ಅನಿರೀಕ್ಷಿತವಾಗಿ ಆಟೋ ಚಾಲಕನ ಮನೆ ಸೇರುವ ನಾಯಿ, ಎಷ್ಟೇ ವಿರೋಧಿಸಿದರೂ, ದೂರದಲ್ಲಿ ಬಿಟ್ಟುಬಂದರೂ ಆತ ಇದ್ದಲ್ಲಿಯೇ ಬರುತ್ತದೆ. ಬಿಡುವುದು-ಬರುವುದು ಸರ್ಕಸ್ ಮಧ್ಯೆ ಆತನಿಗೆ ನಾಯಿ ಹತ್ತಿರವಾಗುತ್ತದೆ. ಕೊನೆಗೆ ಆತನ ಮನೆ ಸೇರುತ್ತದೆ. ಆತನಿಗೆ ನಾಯಿಯೇ ಸರ್ವಸ್ವವಾದರೆ, ಪತ್ನಿಗೆ ನಾಯಿ ಎಂದರೆ ಅನಿಷ್ಟ-ಕನಿಷ್ಠ. ಮಕ್ಕಳಿಲ್ಲದ ಆ ಮನೆಯಲ್ಲಿ ಮಗುವಿನ ಸ್ಥಾನ ಪಡೆದು, ಗಂಡ-ಹೆಂಡತಿ ಮಧ್ಯೆ ಜಗಳ ತಂದಿಡುವ ನಾಯಿ, ತನ್ನಿಂದ ದೂರವಾಗಿದ್ದ ಅವರನ್ನು ಮತ್ತೆ ಸೇರಿಸುತ್ತದೆ. ಬಳಿಕ ನಾಯಿ ಆಕೆಗೆ ಇಷ್ಟವಾಗುತ್ತದೆಯಾ? ನಾಯಿ ಮತ್ತು ಆಟೋ ಚಾಲಕನ ನಡುವೆ ಬಾಂಧವ್ಯ ಹೇಗಿರುತ್ತದೆ? ಈ ಇಬ್ಬರ ಜೀವನದಲ್ಲಿ ನಾಯಿ ಯಾವ ಮಹತ್ವ ಪಡೆಯುತ್ತದೆ ಎಂಬುದನ್ನು ಚಿತ್ರಮಂದಿರದಲ್ಲೇ ತಿಳಿಯಬೇಕು.
