ಕನ್ನಡದಲ್ಲಿಯೂ ಬರಲಿದೆ ತಮಿಳಿನ ‘ಮಾನಾಡು’ ಚಿತ್ರ; ಟೀಸರ್ ಬಿಡುಗಡೆ ಮಾಡ್ತಾರೆ ಕಿಚ್ಚ

ಬೆಂಗಳೂರು: ಈಗಾಗಲೇ ಕನ್ನಡದ ಸಾಕಷ್ಟು ಸ್ಟಾರ್ ನಟರು ಪರಭಾಷೆಗೆ ದಾಗುಂಡಿ ಇಟ್ಟಿದ್ದಾರೆ. ಅದೇ ರೀತಿ ಪರಭಾಷೆಯ ಕಲಾವಿದರು ಕನ್ನಡಕ್ಕೆ ಆಗಮಿಸುತ್ತಿದ್ದಾರೆ. ಇದೀಗ ಆ ಸಾಲಿಗೆ ಮತ್ತೊಂದು ಸೇರ್ಪಡೆ ಕಾಲಿವುಡ್​ನಲ್ಲಿ ತಯಾರಾದ ಮಾನಾಡು ಚಿತ್ರ.

ಇದನ್ನೂ ಓದಿ: ಕೊನೆಗೂ ‘ಆದಿಪುರುಷ್​’ ಚಿತ್ರದ ಚಿತ್ರೀಕರಣ ಪ್ರಾರಂಭ

ಹೌದು, ತಮಿಳಿನಲ್ಲಿ ನಿರ್ಮಾಣವಾಗಿರುವ ಮಾನಾಡು ಸಿನಿಮಾ ಕನ್ನಡ, ತೆಲುಗು, ಮಲಯಾಳಂ ಮತ್ತು ಹಿಂದಿಯಲ್ಲಿ ಬಿಡುಗಡೆ ಆಗಲಿದೆ. ಇದೀಗ ಆ ಚಿತ್ರದ ಟೀಸರ್​ ಅನ್ನು ಚಿತ್ರತಂಡ ಬುಧವಾರ ಮಧ್ಯಾಹ್ನ 2.34ಕ್ಕೆ ಬಿಡುಗಡೆ ಮಾಡಿಕೊಳ್ಳುತ್ತಿದ್ದು, ಕನ್ನಡದಲ್ಲಿ ಮಾನಾಡು ಟೀಸರ್ ಅನ್ನು ಕಿಚ್ಚ ಸುದೀಪ್ ಬಿಡುಗಡೆ ಮಾಡಲಿದ್ದಾರೆ.

ಅದೇ ರೀತಿ ತೆಲುಗಿನಲ್ಲಿ ರವಿತೇಜ, ಹಿಂದಿಯಲ್ಲಿ ಅನುರಾಗ್ ಕಶ್ಯಪ್, ಮಲಯಾಳಂನಲ್ಲಿ ಪೃಥ್ವಿರಾಜ್ ಸುಕುಮಾರನ್​ ಅವರವರ ಸೋಷಿಯಲ್ ಮೀಡಿಯಾಗಳಲ್ಲಿ ಟೀಸರ್ ಲಿಂಕ್ ಶೇರ್​ ಮಾಡಲಿದ್ದಾರೆ.

ಇದನ್ನೂ ಓದಿ: ರಾಕ್​ಸ್ಟಾರ್​ ಆಗಲಿರುವ ‘ರೆಮೋ’ …ಸದ್ಯದಲ್ಲೇ ಹಾಡಿನ ಚಿತ್ರೀಕರಣ

ವೆಂಕಟ್​ ಪ್ರಭು ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದು, ಚಿತ್ರಕ್ಕೆ ಯುವನ್ ಶಂಕರ್ ರಾಜಾ ಸಂಗೀತ ನೀಡಿದ್ದಾರೆ. ಸುರೇಶ್​ ಕಮತ್​ಚಿ ಬಂಡವಾಳ ಹೂಡುತ್ತಿದ್ದಾರೆ. ಈಗಾಗಲೇ ಲುಕ್​ ಮೂಲಕವೇ ಸಾಕಷ್ಟು ಮಾಡುತ್ತಿರುವ ಮಾನಾಡು, ಸಿನಿಮಾದಲ್ಲಿ ಸಿಂಬು ಡಿಫರೆಂಟ್ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

https://www.vijayavani.net/kangana-ranaut-gifted-flats-to-cousins/