ಸೆಪ್ಟೆಂಬರ್ 2ಕ್ಕೆ ಬಿಡುಗಡೆಯಾಗಲಿದೆ 'ತಾಜ್ ಮಹಲ್ 2' ...

ಬೆಂಗಳೂರು: ಮೇಕಪ್ ಕಲಾವಿದನಾಗಿ ಕನ್ನಡ ಚಿತ್ರರಂಗಕ್ಕೆ ಬಂದವರು ದೇವರಾಜ್ ಕುಮಾರ್. ನಂತರ ನಿರ್ದೇಶಕರಾದರು. ಮೂರು ಚಿತ್ರಗಳನ್ನು ನಿರ್ದೇಶಿಸಿದ ಅವರು, ಈಗ ಹೀರೋ ಆಗಿದ್ದಾರೆ. 'ತಾಜ್​ ಮಹಲ್​ 2' ಎಂಬ ಚಿತ್ರವನ್ನು ದೇವರಾಜ್​ ನಿರ್ದೇಶನ ಮಾಡಿದ್ದು, ಅದರಲ್ಲಿ ನಾಯಕನಾಗಿಯೂ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವು ಸೆಪ್ಟೆಂಬರ್ 2 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ಇದನ್ನೂ ಓದಿ: ಟ್ವಿಟರ್​ ವಿರುದ್ಧ ಸಿಡಿದೆದ್ದ ಪುನೀತ್ ಅಭಿಮಾನಿಗಳು: ಸುಶಾಂತ್​- ಸಿದ್ಧಾರ್ಥ್​ಗೆ ಇರುವ ಮನ್ನಣೆ ಅಪ್ಪುಗೆ ಯಾಕಿಲ್ಲ… ​

'ತಾಜ್​ ಮಹಲ್​ 2' ಕುರಿತು ಮಾತನಾಡುವ ದೇವರಾಜ್​, '2019ರಲ್ಲಿ ಈ ಚಿತ್ರವನ್ನು ಆರಂಭಿಸಿದ್ದೆವು. 2020ರಲ್ಲಿ ಚಿತ್ರೀಕರಣ ಬಹುತೇಕ ಮುಕ್ತಾಯವಾಗಿತ್ತು. ಕರೊನಾದಿಂದ ಚಿತ್ರ ತಡವಾಯಿತು. ಇತ್ತೀಚೆಗೆ ಈ ಚಿತ್ರದ ಹಾಡೊಂದನ್ನು ಉತ್ತರ ಕರ್ನಾಟಕದಲ್ಲಿ ಜವಳಿ ಸಚಿವರಾದ ಶಂಕರ್ ಪಾಟೀಲ್ ಬಿಡುಗಡೆ ಮಾಡಿದರು. ಆ ಹಾಡು ಐದು ಲಕ್ಷಕ್ಕೂ ಅಧಿಕ ವೀಕ್ಷಣೆಯಾಗಿದೆ. ಟ್ರೇಲರ್ ಸಹ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಚಿತ್ರ ಸೆಪ್ಟೆಂಬರ್ 2 ರಂದು ಬಿಡುಗಡೆಯಾಗಲಿದೆ' ಎನ್ನುತ್ತಾರೆ.

ಈ ಚಿತ್ರವನ್ನು ಯಾವುದೇ ರಾಜಿ ಇಲ್ಲದೇ ಮಾಡಿದ್ದೇವೆ ಎನ್ನುವ ದೇವರಾಜ್​, 'ಚಿತ್ರ ಬಹಳ ಚೆನ್ನಾಗಿ ಮೂಡಿಬಂದಿದ್ದು, ಯಾವುದೇ ರಾಜಿ ಇಲ್ಲದೆ ಮಾಡಿದ್ದೇವೆ. ಚಿತ್ರಕ್ಕೆ ಟೈಟಲ್​ ಸಮಸ್ಯೆ ಎದುರಾಗಿತ್ತು. ಈ ಸಂದರ್ಭದಲ್ಲಿ ನಮ್ಮ ನೆರವಿಗೆ ಬಂದವರು ಉಮೇಶ್​ ಬಣಕಾರ್​. ಇನ್ನು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷರಾದ ಭಾ.ಮ.ಹರೀಶ್ ಸಹ ಸಾಕಷ್ಟು ಸಹಾಯ ಮಾಡಿದ್ದಾರೆ' ಎನ್ನುತ್ತಾರೆ ದೇವರಾಜ್ ಕುಮಾರ್.

ಇದನ್ನೂ ಓದಿ: ಬಿಗ್​ಬಾಸ್ ಫೀವರ್ ಶುರು​: 9ನೇ ಸೀಸನ್​ನಲ್ಲಿ ಯಾರೆಲ್ಲ ಡೊಡ್ಮನೆ ಪ್ರವೇಶಿಸಲಿದ್ದಾರೆ? ಇಲ್ಲಿದೆ ಸಂಭವನೀಯ ಪಟ್ಟಿ​…

'ತಾಜ್​ ಮಹಲ್​ 2' ಚಿತ್ರವು ಶ್ರೀ ಗಂಗಾಬಿಂಕೆ ಎಂಟರ್​ಪ್ರೈಸಸ್​ ಸಂಸ್ಥೆಯಡಿ ನಿರ್ಮಾಣವಾಗಿದೆ. ಚಿತ್ರದಲ್ಲಿ ದೇವರಾಜ್​ಗೆ ನಾಯಕಿಯಾಗಿ ಸಮೃದ್ಧಿ ಶುಕ್ಲಾ ಅಭಿನಯಿಸಿದ್ದು, ವಿಕ್ಟರಿ ವಾಸು, ಕಾಕ್ರೋಚ್​ ಸುಧಿ, ಶೋಭರಾಜ್​, ತಬಲಾ ನಾಣಿ ಮುಂತಾದವರು ನಟಿಸಿದ್ದಾರೆ. ವಿಕ್ರಂ ಸೆಲ್ವ ಸಂಗೀತ ಸಂಯೋಜಿಸಿರುವ ಈ ಚಿತ್ರಕ್ಕೆ ವೀನಸ್​ ಮೂರ್ತಿ ಅವರ ಛಾಯಾಗ್ರಹಣವಿದೆ.

https://www.vijayavani.net/s-kangana-as-indiragandhi-in-emergency/