ನಾಗಚೈತನ್ಯ ದಂಪತಿಗಳಿಂದ ಗುಡ್​ ನ್ಯೂಸ್​..? ತಾತನಾಗುವ ಬಗ್ಗೆ ನಟ ನಾಗಾರ್ಜುನ ಹೇಳಿದ್ದೇನು? Sobhita Dhulipala

Sobhita Dhulipala: ಟಾಲಿವುಡ್​ನ ನಟ ನಾಗ ಚೈತನ್ಯ ಡಿಸೆಂಬರ್ 2024 ರಲ್ಲಿ ಸೋಭಿತಾ ಧುಳಿಪಾಲ ಅವರನ್ನು ಮದುವೆಯಾದಾಗಿನಿಂದ, ದಂಪತಿ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಹಾಗೂ ಸೋಭಿತಾ ಗರ್ಭಿಣಿಯಾಗಿದ್ದಾರೆ ಎಂಬ ವದಂತಿಗಳು ಹರಿದಾಡುತ್ತಿವೆ. ಆದಾಗ್ಯೂ, ಈ ದಂಪತಿ ಅವರ ಸಂಬಂಧದ ಬಗ್ಗೆ ಅವರು ಹೇಗೆ ಯೋಚಿಸಿದ್ದರೋ ಹಾಗೆಯೇ, ತಮ್ಮ ಹೊಸ ಅಧ್ಯಾಯದ ಬಗ್ಗೆಯೂ ಮೌನವಾಗಿದ್ದಾರೆ. ಈ ವಿಚಾರಕ್ಕೆ ಸಂಬಂಧಿಸಿದಂತೆ ನಾಗಾರ್ಜುನ ವದಂತಿಗಳಿಗೆ ತಮ್ಮ ಮೊದಲ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ನಾಗಾರ್ಜುನ ಅವರನ್ನು ನೀವು ತಂದೆಯಿಂದ ಅಜ್ಜನಾಗಿ ಬಡ್ತಿ ಪಡೆಯುತ್ತಿರುವುದು ನಿಜವೇ ಎಂದು ಪ್ರಶ್ನೆ ಕೇಳಿದ್ದಾರೆ. ಮೊದಲಿಗೆ, ಆ ನಟ ಪ್ರಶ್ನೆಯನ್ನು ಸ್ವಲ್ಪ ಸಮಯಗಳವರೆಗೆ ಪರಿಗಣಿಸಿದರು. ನಂತರ, ವಿಚಿತ್ರವಾಗಿ ನಕ್ಕು ಅಲ್ಲಿಂದ ಹೊರಗಡೆ ಹೋದರು. ಆದಾಗ್ಯೂ, ನಿರೂಪಕ ಸಾಮಾಜಿಕ ಮಾಧ್ಯಮದಲ್ಲಿ ಹರಡುತ್ತಿರುವ ವದಂತಿಗಳಲ್ಲಿ ಏನಾದರೂ ಸತ್ಯವಿದೆಯೇ ಎಂದು ಕೇಳಿದಾಗ, "ಸರಿಯಾದ ಸಮಯ ಬಂದಾಗ ನಾನು ನಿಮಗೆ ತಿಳಿಸುತ್ತೇನೆ" ಎಂದರು. ಈ ವೇಳೆ ಅವರು ಆ ಹೇಳಿಕೆಯನ್ನು ದೃಢೀಕರಿಸಲಿಲ್ಲ ಹಾಗೆಯೇ ನಿರಾಕರಿಸಲೂ ಇಲ್ಲ. ಹಾಗಾಗಿ ಈ ಹೇಳಿಕೆ ನಂತರ ಕುಟುಂಬಕ್ಕೆ ಅಭಿನಂದನಾ ಸಂದೇಶಗಳು ಬರಲಾರಂಭಿಸಿದವು.

