ಬ್ಲಾಕ್​ಬಸ್ಟರ್​, ಸೂಪರ್​ಹಿಟ್ ಬೆನ್ನಲ್ಲೇ ಸೌತ್​ ನಟಿಯರಿಗೆ ಸಖತ್ ಡಿಮಾಂಡ್​! ಇವರೇ ನೋಡಿ ಆ ಬ್ಯೂಟಿಗಳು

ಚೆನ್ನೈ: ತಮಿಳು, ಕನ್ನಡ, ಮಲಯಾಳಂ ಮತ್ತು ತೆಲುಗು ಚಿತ್ರರಂಗದಿಂದ ಹಲವಾರು ಸಿನಿಮಾಗಳು ಕಳೆದ ತಿಂಗಳಲ್ಲಿ ರಿಲೀಸ್​ ಆಗಿದ್ದು, ಸಾಕಷ್ಟು ಬಹುನಿರೀಕ್ಷಿತ ಚಿತ್ರಗಳ ಪೈಕಿ ಕೆಲವೇ ಕೆಲವು ಮಾತ್ರ ಸೂಪರ್​ಹಿಟ್​, ಬ್ಲಾಕ್​ಬಸ್ಟರ್​ ಆಗಿ ಸದ್ದು ಮಾಡಿವೆ. ಈ ಚಿತ್ರಗಳ ಗೆಲುವಿನಿಂದ ನಿರ್ಮಾಪಕರ ಜೇಬು ತುಂಬಿದರೆ, ಹಲವರಿಗೆ ಜನಪ್ರಿಯತೆ ಹೆಚ್ಚಿದೆ. ಇನ್ನೂ ಕೆಲವರಿಗೆ ಸಾಲು ಸಾಲು ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ. ಆ ಸಾಲಿನಲ್ಲಿ ದಕ್ಷಿಣ ಭಾರತದ ಕೆಲವು ನಟಿಮಣಿಯರು ಮುಂಚೂಣಿಯಲ್ಲಿದ್ದಾರೆ.  

ಪ್ರದೀಪ್ ರಂಗನಾಥನ್​ ಅಭಿನಯದ ತಮಿಳಿನ 'ಡ್ರ್ಯಾಗನ್' ಚಿತ್ರ ಬ್ಲಾಕ್‌ಬಸ್ಟರ್ ಆದ ಬೆನ್ನಲ್ಲೇ ನಟಿ ಕಾಯದ್ ಲೋಹರ್ ಅನೇಕ ಯುವಜನರ ಹೃದಯ ಗೆದ್ದರು. ಈ ಸಿನಿಮಾಗೂ ಮುಂಚೆ ನಿರ್ಮಾಪಕರು ಕಾಯದ್ ಅವರ ಬ್ಯೂಟಿ ಮತ್ತು ಪ್ರತಿಭೆಯ ಬಗ್ಗೆ ಅಷ್ಟೊಂದು ಗಮನ ಹರಿಸಿರಲಿಲ್ಲ. ಆದರೆ, ಡ್ರ್ಯಾಗನ್​ ಹಿಟ್​ ಬಳಿಕ ಸಾಕಷ್ಟು ಆಫರ್​ಗಳೊಂದಿಗೆ ನಟಿಯ ಸಮಯ​ ಕೇಳುತ್ತಿದ್ದಾರೆ.

ಪ್ರಸ್ತುತ, ಟಾಲಿವುಡ್, ಕಾಲಿವುಡ್ ಮತ್ತು ಮಾಲಿವುಡ್​ನ ಕೆಲವು ಚಿತ್ರಗಳಿಗೆ ಸಹಿ ಹಾಕಿದ್ದಾರೆ ಎನ್ನಲಾಗಿದೆ. ವರದಿಗಳ ಪ್ರಕಾರ, ಕಾಯದು ಕೈಯಲ್ಲಿ ಈಗ ಏಳು ಚಿತ್ರಗಳಿದ್ದು, ಬಿಗ್ ಬ್ಯಾನರ್​ನ 'ಪ್ಯಾರಡೈಸ್' ಚಿತ್ರದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ತೆಲುಗು ರೀ-ಎಂಟ್ರಿ 'ಫಂಕಿ'ಯಲ್ಲಿ ಯಶಸ್ಸು ಡ್ರ್ಯಾಗನ್ ಬ್ಯೂಟಿ, ಈಗ ಹಲವು ಅವಕಾಶಗಳನ್ನು ಪಡೆಯುತ್ತಿರುವುದು ಗಮನಾರ್ಹ.  

