ನಟಿ ರಾಶಿ ಬಗ್ಗೆ ಡಬಲ್​ ಮೀನಿಂಗ್​ ಜೋಕ್​: 3 ವರ್ಷದ ಬಳಿಕ ಕ್ಷಮೆಯಾಚಿಸಿದ್ದೇಕೆ ಅನಸೂಯಾ?! Anasuya Bharadwaj

ಹೈದರಾಬಾದ್​: ಟಾಲಿವುಡ್​ನ ಜನಪ್ರಿಯ ನಟಿ ಮತ್ತು ನಿರೂಪಕಿ ಅನಸೂಯಾ ಭಾರದ್ವಾಜ್ ( Anasuya Bharadwaj ) ಬಗ್ಗೆ ಬಹುತೇಕರಿಗೆ ತಿಳಿದೇ ಇರುತ್ತದೆ. ನ್ಯೂಸ್ ರೀಡರ್ ಆಗಿ ವೃತ್ತಿ ಜೀವನ ಆರಂಭಿಸಿದ ಅನಸೂಯಾ ನಂತರ ಆ್ಯಂಕರ್ ಆಗಿ, ನಾಯಕಿಯಾಗಿ, ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಹಲವು ವಿಭಿನ್ನ ಪಾತ್ರಗಳಲ್ಲಿ ಪ್ರೇಕ್ಷಕರನ್ನು ರಂಜಿಸುವ ಮೂಲಕ ಸೆಲೆಬ್ರಿಟಿಯಾದರು. ಅದರಲ್ಲೂ ತಮ್ಮ ಸೌಂದರ್ಯ ಮತ್ತು ಅಭಿನಯದಿಂದಲೇ ಎಲ್ಲರನ್ನು ತಮ್ಮತ್ತ ಸೆಳೆದಿದ್ದಾರೆ. ಆದರೆ, ಅನಸೂಯಾ ಅವರಿಗೆ ವಿವಾದಗಳು ಹೊರತಲ್ಲ. ಅದರಲ್ಲೂ ತನ್ನ ಹಾಟ್​ ಡ್ರೆಸ್‌ಗಳಿಂದಲೇ ಆಗಾಗ ಟ್ರೋಲ್‌ಗೆ ಒಳಗಾಗುತ್ತಕೇ ಇರುತ್ತಾರೆ. ಆದರೆ, ಇದ್ಯಾವುದಕ್ಕೂ ಅವರು ಕ್ಯಾರೆ ಎನ್ನುವುದಿಲ್ಲ.

ತಾಜಾ ಸಂಗತಿ ಏನೆಂದರೆ, ಅನಸೂಯಾ ಅವರು 90ರ ದಶಕದ ಬಹುಬೇಡಿಕೆ ನಟಿಯಾಗಿದ್ದ ರಾಶಿ ಅವರಿಗೆ ಕ್ಷಮೆಯಾಚಿಸಿದ್ದಾರೆ. ಅದಕ್ಕೆ ಕಾರಣ, ಈ ಹಿಂದೆ ಟಿವಿ ಕಾರ್ಯಕ್ರಮವೊಂದರಲ್ಲಿ ರಾಶಿ ಬಗ್ಗೆ ಅನಸೂಯಾ ಅನುಚಿತವಾಗಿ ಮಾತನಾಡಿದ್ದರು. ಒಂದು ಸ್ಕಿಟ್‌ನ ಭಾಗವಾಗಿ, ಅನಸೂಯಾ ಅವರು ರಾಶಿ ಅವರನ್ನು ಉಲ್ಲೇಖಿಸಿ ಡಬಲ್​ ಮೀನಿಂಗ್​ ಜೋಕ್ಸ್​ ಮಾಡಿದ್ದರು.

