ರಾಘವೇಂದ್ರ ರಾಜ್ಕುಮಾರ್ ಅತ್ಯುತ್ತಮ ನಟ (ಚಿತ್ರ: ‘ಅಮ್ಮನ ಮನೆ’), ಮೇಘನಾ ರಾಜ್ ಅತ್ಯುತ್ತಮ ನಟಿ (ಚಿತ್ರ: ‘ಇರುವುದೆಲ್ಲವ ಬಿಟ್ಟು’) ದಯಾಳ್ ಪದ್ಮನಾಭನ್ ನಿರ್ದೇಶನದ ‘ಆ ಕರಾಳ ರಾತ್ರಿ’ ಮೊದಲ ಅತ್ಯುತ್ತಮ ಚಿತ್ರ, ಬಿ.ಮಂಜುನಾಥ ನಿರ್ದೇಶನದ ‘ಹೂವು ಬಳ್ಳಿ’ ಅತ್ಯುತ್ತಮ ಮಕ್ಕಳ ಹಾಗೂ ‘ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು’ ಅತ್ಯುತ್ತಮ ಮನರಂಜನಾ ಚಿತ್ರ ಪ್ರಶಸ್ತಿಗೆ ಭಾಜನವಾಗಿವೆ. ಬಾಲಾಜಿ ಮನೋಹರ್ (ಚೂರಿಕಟ್ಟೆ) ಹಾಗೂ ವೀಣಾ ಸುಂದರ್ (ಆ ಕರಾಳ ರಾತ್ರಿ) ಅತ್ಯುತ್ತಮ ಪೋಷಕ ನಟ-ಪೋಷಕ ನಟಿ ಎನಿಸಿಕೊಂಡರೆ, ಮಾಸ್ಟರ್ ಆರೆನ್ (ರಾಮನ ಸವಾರಿ) ಮತ್ತು ಬೇಬಿ ಸಿಂಚನಾ (ಅಂದವಾದ) ಅತ್ಯುತ್ತಮ ಬಾಲ ನಟ-ಬಾಲ ನಟಿ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.