ಕಳೆದ ವರ್ಷ ಪ್ರದೀಪ್​ ರಂಗನಾಥನ್ ಅಭಿನಯದ 'ಡ್ಯೂಡ್'​ನಲ್ಲಿ ಕಾಣಿಸಿಕೊಂಡ ಮಮಿತಾ ಬೈಜು, ತಮ್ಮ ಸಿಂಪಲ್​ ಲುಕ್​ನಿಂದ ಹೆಚ್ಚಾಗಿ ಲವ್​ ಕಾನ್ಸೆಪ್ಟ್​ ಚಿತ್ರಗಳಲ್ಲಿ ಅವಕಾಶಗಳನ್ನು ಪಡೆಯುತ್ತಿದ್ದಾರೆ. ತೆಲುಗು ಅಥವಾ ಇತರೆ ಚಿತ್ರರಂಗಕ್ಕಿಂತ ತಮಿಳು ನಿರ್ಮಾಪಕರು ನಟಿಗೆ ರೆಡ್ ಕಾರ್ಪೆಟ್ ನೀಡುತ್ತಿದ್ದಾರೆ. ತಮಿಳು ನಟ ಸೂರ್ಯ ಸೇರಿದಂತೆ ಹಲವು ಸ್ಟಾರ್​ ನಟರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ. ಇನ್ನು ರಿಲೀಸ್​ಗೆ ಎದುರುನೋಡುತ್ತಿರುವ ದಳಪತಿ ವಿಜಯ ನಟನೆಯ 'ಜನ ನಾಯಗನ್‌'ನಲ್ಲಿ ಕೂಡ ಮಮತಾ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.  

ಇನ್ನು ಕನ್ನಡದ ಬೆಡಗಿ, ಕಾಂತಾರ ಕನಕಾವತಿ ರುಕ್ಮಿಣಿ ವಸಂತ್, ಸ್ಯಾಂಡಲ್​ವುಡ್​ನಿಂದ ಟಾಲಿವುಡ್​ ಮತ್ತು ಕಾಲಿವುಡ್​ಗೂ ಹೆಜ್ಜೆ ಇಟ್ಟಿರುವುದು ಗಮನಾರ್ಹ. ಪ್ಯಾನ್ ಇಂಡಿಯಾ ಸಿನಿಮಾಗಳಿಗೆ ಬ್ರ್ಯಾಂಡ್​ ಆಗುತ್ತಿರುವ ಈ ಬ್ಯೂಟಿಗೆ ಟಾಲಿವುಡ್​, ಕಾಲಿವುಡ್​ ಮಾತ್ರವಲ್ಲದೇ ಬಾಲಿವುಡ್​ನಲ್ಲೂ ಬೇಡಿಕೆ ಹೆಚ್ಚಿದೆ. ಪ್ರಸ್ತುತ, ಯಶ್​ ಅವರ 'ಟಾಕ್ಸಿಕ್' ಮತ್ತು ಎನ್​ಟಿಆರ್​ 'ಡ್ರ್ಯಾಗನ್‌'ನಂತಹ ಬಿಗ್ ಬಜೆಟ್​ ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇದನ್ನೆಲ್ಲ ನೋಡಿದರೆ, ಈ ನಟಿಮಣಿಯರ ಸ್ಟಾರ್​ಡಮ್​, ಅವಕಾಶಗಳು ಮತ್ತು ಅಭಿಮಾನಿಗಳು ಒಂದೊಂದು ಸಿನಿಮಾ ಕಳೆದಂತೆ ಹೆಚ್ಚಾಗುತ್ತಿರುವುದು ಉತ್ತಮ ಬೆಳವಣಿಗೆ,(ಏಜೆನ್ಸೀಸ್). South heroines