ಮೂರು ವರ್ಷಗಳ ಹಿಂದೆ ಜಬರ್ದಸ್ತ್ ಹೆಸರಿನ ಕಾಮಿಡಿ ಶೋನಲ್ಲಿ ಸ್ಕಿಟ್‌ನ ಭಾಗವಾಗಿ ಕಾಮಿಡಿಯನ್ ಹೈಪರ್ ಆದಿ, ರಾಶಿ ಫಲಲು ಎಂದು ಹೇಳುತ್ತಾರೆ. ಅದಕ್ಕೆ ಅನಸೂಯ ಅವರು "ನೀನು ರಾಶಿಗಾರು ಫಲಲು" ಬಗ್ಗೆ ಮಾತಾಡ್ತೀಯಾ? ಎಂದು ನಗುತ್ತಾ ಹೇಳುತ್ತಾರೆ. ಈ ವೇಳೆ ಹೈಪರ್​ ಆಗಿ, ಅದು ರಾಶಿಗಾರಿ ಫಲವಲ್ಲ, ರಾಶಿ ಫಲ ಎಂದು ಹೇಳುತ್ತಾರೆ. ಈ ವೇಳೆ ಅಲ್ಲಿದ್ದವರೆಲ್ಲ ನಗಾಡುತ್ತಾರೆ. ಇತ್ತೀಚೆಗೆ ನಟ ಶಿವಾಜಿ ಅವರ ಮಹಿಳಾ ಉಡುಗೆ ಬಗ್ಗೆ ಮಾಡಿದ ಕಾಮೆಂಟ್‌ಗೆ ಅನಸೂಯ ಟೀಕೆ ಮಾಡಿದ ಬಳಿಕ ಅವರ ಹಳೆಯ ವಿಡಿಯೋ ಮತ್ತೆ ವೈರಲ್ ಆಗಿ ವಿವಾದ ಎಬ್ಬಿಸಿದೆ. ಈ ಬಗ್ಗೆ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಪ್ರತಿಕ್ರಿಯೆ ನೀಡಿದ ನಟಿ ರಾಶಿ, ಮಹಿಳೆಯೊಬ್ಬಳು ಮತ್ತೊಬ್ಬ ಮಹಿಳೆಯ ಬಗ್ಗೆ ಈ ರೀತಿ ಮಾತನಾಡುವುದು ತಪ್ಪು ಎಂದರು.

ನಟಿ ರಾಶಿ ಅವರ ಬಗ್ಗೆ ಕನ್ನಡಿಗರಿಗೆ ಹೆಚ್ಚಿಗೆ ಹೇಳುವ ಅಗತ್ಯವಿಲ್ಲ. ಕ್ರೇಜಿಸ್ಟಾರ್​ ರವಿಚಂದ್ರನ್​ ನಟನೆಯ ಸ್ನೇಹಾ, ವಿಷ್ಣುವರ್ಧನ್​ ಅಭಿನಯದ ಜಮಿನ್ದಾರ್ರು ಹಾಗೂ ರಾಜನರಸಿಂಹ ಮತ್ತು ಶಿವರಾಜ್​ಕುಮಾರ್ ನಟನೆಯ ನಿನ್ನೇ ಪ್ರೀತಿಸುವೆ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಕನ್ನಡಿಗರಿಗೆ ಹತ್ತಿರವಾಗಿದ್ದರು. ರಾಶಿ ಅವರು ಕನ್ನಡಕ್ಕಿಂತ ತಮಿಳು ಮತ್ತು ತೆಲುಗಿನಲ್ಲಿ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 90ರ ದಶಕದಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದರು. ವೃತ್ತಿ ಜೀವನದಲ್ಲಿ ಉತ್ತುಂಗದಲ್ಲಿ ಇರುವಾಗಲೇ ರಾಶಿ ಅವರು ಸಹಾಯಕ ನಿರ್ದೇಶಕ ಶ್ರೀ ಮುನಿ ಎಂಬುವರನ್ನು ಪ್ರೀತಿಸಿ, 2005ರಲ್ಲಿ ಮದುವೆಯಾದರು. ದಂಪತಿಗೆ ರಿತಿಮಾ ಹೆಸರಿನ ಮಗಳಿದ್ದಾಳೆ. ರಾಶಿ ಅವರು ಕನ್ನಡದಲ್ಲಿ ನಟಿಸಿದ್ದು, ನಾಲ್ಕೇ ಸಿನಿಮಾಗಳಾದರೂ ಆ ಸಿನಿಮಾಗಳು ಸಿಕ್ಕಾಪಟ್ಟೆ ಹಿಟ್​ ಆಗಿದ್ದರಿಂದ ರಾಶಿ ಕನ್ನಡಿಗರ ಮನದಲ್ಲಿ ನೆಲೆಸಿದ್ದಾರೆ. ಅದರಲ್ಲೂ ಜಮಿನ್ದಾರ್ರು ಸಿನಿಮಾದ "ಹುಡುಗಿ ಹುಡುಗಿ ಮಲೆನಾಡ ಹುಡುಗಿ" ಹಾಡು ಇಂದಿಗೂ ಅನೇಕರು ಫೇವರಿಟ್​ ಆಗಿದೆ, (ಏಜೆನ್ಸೀಸ್​).