ಶ್ರೀಮುರಳಿ ನಟನೆಯ ಬಘೀರ ಸಿನಿಮಾ ಬಗ್ಗೆ ನಿಮಗೆ ಗೊತ್ತಿರದ ಶಾಕಿಂಗ್ ಸಂಗತಿಗಳು ಇಲ್ಲಿವೆ... Sri Murali

Sri Murali: ಮದಗಜ ಚಿತ್ರ ತೆರೆಗೆ ಬಂದ ಮೂರು ವರ್ಷಗಳ ಬಳಿಕ ಶ್ರೀಮುರಳಿ ನಟಿಸಿರುವ ಹೊಸ ಸಿನಿಮಾ 'ಬಘೀರ’ ತೆರೆಗೆ ಅಪ್ಪಳಿಸಲು ಸಿದ್ಧವಾಗಿದೆ. ಈ ಸಿನಿಮಾಗೆ ಡಾ. ಸೂರಿ ಆ್ಯಕ್ಷನ್​-ಕಟ್​ ಹೇಳಿದ್ದು, ಶ್ರೀಮುರಳಿ ಸೂಪರ್​ಹೀರೋ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇತ್ತೀಚೆಗಷ್ಟೆ ಟ್ರೇಲರ್​ ರಿಲೀಸ್ ಆಗಿದ್ದು, ಎಲ್ಲೆಡೆ ಸಖತ್​ ಸೌಂಡ್​ ಮಾಡುತ್ತಿದೆ.

ಈ ಚಿತ್ರದ ವಿಶೇಷತೆ ಏನೆಂದರೆ, ಕೆಜಿಎಫ್​ ಖ್ಯಾತಿಯ ಪ್ರಶಾಂತ್ ನೀಲ್ ಕಥೆ ಬರೆದುಕೊಟ್ಟಿದ್ದಾರೆ. ಟ್ರೈಲರ್​ ಬಿಡುಗಡೆಯಾದ ಬಳಿಕ ಸಿನಿಮಾ ಕುರಿತಾದ ಹಲವು ಕುತೂಹಲಕಾರಿ ಸಂಗತಿಗಳು ಹೊರಬಿದ್ದಿವೆ. ನಿರ್ದೇಶಕರು 127 ದಿನಗಳಲ್ಲಿ ಈ ಚಿತ್ರದ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದಾರೆ. ಈ ಸಿನಿಮಾದ ಆಕ್ಷನ್ ಎಪಿಸೋಡ್​ಗಳಿಗಾಗಿ ನಿರ್ಮಾಪಕರು 5 ಅದ್ಧೂರಿ ಸೆಟ್​ಗಳನ್ನು ನಿರ್ಮಾಣ ಮಾಡಿದ್ದರು. ಪ್ರತಿ ಸೆಟ್ ನಿರ್ಮಿಸಲು 60 ದಿನಗಳನ್ನು ತೆಗೆದುಕೊಂಡಿತು. ಕೇವಲ ಫೈಟ್ ಸೀಕ್ವೆನ್ಸ್‌ಗಾಗಿಯೇ 55 ದಿನಗಳನ್ನು ನಿಗದಿಪಡಿಸಿ, ಶೂಟಿಂಗ್​ ಮಾಡಲಾಗಿದೆ.

ಇನ್ನು ಚಿತ್ರದ ನಾಯಕ ಶ್ರೀಮುರಳಿ ಈ ಸಿನಿಮಾಗಾಗಿ ತಮ್ಮನ್ನು ತಾವು ಅರ್ಪಿಸಿಕೊಂಡಿದ್ದಾರೆ. ಬರೋಬ್ಬರಿ 3 ವರ್ಷಗಳ ಕಾಲ ತೀವ್ರ ಜಿಮ್ ತರಬೇತಿ ಪಡೆದಿದ್ದಾರೆ. ಚಿತ್ರದ ಶೂಟಿಂಗ್ ವೇಳೆ ಶ್ರೀಮುರಳಿಗೆ ಗಾಯವಾಗಿದ್ದು, 4 ತಿಂಗಳ ಕಾಲ ಶೂಟಿಂಗ್ ನಿಲ್ಲಿಸಲಾಗಿತ್ತು. ಶೇ.90ರಷ್ಟು ಸಾಹಸ ದೃಶ್ಯಗಳನ್ನು ಯಾವುದೇ ಡ್ಯೂಪ್ ಇಲ್ಲದೆ ಶ್ರೀ ಮುರುಳಿ ನಟಿಸಿದ್ದಾರೆ. ಚಿತ್ರದ ಒಂದು ಪ್ರಮುಖ ಚೇಸ್ ದೃಶ್ಯದಲ್ಲಿ ಶ್ರೀಮುರಳಿ ಅವರು ಬಸ್ಸಿನಿಂದ ಬಿದ್ದು ಸ್ವಲ್ಪದರಲ್ಲೇ ಗಾಯದಿಂದ ಪಾರಾಗಿದ್ದಾರೆ.

