ತಮಿಳು ಚಿತ್ರರಂಗದಲ್ಲಿ ಜಾತಿ ಸಂರ್ಷ ಪ್ರಾರಂಭವಾದಂತಿದೆ. ತಮಿಳು ನಿರ್ದೇಶಕ ಮೋಹನ್ ಕ್ಷತ್ರಿಯನ್ ನಿರ್ದೇಶಕರಾದ ವೆಟ್ರಿಮಾರನ್, ಪ. ರಂಜಿತ್ ಮತ್ತು ವರ್ಷಾ ಭರತ್ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅಂದಹಾಗೆ ಅದಕ್ಕೆ ಕಾರಣ "ಬ್ಯಾಡ್ ಗರ್ಲ್' ಚಿತ್ರದ ಟೀಸರ್. ಹೌದು, ಇತ್ತೀಚೆಗಷ್ಟೆ "ವಿಡುದಲೈ' ಸರಣಿ ಖ್ಯಾತಿಯ ನಿರ್ದೇಶಕ ವೆಟ್ರಿಮಾರನ್ ನಿರ್ಮಾಣದ, ಬಾಲಿವುಡ್ ನಿರ್ದೇಶಕ ಅನುರಾಗ್ ಕಶ್ಯಪ್ ಪ್ರಸ್ತುತಪಡಿಸುತ್ತಿರುವ, ವರ್ಷಾ ಭರತ್ ನಿರ್ದೇಶನದ "ಬ್ಯಾಡ್ ಗರ್ಲ್' ಚಿತ್ರದ ಟೀಸರ್ ರಿಲೀಸ್ ಮಾಡಲಾಗಿದೆ. ಅಂಜಲಿ ಶಿವರಾಮನ್, ಹೃದು ಹರೂನ್, ಶಾಂತಿಪ್ರಿಯಾ, ತೆಜೀಂತಮ್ ಅರುಣಾಸಲಂ, ಶಶಾಂಕ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಚಿತ್ರವಿದು.
