ಕಡೆಗೂ 'ಜೈಲರ್​ 2' ರಿಲೀಸ್​ ಡೇಟ್​ ಫಿಕ್ಸ್​! ಅಕ್ಟೋಬರ್​ನಲ್ಲಿ ಚಿತ್ರ ತೆರೆಗೆ, ಹೊಸ ಲುಕ್​ನಲ್ಲಿ ಫ್ಯಾನ್ಸ್​ ಎದುರು ರಜಿನಿ | Jailer 2

Jailer 2: ತಮಿಳಿನ ಸೂಪರ್​ಸ್ಟಾರ್​, ನೆಚ್ಚಿನ ಅಭಿಮಾನಿಗಳ ತಲೈವಾ ರಜಿನಿಕಾಂತ್​ ಅಭಿನಯದ ಹಾಗೂ ನೆಲ್ಸನ್​ ದಿಲೀಪ್​ಕುಮಾರ್​ ನಿರ್ದೇಶನದ ಬಹುನಿರೀಕ್ಷಿತ 'ಜೈಲರ್ 2' ಚಿತ್ರದ ರಿಲೀಸ್​ ಡೇಟ್​ ಕಡೆಗೂ ಅಧಿಕೃತವಾಗಿ ಹೊರಬಿದ್ದಿದೆ.

ಕಲಾನಿಧಿ ಮಾರನ್ ನಿರ್ಮಾಣದಲ್ಲಿ ಮೂಡಿಬಂದಿರುವ ಹೈಬಜೆಟ್​ ಚಿತ್ರದಲ್ಲಿ ರಜನಿ ಅವರ ಜೊತೆಗೆ ಇತರ ಚಿತ್ರರಂಗದ ದಿಗ್ಗಜ ನಟರು ಕೂಡ ನಟಿಸಿದ್ದು, ವಿಶೇಷ ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವುದು ಸಿನಿಪ್ರಿಯರಲ್ಲಿ ಭಾರಿ ಕುತೂಹಲ ಕೆರಳಿಸಿದೆ. ಒಂದಷ್ಟು ವಿಳಂಬದ ಬಳಿಕ ರಿಲೀಸ್​ ದಿನಾಂಕವನ್ನು ಹಂಚಿಕೊಂಡಿರುವ ಚಿತ್ರತಂಡ, ಇದೇ ಅಕ್ಟೋಬರ್​ 15ಕ್ಕೆ 'ಜೈಲರ್​ 2' ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಎಂದು ತಿಳಿಸಿದೆ. ಇದರೊಟ್ಟಿಗೆ ರಜಿನಿ ಅಭಿಮಾನಿಗಳ ಹುಬ್ಬೇರಿಸುವಂತ ಟೀಸರ್​ವೊಂದನ್ನು ಕೂಡ ಹರಿಬಿಟ್ಟಿದೆ.

ಟೀಸರ್​ ತುಣುಕಿನಲ್ಲಿ ರಜಿನಿ ಅವರದ್ದು ಹೊಸ ಲುಕ್​ ಎನ್ನಿಸುವಂತೆ ಕಂಡುಬಂದಿದ್ದೇ ಆದರೂ ಚಿತ್ರತಂಡ ಅಷ್ಟಾಗಿ ಯಾವುದನ್ನೂ ರಿವೀಲ್​ ಮಾಡಿಲ್ಲ. ಟೀಸರ್​ನಲ್ಲಿ ಬಿಜಿಎಂ ಸದ್ದು ಮಾಡಿದರೆ, ಯಾರೆಲ್ಲ ಕಲಾವಿದರು ನಟಿಸಿದ್ದಾರೋ, ಅವರ ಪಾತ್ರಗಳ ಒಂದು ಸೆಕೆಂಡ್​ನಲ್ಲಿ ಪಾಸಿಂಗ್ ಶಾಟ್​ ಆಗಿ ತೋರಿಸಲಾಗಿದೆ. ಮೇಲ್ನೋಟಕ್ಕೆ ಚಿತ್ರಪ್ರೇಮಿಗಳಲ್ಲಿ ಕೌತುಕ ಕೆರಳಿಸುವಲ್ಲಿ ನಿರ್ದೇಶಕರು ಒಂದು ಹೆಜ್ಜೆ ಮುಂದೋಗಿರುವುದಂತು ಇಲ್ಲಿ ಸ್ಪಷ್ಟ. ಕಳೆದ ವರ್ಷ ಕೂಲಿ ಸಿನಿಮಾದಲ್ಲಿ ಯಾರೆಲ್ಲ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂಬುದನ್ನು ಬಹಿರಂಗಪಡಿಸಿದ ಚಿತ್ರತಂಡ, ಜೈಲರ್​-2 ಚಿತ್ರದಲ್ಲಿಯೂ ಅದನ್ನೇ ಫಾಲೋ ಮಾಡಿದೆ.

ಚಿತ್ರಕ್ಕೆ ಎಂದಿನಂತೆ ಸೂಪರ್​ಹಿಟ್​ ಮ್ಯೂಸಿಕಲ್​ ಕಂಪೋಸರ್​ ಅನಿರುದ್ಧ್​ ರವಿಚಂದ್ರನ್ ಅವರೇ ಸಂಗೀತ ನೀಡಿದ್ದಾರೆ. ರಜಿನಿಕಾಂತ್​, ಮಿರ್ನಾ ಮೆನನ್​, ಮೋಹನ್​ ಲಾಲ್​, ಹ್ಯಾಟ್ರಿಕ್​ ಹೀರೋ ಶಿವಕಾಜ್​ಕುಮಾರ್​, ಹೃತಿಕ್​ ರೋಷನ್​, ಮೋಹನ್​ ಲಾಲ್​, ರಮ್ಯ ಕೃಷ್ಣನ್​ ಸೇರಿದಂತೆ ದಿಗ್ಗಜ ಕಲಾವಿದರೇ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ ಎನ್ನಲಾಗಿದೆ. ಆದರೆ, ಇದೆಷ್ಟು ನಿಜ ಎಂಬುದನ್ನು ತಿಳಿಯಲು ಸಿನಿಮಾ ರಿಲೀಸ್​ ಆದಾಗಲೇ ಚಿತ್ರಮಂದಿರಗಳಲ್ಲಿ ನೋಡಿ ಖಚಿತಪಡಿಸಿಕೊಳ್ಳಬೇಕಿದೆ,(ಏಜೆನ್ಸೀಸ್). ​