Biggboss Kannada 13: ಮಹಾನ್ ಕವಿ ಮಂಜ ಬಿಗ್ಬಾಸ್ ಮನೆಯಿಂದ ಹೊರ ಬಂದ ನಂತರ ..ಕೊಂಚ ಶಬ್ಧ ಮಾಲಿನ್ಯ ಕಡಿಮೆಯಾಗಿದೆ ಎನ್ನುವುದು ವೀಕ್ಷಕರ ಅಭಿಪ್ರಾಯ. ಆದರೆ, ಸೀಸನ್ 13ರ ಸ್ಪರ್ಧಿಗಳಿಗೆ ಟಾಸ್ಕ್ ಆಡುವ ಹುಮ್ಮಸ್ಸೇ ಇಲ್ಲ. ಪೆದ್ದು ಪೆದ್ದುಗಳಾಗಿ ಟಾಸ್ಕ್ ಅರ್ಥ ಮಾಡಿಕೊಂಡು, ನಿಯಮ ಪಾಲನೆ ಮಾಡದೆ, ತಪ್ಪಾಗಿ ನಿರ್ಧಾರ ತೆಗೆದುಕೊಂಡು ಪ್ರತಿ ಬಾರಿ ಚಟುವಟಿಕೆ ರದ್ದಾಗುವಂತೆ ಮಾಡಿಕೊಳ್ಳುತ್ತಿದ್ದಾರೆ ಎನ್ನುವ ಬಗ್ಗೆ ವೀಕ್ಷಕರು ವ್ಯಂಗ್ಯವಾಡುತ್ತಿದ್ದಾರೆ. ಸದ್ಯ ವಾರದ ಕತೆ ಕಿಚ್ಚನ ಜೊತೆ ಎಪಿಸೋಡ್ನಲ್ಲಿಯೂ ಈ ವಿಚಾರವಾಗಿ ಸುದೀಪ್ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಕಿಚ್ಚ ಸುದೀಪ್ ಏನಂದ್ರು?
ಕಳೆದ ವಾರ ಕ್ಯಾಪ್ಟನ್ಸಿ ಟಾಸ್ಕ್ನಲ್ಲಿ ಪಜಲ್ ಜೋಡಿಸುವ ಟಾಸ್ಕ್ಗೆ ಗಾನವಿ ಮತ್ತು ಕಾವ್ಯಾರನ್ನು ಉಸ್ತುವಾರಿ ಮಾಡಲಾಗಿತ್ತು. ಇಲ್ಲಿ ಸಮಯದ ಅಭಾವದಿಂದಾಗಿ ಟಾಸ್ಕ್ ಬೇಗನೆ ಮುಗಿಸುವ ಭರದಲ್ಲಿ ಉಸ್ತುವಾರಿಗಳು ತಪ್ಪು ತಪ್ಪಾಗಿ ನಿರ್ಧಾರ ಕೈಗೊಂಡಿದ್ದರು. ಮಧ್ಯ ಪ್ರವೇಶಿಸಿದ ಬಿಗ್ಬಾಸ್ ಟಾಸ್ಕ್ ರದ್ದು ಮಾಡಿದ್ದರು. ಈ ಇಬ್ಬರನ್ನು ಕ್ಯಾಪ್ಟನ್ಸಿ ರೇಸ್ನಿಂದ ಹೊರಗಿಡುವ ಬದಲಾಗಿ, ಪ್ರಶಾಂತ್ ಆಸಿಯಾ ಹಾಗೂ ಸೌಂದರ್ಯ, ಕಿರಣ್ ಶಾಸ್ತ್ರಿಯನ್ನು ಹೊರಗಿಟ್ಟಿದ್ದರು.
ಯಾವುದೇ ವಿಚಾರವನ್ನು ಪ್ರಶ್ನಿಸದ ಮನೆ ಮಂದಿಯ ಗುಣ, ಫೇವರಿಸಂ, ಜೊತೆಗೆ ಗಾನವಿಯ ಮೋಸದಾಟ, ಗಗನ್-ತಾಂಡವ್, ನಿಯಮ ಮುರಿದ ಪ್ರಶಾಂತ್ಗೂ ಕ್ಲಾಸ್ ತೆಗೆದುಕೊಂಡಿರುವುದು ಪ್ರೋಮೋದಲ್ಲಿದೆ.
ಕಿಚ್ಚನ ಕ್ಲಾಸ್ ಹೀಗಿರಲಿದೆ
ಎರಡು ಪ್ರೋಮೋ ರಿಲೀಸ್ ಆಗಿದ್ದು, ಮೊದಲನೆಯ ವಿಡಿಯೋದಲ್ಲಿ ಸಮಯ ಎರಡು ತರ ಬಳಕೆಯಾಗುತ್ತದೆ. ಒಂದು ಸಮಯ ಸಾಧಕರು, ಮತ್ತೊಬ್ಬರು ಸಮಯ ಪಡೆದು ಸಾಧಿಸುವವರು. ಅಧಿಕಾರ ಪಡೆದುಕೊಳ್ಳೋದಕ್ಕೆ ಏನು ಮಾಡುತ್ತಾರೆ. ಪಡೆದುಕೊಂಡವರು ಅಧಿಕಾರ ಹೇಗೆ ಬಳಸಿಕೊಳ್ಳುತ್ತಾರೆ ಎನ್ನುವುದು ವ್ಯಕ್ತಿತ್ವದ ಆಧಾರದ ಮೇಲೆ ನಿರ್ಧಾರವಾಗುತ್ತದೆ ಎಂದಿದ್ದಾರೆ ಸುದೀಪ್.
