ಗತವೈಭವದತ್ತ ಸುನಿ: ದುಶ್ಯಂತ್​ ಜತೆಗೆ ಹೊಸ ಸಿನಿಮಾ

ಬೆಂಗಳೂರು: ದುಶ್ಯಂತ್​ ಎಂಬ ಹೊಸ ಹುಡುಗನ ಜತೆಗೆ "ಸಿಂಪಲ್​' ಸುನಿ ಒಂದು ಚಿತ್ರ ಮಾಡಬೇಕಿತ್ತು. "ಅವತಾರ್​ ಪುರುಷ' ಬಿಡುಗಡೆಯಾಗುತ್ತಿದ್ದಂತೆಯೇ, ಆ ಚಿತ್ರವೂ ಶುರುವಾಗಿರಬೇಕಿತ್ತು. ಆದರೆ, ಆ ಚಿತ್ರದ ಬಜೆಟ್​ ಹೆಚ್ಚಾಯಿತು ಎಂಬ ಕಾರಣಕ್ಕೆ ಮುಂದೂಡಲಾಗಿದೆ. ಅದರ ಬದಲು ದುಶ್ಯಂತ್​ಗೆ "ಗತವೈಭವ' ಎಂಬ ಇನ್ನೊಂದು ಚಿತ್ರ ಮಾಡಲಿದ್ದಾರೆ ಸುನಿ. ಮೊದಲ ಹಂತವಾಗಿ ಚಿತ್ರದ ನಾಯಕನನ್ನು ಅವರು ಪರಿಚಯಿಸುವುದಕ್ಕೆ ಸಿದ್ಧತೆ ನಡೆಸಿದ್ದು, ನಾಳೆ (ಫೆ.28) ಬೆಳಿಗ್ಗೆ ನಾಯಕನನ್ನು ಪರಿಚಯಿಸುವ ಟೀಸರ್​ ಬಿಡುಗಡೆ ಮಾಡುತ್ತಿದ್ದಾರೆ.

"ಗತವೈಭವ' ಬಗ್ಗೆ "ವಿಜಯವಾಣಿ' ಜತೆಗೆ ಒಂದಿಷ್ಟು ವಿಷಯಗಳನ್ನು ಹಂಚಿಕೊಂಡ ಸುನಿ, "ಇದೊಂದು ಸೈ&ೈ ಚಿತ್ರ. ಇದರಲ್ಲಿ ನಾಯಕ ಒಬ್ಬ ವಿಎಫ್​ಎಕ್ಸ್​ ಕಲಾವಿನಾಗಿ ಕೆಲಸ ಮಾಡುತ್ತಿರುತ್ತಾನೆ. ಅವನು ಸೃಷ್ಟಿ ಮಾಡಿದ ಪ್ರಪಂಚದಲ್ಲೇ ಸಿಲುಕುತ್ತಾನೆ. ಅದು ಅವನ ಕಲ್ಪನೆಯೋ, ನೈಜತೆಯೋ ಎಂಬ ಗೊಂದಲ ಒಂದು ಹಂತದಲ್ಲಿ ಎದುರಾಗುತ್ತದೆ. ಅಲ್ಲಿಂದ ಚಿತ್ರ ಒಂದು ತಿರುವು ಪಡೆಯುತ್ತದೆ' ಎನ್ನುತ್ತಾರೆ.

ಈ ಚಿತ್ರದ ಚಿತ್ರೀಕರಣ ಮೇ ತಿಂಗಳಿನಿಂದ ಅಧಿಕೃತವಾಗಿ ಪ್ರಾರಂಭವಾಗಲಿದೆಯಂತೆ. "ದುಶ್ಯಂತ್​ ಬಿಟ್ಟರೆ ಬೇರೆ ಯಾವ ಕಲಾವಿದರ ಆಯ್ಕೆ ಆಗಿಲ್ಲ. ಸದ್ಯ ಹೆಸರು ಘೋಷಣೆ ಮಾಡಿದ್ದೇವೆ. ಸುನಿ ಸಿನಿಮಾಸ್​ನಡಿ ಈ ಚಿತ್ರ ನಿರ್ಮಾಣವಾಗುತ್ತಿದೆ. "ಅವತಾರ್​ ಪುರುಷ' ಬಿಡುಗಡೆಯಾದ ಮೇಲೆ ಈ ಚಿತ್ರ ಪ್ರಾರಂಭ' ಎನ್ನುತ್ತಾರೆ.