ಲೆಕ್ಚರರ್​ ಜೊತೆ ಹೀರೋಯಿನ್​ ಲವ್ವಿಡವ್ವಿ: ವೈರಲ್​ ಆಯ್ತು ಟಾಲಿವುಡ್​ ಬ್ಯೂಟಿಯ ಪ್ರೇಮ್​ ಕಹಾನಿ! Rashi Singh

ಹೈದರಾಬಾದ್​: ತೆರೆಯ ಮೇಲೆ ಲವ್​ ಸ್ಟೋರಿ ಸಿನಿಮಾಗಳಲ್ಲಿ ಮಿಂಚುವ ನಾಯಕ-ನಾಯಕಿಯರಿಗೆ ನಿಜ ಜೀವನದಲ್ಲಿ ಒಂದಾದರೂ ಪ್ರೇಮ ಕತೆ ಇದ್ದೇ ಇರುತ್ತದೆ. ಕೆಲವರಂತೂ ಲವ್​ ಮ್ಯಾರೇಜ್​ ಆಗಿ ಸುದ್ದಿಯಾದರೆ, ಕೆಲವರು ಬ್ರೇಕಪ್ ಮಾಡಿಕೊಂಡು ಸುದ್ದಿಯಾಗುತ್ತಾರೆ. ಸಂದರ್ಶನಗಳಲ್ಲಿ ಕುಳಿತಾಗ ತಮ್ಮ ಹಳೆಯ ದಿನಗಳನ್ನು ಮೆಲಕು ಹಾಕುವ ಸಂದರ್ಭಗಳಲ್ಲಿ ತಮ್ಮ ಲವ್​ ಸ್ಟೋರಿಯನ್ನೂ ಹೇಳಿಕೊಳ್ಳುತ್ತಾರೆ. ಆ ಸಾಲಿಗೆ ನಟಿ ರಾಶಿ ಸಿಂಗ್ ( Rashi Singh )​ ಸೇರಿಕೊಂಡಿದ್ದಾರೆ.

ನಾನು ಶಾಲೆ ಮುಗಿಸಿ ಪಿಯುಸಿಯಲ್ಲಿದ್ದಾಗ ಓರ್ವ ಉಪನ್ಯಾಸಕನನ್ನು ಪ್ರೀತಿಸುತ್ತಿದ್ದೆ. ಆತ ನನ್ನ ಬಾಯ್​ಫ್ರೆಂಡ್​ ಆಗಿದ್ದ. ಕಾಲೇಜಿನಲ್ಲಿ ಅವನೇ ನನ್ನ ನೆಚ್ಚಿನ ಗೆಳೆಯನಾಗಿದ್ದ. ಆತನೇ ನನಗೆ ಪರೀಕ್ಷೆಯ ಪ್ರಶ್ನೆ ಪತ್ರಿಕೆಗಳನ್ನು ನೀಡುತ್ತಿದ್ದ. ವೈವಾ ಸಮಯದಲ್ಲಿ ಆತ ನನ್ನನ್ನು ಏನನ್ನೂ ಕೇಳುತ್ತಿರಲಿಲ್ಲ. ವೈವಾ ನಡೆಯುವಾಗ ನಾವಿಬ್ಬರೂ ಹತ್ತು ನಿಮಿಷಗಳ ಕಾಲ ಕುಳಿತು ಸಮಯ ಕಳೆಯುತ್ತಿದ್ದೆವು ಎಂದು ರಾಶಿ ಸಿಂಗ್​ ಹೇಳಿದ್ದಾರೆ.

ಅಂದಹಾಗೆ, ಈ ಲವ್​ ಸ್ಟೋರಿ ನಡೆಯುವ ಸಮಯದಲ್ಲಿ ನನಗೆ 17 ವರ್ಷ ವಯಸ್ಸು. ಅವನಿಗೆ ಆಗಿನ್ನೂ ಮದುವೆಯಾಗಿರಲಿಲ್ಲ. ಈಗ ಮದುವೆಯಾಗಿದ್ದಾನೆ. ಆತ ನನ್ನನ್ನು ಸಾಮಾಜಿಕ ಜಾಲತಾಣದಲ್ಲಿ ಫಾಲೋ ಮಾಡ್ತಿದ್ದಾನೆ. ಅವನ ಹೆಂಡತಿಯು ಕೂಡ ನನ್ನನ್ನು ಫಾಲೋ ಮಾಡುತ್ತಿದ್ದಾಳೆ. ಇದನ್ನು ನೋಡಿದರೆ ಏನಾಗುತ್ತೆ ಗೊತ್ತಿಲ್ಲ. ಆದರೂ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದು ರಾಶಿ ಸಿಂಗ್​ ಹೇಳಿಕೊಂಡಿದ್ದಾರೆ.

ರಾಶಿ ಸಿಂಗ್​ ಹೇಳಿಕೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದೆ. ಕಾಲೇಜು ದಿನಗಳಲ್ಲಿ ಹುಡುಗಿಯರು ಉಪನ್ಯಾಸಕರನ್ನ ಮತ್ತು ಹುಡುಗರು ಉಪನ್ಯಾಸಕಿಯರನ್ನು ಇಷ್ಟಪಡುವುದು ಸಹಜ. ನಿಮ್ಮ ಲವ್​ ಸ್ಟೋರಿ ಒಂಥಾರ ಚೆನ್ನಾಗಿದೆ ಎಂದೆಲ್ಲ ಕಾಮೆಂಟ್​ಗಳ ಸುರಿಮಳೆಗೈಯುತ್ತಿದ್ದಾರೆ, (ಏಜೆನ್ಸೀಸ್​).