಟಿಯಾಗುವ ಪ್ರತಿ ಜೀವದಲ್ಲೂ ದೇವರನ್ನು ಕಾಣದೇ ಹೋದರೆ ತಪ್ಪು ದಾರಿಯಲ್ಲಿ ದೇವರನ್ನು ಹುಡುಕುತ್ತಿದ್ದೀರಿ' ಎಂದು ಅಳು ತಡೆಯಲಾಗದೆ ಉತ್ತರಿಸಿದ್ದಾರೆ
'ಪ್ರೀತಿ, ಏಕತೆ ಮತ್ತು ಶಾಂತಿಗಾಗಿ ಪ್ರಾರ್ಥಿಸುವುದಾಗಿ ತಿಳಿಸಿದ ಅವರು, ಟ್ರೋಲ್‌ಗಳ ಮಧ್ಯೆಯೂ ಪ್ರೀತಿಯನ್ನು ಹಂಚುವ ತಮ್ಮ ನಿರ್ಧಾರವೇ ತಮ್ಮ ಬಂಡಾಯಮತ್ತು ಕ್ರಾಂತಿ ಎಂದರು. ನನ್ನ ಪ್ರೀತಿಯ ವಿಷಯದಲ್ಲಿ ನಾನು ಆಕ್ರಮಣಕಾರಿಯಾಗಿರಲು ಬಯಸುತ್ತೇನೆ ಮತ್ತು ಹಾಗೆಯೇ ಇರುತ್ತೇನೆ. ಸದ್ಯ ನನ್ನನ್ನು ದ್ವೇಷಿಸುತ್ತಿರುವ ಎಲ್ಲರಿಗೂ ಪ್ರೀತಿಯನ್ನೇ ನೀಡುತ್ತೇನೆ' ಎಂದರು.
'ನಾನೊಮ್ಮೆ ನನ್ನ ತಾಯಿಯನ್ನು ಅಲ್ಲಾಹ್​ ಎಂದರೆ ಏನು ಎಂದು ಕೇಳಿದಾಗ, ಅದು ಬೆಳಕು ಮತ್ತು ಎಲ್ಲೆಡೆ ವ್ಯಾಪಿಸಿರುವ ಶಕ್ತಿ ಎಂಬ ಅರ್ಥವನ್ನು ತಾಯಿ ತಿಳಿಸಿಕೊಟ್ಟಿದ್ದನ್ನು ಅವರು ಈ ಸಂದರ್ಭದಲ್ಲಿ ನೆನಪಿಸಿಕೊಂಡರು. ಬಹುಸಾಂಸ್ಕೃತಿಕ ಕುಟುಂಬದಲ್ಲಿ ಬೆಳೆದಿರುವ ಕಾರಣ ತಮಗೆ ದೇವಾಲಯಗಳು ಮತ್ತು ಪೂಜಾ ಸ್ಥಳಗಳು ಯಾವಾಗಲೂ ಪವಿತ್ರವಾಗಿವೆ' ಎಂದು ತಿಳಿಸಿದ ಫರಿಯಾ ಹೇಳಿದರು.

ಬೋನಲು ಉತ್ಸವ ಎಂದರೇನು?

ಬೋನಲು ದೇವತೆ ಮಹಾಕಾಳಿ ಮತ್ತು ಎಲ್ಲಮ್ಮನಿಗೆ ಸಮರ್ಪಿತವಾದ ಸಾಂಪ್ರದಾಯಿಕ ಹಿಂದೂ ಜನಪದ ಹಬ್ಬವಾಗಿದೆ. ಹೈದರಾಬಾದ್, ಸಿಕಂದರಾಬಾದ್ ಮತ್ತು ತೆಲಂಗಾಣದಾದ್ಯಂತ ಆషాಢ ಮಾಸದಲ್ಲಿ (ಜುಲೈ-ಆಗಸ್ಟ್) ಆಚರಿಸಲಾಗುವ ಈ ಹಬ್ಬವನ್ನು ಆರೋಗ್ಯ, ಸುರಕ್ಷತೆ ಮತ್ತು ಸಮುದಾಯದ ರಕ್ಷಣೆಗಾಗಿ ಕೃತಜ್ಞತೆಯ ಕಾಣಿಕೆಯಾಗಿ ಅರ್ಪಿಸಲಾಗುತ್ತದೆ.

ಫರಿಯಾ ನಟಿಸಿದ ಸಿನಿಮಾಗಳು

ಜಾತಿ ರತ್ನಲು ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ , ಬಂಗಾರರಾಜು.ಲೈಕ್ ಶೇರ್ & ಸಬ್‌ಸ್ಕ್ರೈಬ್ ,ರಾವಣಾಸುರ , ಕಲ್ಕಿ 2898 AD, ಆ ಒಕ್ಕಟಿ ಅಡಕ್ಕು ಸೇರಿದಂತೆ ಮತ್ತಷ್ಟು ಸಿನಿಮಾದಲ್ಲಿ ಫರಿಯಾ ಅಬ್ದುಲ್ಲಾ ನಟಿಸಿದ್ದಾರೆ, (ಏಜೆನ್ಸೀಸ್).
faria abdullah
bonalu celebrations
hyderabad bonalu,
telugu actress faria abdullah trolling
ತೆಲುಗು ನಟಿ ಫಾರಿಯಾ ಅಬ್ದುಲ್ಲಾ
ತೆಲುಗು ನಟಿ ಫರಿಯಾ ಅಬ್ದುಲ್ಲಾ
ಹೈದರಾಬಾದ್ ಬೋನಲು
ಫರಿಯಾ ಅಬ್ದುಲ್ಲಾ ಟ್ರೋಲ್.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net