ಮದುವೆ ಬಳಿಕ ಮೊದಲ ಬಾರಿ ಪತಿಯೊಂದಿಗೆ ಕಾಣಿಸಿಕೊಂಡ ಸಮಂತಾ Samantha Ruth Prabhu

ಹೈದರಾಬಾದ್​: ಇತ್ತಿಚೆಗೆ ವಿವಾಹವಾಗಿರುವ ಟಾಲಿವುಡ್​ ನಟಿ ಸಮಂತಾ ರುತ್ ಪ್ರಭು, ನಿರ್ಮಾಪಕ ರಾಜ್ ನಿಡಿಮೋರು ಮೊದಲನೆ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು, ಈ ವೇಳೆ ದಂಪತಿ ಹಲವಾರು ಚಿತ್ರಗಳಿಗೆ ನಾಚಿಕೊಳ್ಳುತ್ತಾ ಪೋಸ್​ ನೀಡುತ್ತಿರುವುದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್​ ಆಗಿದೆ.

ವೀಡಿಯೊಗಳಲ್ಲಿ, ಸಮಂತಾ ಬೂದು ಬಣ್ಣದ ಸ್ವೆಟರ್ ಮತ್ತು ಕಪ್ಪು ಪ್ಯಾಂಟ್ ಧರಿಸಿದ್ದರೆ, ರಾಜ್​ ನಿಧಿಮೋರ್​ ನೀಲಿ, ಹಸಿರು ಬಣ್ಣದ ಟೀ ಶರ್ಟ್​ ಮತ್ತು ಡೆನಿಮ್ ಜಾಕೆಟ್ ಮತ್ತು ನೀಲಿ ಜೀನ್ಸ್‌ನಲ್ಲಿ ಕಾಣಿಸಿಕೊಂಡಿದ್ದರು. ಈ ಮಧ್ಯೆ ಅವರು ಕಾರಿನತ್ತ ಹೋಗುವಾಗ ಸಮಂತಾ ನಾಚುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಮಿಲ್ಕಿ ಬ್ಯೂಟಿ ಸಮಂತಾ ರುತ್​ ಅವರು ಡಿಸೆಂಬರ್ 1, 2025 ರಂದು ನಿರ್ದೇಶಕ ರಾಜ್ ನಿಧಿಮೋರ್​ ಅವರೊಂದಿಗೆ ವಿವಾಹವಾದರು. ಅವರ ವಿವಾಹವು ಕೊಯಮತ್ತೂರಿನ ಇಶಾ ಯೋಗ ಕೇಂದ್ರದಲ್ಲಿರುವ ಲಿಂಗ ಭೈರವಿ ದೇವಿಯ ನಿವಾಸದಲ್ಲಿ ಪವಿತ್ರ ಭೂತಾ ಶುದ್ಧ ವಿವಾಹ ಸಮಾರಂಭದಲ್ಲಿ ನಡೆಯಿತು. ದಂಪತಿ ದಿ ಫ್ಯಾಮಿಲಿ ಮ್ಯಾನ್ 2 ಚಿತ್ರೀಕರಣದ ಸಂದರ್ಭದಲ್ಲಿ ಡೇಟಿಂಗ್​​ ಮಾಡಲು ಪ್ರಾರಂಭಿಸಿದ್ದರು ಎಂದು ವರದಿಯಾಗಿದೆ.