2022ರಲ್ಲಿ ನಾಗ ಚೈತನ್ಯ ಮತ್ತು ಸೋಭಿತಾ ಹೈದರಾಬಾದ್‌ನಲ್ಲಿರುವ ಮನೆಯಲ್ಲಿ ಕಾಣಿಸಿಕೊಂಡ ನಂತರ ಅವರಿಬ್ಬರು ಡೇಟಿಂಗ್​ ಮಾಡುತ್ತಿದ್ದಾರೆ ಎಂದು ವದಂತಿಗಳು ಹರಡಲು ಆರಂಭಿಸಿದವು. ಲಂಡನ್‌ನಲ್ಲಿ ರಜೆಯ ಸಮಯದಲ್ಲಿ ಕಪಲ್ಸ್​ಗಳನ್ನು ನೋಡಿದಾಗ ವದಂತಿಗಳಿಗೆ ತೆರೆಕಂಡವು. ಇದಾದ ಬಳಿಕ ಆಗಸ್ಟ್ 2024 ರಲ್ಲಿ ಅವರ ನಿಶ್ಚಿತಾರ್ಥದ ನಂತರ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಿದರು. ಅದೇ ವರ್ಷ ಡಿಸೆಂಬರ್ 4 ರಂದು ಅನ್ನಪೂರ್ಣ ಸ್ಟುಡಿಯೋದಲ್ಲಿ ತಮ್ಮ ಪ್ರೀತಿಪಾತ್ರರ ಸಮ್ಮುಖದಲ್ಲಿ ಅವರು ವಿವಾಹವಾದರು.

ಚೈತನ್ಯ ಈ ಹಿಂದೆ ಸಮಂತಾ ರುತ್ ಪ್ರಭು ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಈ ಜೋಡಿ ಕೆಲವು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ 2017 ರಲ್ಲಿ ವಿವಾಹವಾದರು. ಆದಾಗ್ಯೂ, ದಂಪತಿ 2021 ಬೇರ್ಪಡುವಿಕೆಯನ್ನು ದೃಢಪಡಿಸಿದರು. ಇದಾದ ನಂತರ ಸಮಂತಾ ಈ ವರ್ಷ ಡಿಸೆಂಬರ್ 1 ರಂದು ಕೊಯಮತ್ತೂರಿನಲ್ಲಿ ಸರಳ ವಿವಾಹದಲ್ಲಿ ಚಲನಚಿತ್ರ ನಿರ್ಮಾಪಕ ರಾಜ್ ನಿಧಿಮೋರು ಅವರನ್ನು ವಿವಾಹವಾದರು.

ಸೋಭಿತಾ ಕೊನೆಯ ಬಾರಿಗೆ 2024 ರಲ್ಲಿ ಬಿಡುಗಡೆಯಾದ ಮಂಕಿ ಮ್ಯಾನ್ ಮತ್ತು ಲವ್ ಸಿತಾರ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ಅದಕ್ಕೂ ಮೊದಲು, ಅವರು ಮಣಿರತ್ನಂ ಅವರ ಪೊನ್ನಿಯಿನ್ ಸೆಲ್ವನ್ ಚಿತ್ರಗಳು ಮತ್ತು ಜಿಯೋ ಹಾಟ್‌ಸ್ಟಾರ್ ವೆಬ್ ಸರಣಿ, ದಿ ನೈಟ್ ಮ್ಯಾನೇಜರ್‌ನಲ್ಲಿ ತಮ್ಮ ನಟನೆಯ ಮೂಲಕ ರಂಜಿಸಿದ್ದರು. ಚೈತನ್ಯ ಕೊನೆಯದಾಗಿ ಈ ವರ್ಷ ಥಂಡೇಲ್‌ನಲ್ಲಿ ನಟಿಸಿದ್ದರು ಮತ್ತು ಈಗ ವೃಷಕರ್ಮ ಚಿತ್ರದ ಚಿತ್ರೀಕರಣದಲ್ಲಿದ್ದಾರೆ. ನಾಗಾರ್ಜುನ ಕೊನೆಯ ಬಾರಿಗೆ ಕೂಲಿ ಚಿತ್ರದಲ್ಲಿ ಕಾಣಿಸಿಕೊಂಡರು ಮತ್ತು ಅವರ ಮುಂಬರುವ ಸಿನಿಮಾಗಳನ್ನು ಅವರು ಇನ್ನೂ ಘೋಷಿಸಿಲ್ಲ (ಏಜೆನ್ಸೀಸ್​).