"ವಿಕ್ರಾಂತ್ ರೋಣ' ಚಿತ್ರದ ಬಳಿಕ ಕಿಚ್ಚ ಸುದೀಪ್ ಮತ್ತು ನಿರ್ದೇಶಕ ಅನೂಪ್ ಭಂಡಾರಿ ಮತ್ತೆ ಒಂದಾಗಿದ್ದು, ಏ. 16ರಿಂದ ಆ್ಯಕ್ಷನ್ ಅಡ್ವೆಂಚರ್ ಸಿನಿಮಾ "ಬಿಲ್ಲಾ ರಂಗ ಬಾಷಾ' ಶೂಟಿಂಗ್ನಲ್ಲಿ ಬಿಜಿಯಾಗಿದ್ದಾರೆ. 2209ರ ಕಾಲಟ್ಟದಲ್ಲಿ ನಡೆಯುವ ಕಥೆಯಾದ ಕಾರಣ ನಟ ಕಿಚ್ಚ ಸುದೀಪ್ ವಿಭಿನ್ನ ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದು, ಹಾಲಿವುಡ್ನ "ಮ್ಯಾಡ್ ಮ್ಯಾಕ್ಸ್' ಸರಣಿಯಲ್ಲಿ ಬಳಸಿರುವಂತಹ ವಿಶೇಷವಾಗಿ ಮಾಡಿಫೈ ಮಾಡಿರುವ ವಾಹನಗಳು, ಶಸ್ತ್ರಾಸ್ತ್ರಗಳು ಈ ಚಿತ್ರದಲ್ಲೂ ಕಾಣಸಿಗಲಿವೆ. ಸದ್ಯ ಕಂಠೀರವ ಸ್ಟುಡಿಯೋನಲ್ಲಿ ಸೆಟ್ ಹಾಕಿ "ಬಿಲ್ಲಾ ರಂಗ ಬಾಷಾ' ಚಿತ್ರೀಕರಣ ನಡೆಸಲಾಗುತ್ತಿದ್ದು, ಪಾತ್ರಗಳ ಲುಕ್ ಮತ್ತು ಸೆಟ್ ಡಿಸೈನ್ ಸೇರಿ ಚಿತ್ರದ ಕುರಿತ ಎಲ್ಲ ವಿಷಯಗಳಲ್ಲೂ ಗೌಪ್ಯತೆ ಕಾಪಾಡಿಕೊಳ್ಳಲು ಚಿತ್ರತಂಡ ಎಚ್ಚರಿಕೆ ವಹಿಸಿದೆ. ಹೀಗಾಗಿಯೇ ಈ ಸಿನಿಮಾದಲ್ಲಿ ಕೆಲಸ ಮಾಡುವ ಎಲ್ಲ ತಂತ್ರಜ್ಞರು, ಕಲಾವಿದರಿಗೂ ಗುರುತಿನ ಚೀಟಿ ನೀಡಲಾಗಿದ್ದು, ಅದಿಲ್ಲದಿದ್ದರೆ ಸೆಟ್ಗೆ ಪ್ರವೇಶವಿರುವುದಿಲ್ಲ.
