ನಟಿ ಮತ್ತು ಒಬ್ಬ ಯುವಕನಿಗೆ ಸಂಬಂಧಿಸಿದ ಖಾಸಗಿ ದೃಶ್ಯಗಳು ಅವರದ್ದೇ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹರಿದಾಡಿರುವುದು ಸದ್ಯ ಅನೇಕರಲ್ಲಿ ಅನುಮಾನ, ಗೊಂದಲಗಳನ್ನು ಮೂಡಿಸಿದೆ. ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಕೆಲವರು ಸುರೇಖಾ ಮತ್ತು ಯುವಕನ ವಯಸ್ಸಿನ ಅಂತರದ ಬಗ್ಗೆ ವ್ಯಂಗ್ಯವಾಡಿದರೆ, ಇನ್ನೂ ಕೆಲವರು ನಟಿಗೆ ಸೈಬರ್ ಫ್ರಾಡ್ ಕುರಿತು ಎಚ್ಚರಿಕೆ ವಹಿಸುವಂತೆ ಸಾಥ್ ನೀಡಿದ್ದಾರೆ.
ಈ ವಿಷಯ ಜಾಲತಾಣಗಳಲ್ಲಿ ವ್ಯಾಪಕ ವೈರಲ್ ಆಗಿ, ಟೀಕೆ, ವ್ಯಂಗ್ಯಗಳ ಸುರಿಮಳೆಗಳು ಹರಿದುಬಂದ ಬೆನ್ನಲ್ಲೇ ಎಚ್ಚೆತ್ತ ಸುರೇಖಾ, ಅದೇ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಹಾಕುವ ಮೂಲಕ ಸ್ಪಷ್ಟನೆ ನೀಡಿದ್ದಾರೆ. ನನ್ನ ಅಕೌಂಟ್ ಅನ್ನು ಹ್ಯಾಕ್ ಮಾಡಲಾಗಿದೆ. ಅನುಮತಿಯಿಲ್ಲದೆ ಖಾಸಗಿ ದೃಶ್ಯಗಳನ್ನು ಶೇರ್ ಮಾಡಲಾಗಿದೆ. ಇಂತಹ ವಿಡಿಯೋಗಳನ್ನು ಯಾರೊಬ್ಬರೂ ಎಲ್ಲಿಯೂ ಹಂಚಿಕೊಳ್ಳದಂತೆ ಟ್ರೋಲ್, ಮೀಮ್ ಪೇಜ್ಗಳು, ಮಾಧ್ಯಮಗಳು ಮತ್ತು ಯೂಟ್ಯೂಬ್ ಚಾನೆಲ್‌ಗಳಿಗೆ ಮನವಿ ಮಾಡಿದ್ದಾರೆ.
