ಧನುಷ್​ ಆಯ್ತು ಈಗ ಸ್ಟಾರ್​ ಕ್ರಿಕೆಟಿಗನೊಂದಿಗೆ ಡೇಟಿಂಗ್​? ಮತ್ತೊಂದು ವದಂತಿಗೆ ನಟಿ ಮೃನಾಲ್​ ಪ್ರತಿಕ್ರಿಯೆ

ತಮಿಳುನಾಡು: 'ಸೀತಾ ರಾಮಂ', 'ಹಾಯ್​ ನಾನ್ನ' ಚಿತ್ರಗಳ ಮೂಲಕ ಸೌತ್​ ಬ್ಯೂಟಿ ಆಗಿ ಮಿಂಚುತ್ತಿರುವ ನಟಿ ಮೃನಾಲ್​ ಠಾಕೂರ್, ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ತೆಲುಗು, ತಮಿಳು ಸಿನಿಮಾಗಳಲ್ಲಿ ಹೆಚ್ಚಿನ ಜನಪ್ರಿಯತೆ ಗಳಿಸಿರುವ ಮೃನಾಲ್​, ಬಹಳ ಕಡಿಮೆ ಸಮಯದಲ್ಲಿ ಸೂಪರ್​ಹಿಟ್​ ಸಿನಿಮಾಗಳಿಂದ ಸ್ಟಾರ್ ನಟಿ ಇಮೇಜ್ ಪಡೆದುಕೊಂಡಿದ್ದಾರೆ. ತಮ್ಮ ಮುಂಬರುವ ಫಿಲಂಗಳ ಸುದ್ದಿಗಿಂತ ಇದೀಗ ಡೇಟಿಂಗ್​ ವದಂತಿಗಳಿಂದಲೇ ಜಾಲತಾಣಗಳಲ್ಲಿ ಸಖತ್ ಸದ್ದು ಮಾಡುತ್ತಿರುವ ಬ್ಯೂಟಿ ಈಗ ಮತ್ತೊಂದು ಲವ್ವಿಡವ್ವಿ ವಿಚಾರಕ್ಕೆ ಸ್ಪಷ್ಟನೆ ನೀಡಿದ್ದಾರೆ.   

ಇತ್ತೀಚೆಗಷ್ಟೇ ತಮಿಳು ಸ್ಟಾರ್ ಧನುಷ್​ ಜತೆ ಮೃನಾಲ್​ ಡೇಟಿಂಗ್ ಮಾಡುತ್ತಿದ್ದಾರೆ. ಇವರಿಬ್ಬರು ಶೀಘ್ರವೇ ಮದುವೆ ಆಗುತ್ತಾರೆ ಎಂಬ ಸುದ್ದಿಗಳು ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿತು. ಇದಕ್ಕೆ ತೆರೆ ಬೀಳುವ ಮೊದಲೇ ಮತ್ತೊಬ್ಬ ಸೆಲೆಬ್ರಿಟಿಯೊಂದಿಗೆ ಸೌತ್​ ಬ್ಯೂಟಿಯ ಹೆಸರು ಕೇಳಿಬಂದಿದೆ. ಅದು ಬೇರಾರು ಅಲ್ಲ, ಟೀಮ್ ಇಂಡಿಯಾ ಸ್ಟಾರ್ ಕ್ರಿಕೆಟಿಗ ಶ್ರೇಯಸ್​ ಅಯ್ಯರ್​.  

ಮೃಣಾಲ್ ಠಾಕೂರ್ ಹಾಗೂ ಶ್ರೇಯಸ್ ಅಯ್ಯರ್ ಪರಸ್ಪರ ಪ್ರೀತಿಸುತ್ತಿದ್ದಾರೆ, ಕದ್ದುಮುಚ್ಚಿ ಡೇಟಿಂಗ್​ನಲ್ಲಿ ಭಾಗಿಯಾಗಿದ್ದಾರೆ ಎಂಬ ವದಂತಿಗಳು ಸೋಷಿಯಲ್ ಮೀಡಿಯಾದಲ್ಲಿ ಬಲು ಜೋರಾಗಿವೆ. ಧನುಷ್​ ಜತೆಗಿನ ಊಹಾಪೋಹಗಳ ನಡುವೆ ಮತ್ತೊಂದು ಡೇಟಿಂಗ್​ ವಿಚಾರ ಕೇಳಿಬರುತ್ತಿದ್ದಂತೆ ನಟಿ ಸ್ಪಷ್ಟನೆಗೆ ಇಳಿದಿದ್ದಾರೆ.

"ಇಂತಹ ವದಂತಿಗಳು ಕೇಳಲು ತಮಾಷೆಯಾಗಿರುತ್ತೆ. ಅವು ಸುದ್ದಿಗಳನ್ನು ಬಿತ್ತರಿಸುತ್ತವೆ ಅಷ್ಟೇ. ಇದನ್ನೆಲ್ಲ ನೋಡಿ ನಾನು ನಗು ಬರುತ್ತೆ. ಇವು ಉಚಿತ ಪಿಆರ್ ಸ್ಟಂಟ್‌ಗಳು. ಫ್ರೀ ಎಂದ್ರೆ ನನಗೂ ಭಾರೀ ಇಷ್ಟವೇ" ಎಂದು ಪ್ರತಿಕ್ರಿಯಿಸಿದ್ದಾರೆ,(ಏಜೆನ್ಸೀಸ್).