ಇದನ್ನೂ ಓದಿ: ಕಿಚ್ಚನ ವಿರುದ್ಧವೇ ತಿರುಗಿಬಿದ್ದ ಸ್ಪರ್ಧಿಗಳು! ಈ ವಿಚಾರದಲ್ಲಿ ಸುದೀಪ್​ ಮಾಡಿದ್ದು ತಪ್ಪಂತೆ | Kichcha Sudeepa

127 ದಿನಗಳ ಶೂಟಿಂಗ್‌ನಲ್ಲಿ 60 ದಿನಗಳ ಚಿತ್ರೀಕರಣ ರಾತ್ರಿಯಲ್ಲಿ ಮಾತ್ರ ನಡೆದಿದೆ. ಸುಮಾರು 15 ರಿಂದ 16 ಬಾರಿ ದಿನದ 24 ಗಂಟೆಯೂ ಶೂಟಿಂಗ್​ ಮಾಡಿದ್ದಾರೆ. ಪ್ರಶಾಂತ್ ನೀಲ್ ಬರೆದ ಕತೆಗೆ ಚಿತ್ರಕಥೆ ಬರೆದು ಕ್ಯಾಮೆರಾ ಕಣ್ಣಲ್ಲಿ ಸೆರೆಹಿಡಿಯಲು 2 ವರ್ಷಗಳನ್ನು ತೆಗೆದುಕೊಂಡಿತು. ಚಿತ್ರದ ಬಹುತೇಕ ಚಿತ್ರೀಕರಣ ವೈಜಾಗ್, ಗೋವಾ, ಹೈದರಾಬಾದ್, ಮಂಗಳೂರು, ಬೆಂಗಳೂರು ಮತ್ತು ಮೈಸೂರಿನಲ್ಲಿ ನಡೆದಿದೆ. ದೀಪಾವಳಿ ಉಡುಗೊರೆಯಾಗಿ ಅಕ್ಟೋಬರ್ 31 ರಂದು ಬಘೀರ ಸಿನಿಮಾ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ.

ಸಣ್ಣ ವಯಸ್ಸಿನಲ್ಲಿ ಬ್ಯಾಟ್​ಮ್ಯಾನ್​, ಐರನ್​ ಮ್ಯಾನ್​, ಸ್ಪೈಡರ್​ಮ್ಯಾನ್​, ಸೂಪರ್​ಮ್ಯಾನ್​ನಂತಹ ಸೂಪರ್​ಹೀರೋಗಳನ್ನು ನೋಡಿ ನಾನೂ ಸೂಪರ್​ಹೀರೋ ಆಗಬೇಕು ಅಂತ ಆಸೆಪಡುತ್ತಿದ್ದೆ. “ಬಘೀರ’ ಕಥೆ ಕೇಳಿದ ತಕ್ಷಣ ತುಂಬ ಖುಷಿಯಾಯಿತು. ಮೊದಲ ಬಾರಿ ಕಾಸ್ಟ್ಯೂಮ್​ ಧರಿಸಿದಾಗ, ನನಗೆ ಇಷ್ಟದ ತಿಂಡಿ, ತಿನಿಸುಗಳನ್ನು ತೊರೆದು, ವರ್ಕೌಟ್​ ಮಾಡಲೇಬೇಕು ಅಂತ ಸಿದ್ಧತೆ ಮಾಡತೊಡಗಿದೆ ಎಂದು ಚಿತ್ರದ ಮೇಲಿನ ತಮ್ಮ ಪ್ರೀತಿಯನ್ನು ನಾಯಕ ಶ್ರೀಮುರಳಿ ಮಾಧ್ಯಮಗಳ ಮುಂದೆ ಹಂಚಿಕೊಂಡಿದ್ದಾರೆ.

https://www.vijayavani.net/srimurali-starrer-bagheera-movie-trailer-released