ಸುಶಾಂತ್ ಕೊನೆಯ ಚಿತ್ರವನ್ನು ಓಟಿಟಿಯಲ್ಲಿ ಫ್ರೀಯಾಗಿ ನೋಡಿ!

ಕಳೆದ ವರ್ಷ ಬಿಡುಗಡೆಯಾದ ‘ಚಿಚ್ಚೋರೇ’ ಮತ್ತು ‘ಸೊಂಚಿರಿಯಾ’ ಚಿತ್ರಗಳ ನಂತರ ಸುಶಾಂತ್ ಯಾವೊಂದು ಚಿತ್ರಗಳ ಚಿತ್ರೀಕರಣ ಸಹ ಆಗುತ್ತಿರಲಿಲ್ಲ. ಒಂದಿಷ್ಟು ಚಿತ್ರಗಳು ಮಾತುಕಥೆಯಾಗಿತ್ತಾದರೂ, ಲಾಕ್‌ಡೌನ್‌ನಿಂದಾಗಿ ಆ ಚಿತ್ರಗಳು ಸೆಟ್ಟೇರಿರಲಿಲ್ಲ. ಹಾಗಾಗಿ ಎರಡು ವರ್ಷಗಳ ಹಿಂದೆ ಪ್ರಾರಂಭವಾಗಿ, ಇನ್ನೂ ಬಿಡುಗಡೆಯಾಗಬೇಕಿರುವ ‘ದಿಲ್ ಬೇಚಾರಾ’ ಚಿತ್ರವೇ ಸುಶಾಂತ್ ಸಿಂಗ್ ರಜಪೂತ್ ಅವರ ಕೊನೆಯ ಚಿತ್ರವಾಗಲಿದೆ.

ಇದನ್ನೂ ಓದಿ: ಬಿಡುಗಡೆಯಾಯ್ತು 10 ಚಿತ್ರದ ಟೀಸರ್​ … ವಿನಯ್​ ನೋಡಿ ಕಲೀಬೇಕು ಅಂತಿದ್ದಾರೆ ಜನ

ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಕಳೆದ ತಿಂಗಳೇ ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ, ಲಾಕ್‌ಡೌನ್‌ನಿಂದಾಗಿ ಚಿತ್ರ ಮುಂದಕ್ಕೆ ಹೋಗಿತ್ತು. ಈಗ ಈ ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುವ ಬದಲು, ಓವರ್​ ದಿ ಟಾಪ್​ (ಓಟಿಟಿ)ಯಲ್ಲಿ ಬಿಡುಗಡೆಯಾಗಲಿದೆ. ಜುಲೈ 24ರಂದು ಈ ಚಿತ್ರವು ಡಿಸ್ನಿ-ಹಾಟ್​ಸ್ಟಾರ್​ನಲ್ಲಿ ಪ್ರೀಮಿಯರ್​ ಆಗಲಿದೆ.

ಇತ್ತೀಚಿನ ದಿನಗಳಲ್ಲಿ, ಹಾಟ್​ಸ್ಟಾರ್​ನಲ್ಲಿ ಹೊಸ ಚಿತ್ರಗಳನ್ನು ಮತ್ತು ವೆಬ್​ ಸೀರೀಸ್​ಗಳನ್ನು ನೋಡುವವರು, ಅದಕ್ಕೆ ಪ್ರತ್ಯೇಕವಾಗಿ ಚಂದ ಕಟ್ಟಬೇಕಿತ್ತು. ಸಬ್​ಸ್ಕ್ರಿಪ್ಶನ್​ ಕಟ್ಟಿದವರಿಗೆ ಮಾತ್ರ ಹೊಸ ಚಿತ್ರಗಳು ಮತ್ತು ವೆಬ್​ ಸೀರೀಸ್​ಗಳು ಲಭ್ಯವಿದ್ದವು. ಮಿಕ್ಕಂತೆ ಬೇರೆಲ್ಲಾ ವೀಕ್ಷಕರು ಹಳೆಯ ಚಿತ್ರಗಳನ್ನು ಉಚಿತವಾಗಿ ನೋಡಬಹುದಾಗಿತ್ತು. ಆದರೆ, ದಿಲ್​ ಬೇಚಾರಾ ಚಿತ್ರವು ಸುಶಾಂತ್​ ಅವರ ಕೊನೆಯ ಚಿತ್ರ ಎಂಬ ಕಾರಣದಿಂದ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ನಿಟ್ಟಿನಲ್ಲಿ ಈ ಚಿತ್ರವನ್ನು ಎಲ್ಲರೂ ಉಚಿತವಾಗಿ ನೋಡುವಂತೆ ಮಾಡಿದೆ ಡಿಸ್ನಿ-ಹಾಟ್​ಸ್ಟಾರ್​. ಜುಲೈ 24ರ ನಂತರ ಚಿತ್ರವು ಸ್ಟ್ರೀಮಿಂಗ್​ ಆಗಲಿದ್ದು, ಯಾರು ಬೇಕಾದರೂ ಉಚಿತವಾಗಿ ನೋಡಬಹುದಾಗಿದೆ.

ಇದನ್ನೂ ಓದಿ: ಬೇಕು ಅಂದವರೂ ಅವರೇ … ಬೇಡ ಅಂತಿರುವವರೂ ಅವರೇ!

‘ದಿಲ್ ಬೇಚಾರಾ’ ಚಿತ್ರ ಎರಡು ವರ್ಷಗಳ ಹಿಂದೆಯೇ ಪ್ರಾರಂಭವಾದರೂ, ಹಲವು ವಿಘ್ನಗಳನ್ನು ಎದುರಿಸಿ, ಇದೀಗ ಬಿಡುಗಡೆಗೆ ಸಜ್ಜಾಗುತ್ತಿದೆ. 2018ರ ಜುಲೈನಲ್ಲಿ ಜಮಶೆಡ್‌ಪುರದಲ್ಲಿ ಈ ಚಿತ್ರದ ಮುಹೂರ್ತವಾಗಿತ್ತು. ಸುಶಾಂತ್ ಮತ್ತು ಹೊಸ ಹುಡುಗಿ ಸಂಜನಾ ಸಾಂಘಿ ಅಭಿನಯದ ಈ ಚಿತ್ರಕ್ಕೆ ಮುಕೇಶ್ ಛಾಬ್ರಾ ನಿರ್ದೇಶಕರು. ‘ದಿ ಫಾಲ್ಟ್ ಇನ್ ಅವರ್ ಸ್ಟಾರ್ಸ್‌’ ಎಂಬ ಇಂಗ್ಲೀಷ್ ಕಾದಂಬರಿಯನ್ನು ಈ ಚಿತ್ರ ಆಧರಿಸಿದೆ.

https://www.vijayavani.net/yash-to-release-the-trailer-of-vishal-starrer-chakra/