ಬಹುಶಃ ತಮ್ಮ ಐದು ದಶಕಗಳ ಚಿತ್ರಜೀವನದಲ್ಲಿ ಎಸ್.ಪಿ.ಬಿ ಅವರು ಯಾವುದೇ ಚಿತ್ರಕ್ಕೂ ಹಾಡದೆ, ಮೈಕಿನ ಮುಂದೆ ನಿಲ್ಲದೆ ಇದ್ದಿದ್ದು ಕಳೆದ ಒಂದು ವರ್ಷದಿಂದಲೇ ಇರಬೇಕು. ಮಿಕ್ಕಂತೆ ಅವರೆಂದೂ ಗಾಯನದಿಂದ ದೂರವಾಗಿದ್ದೇ ಇಲ್ಲ. ಸತತವಾಗಿ ಹಲವು ಭಾಷೆಗಳಲ್ಲಿ ಹಾಡುತ್ತಾ, ಹಲವು ನಾಯಕರಿಗೆ ಧ್ವನಿಯಾಗುತ್ತಾ, ಒಂದು ದಿನಕ್ಕೆ ಅತೀ ಹೆಚ್ಚು ಹಾಡುಗಳನ್ನು ಹಾಡುವ ಮೂಲಕ ದಾಖಲೆ ಮಾಡುತ್ತಾ, ಚಿತ್ರತಂಡದವರ ಕಲ್ಪನೆಗೆ ಜೀವ ತುಂಬುತ್ತಾ ಹೋದರು. ಒಂದು ಕಾಲಕ್ಕೆ ಬಾಲಸುಬ್ರಹ್ಮಣ್ಯಂ ಅವರು ಅದೆಷ್ಟು ಬಿಜಿಯಾಗಿದ್ದರೆಂದರೆ, ಅವರಿಗೆ ತಮ್ಮ ಹುಟ್ಟುಹಬ್ಬವನ್ನಾದರೂ ಆಚರಿಸಿಕೊಳ್ಳುವುದಕ್ಕೆ ಪುರುಸೊತ್ತು ಇತ್ತೋ, ಇಲ್ಲವೋ ಗೊತ್ತಿಲ್ಲ. ಆ ಮಟ್ಟಿಗೆ ಅವರು ಬಿಜಿಯಾಗಿದ್ದರು ಮತ್ತು ಏಕಕಾಲಕ್ಕೆ ಮೂರ್ನಾಲ್ಕು ಭಾಷೆಗಳಿಗೆ ಬೇಕಾದವರಾಗಿದ್ದರು. ಅವರು ಹಾಗೆ ಹಾಡದಿದ್ದರೆ, ಅಂಥದ್ದೊಂದು ದಾಖಲೆ ಮಾಡುವುದಕ್ಕೆ ಸಾಧ್ಯವೇ ಆಗುತ್ತಿರಲಿಲ್ಲ. ಹಾಗೆ ನೋಡಿದರೆ, ಅತೀ ಹೆಚ್ಚು ಚಿತ್ರಗೀತೆಗಳನ್ನು ಹಾಡಿರುವ ಗಾಯಕರು ಎಂದು ಗಿನ್ನೀಸ್ ಸಂಸ್ಥೆ ಗುರುತಿಸಿರುವುದು ಪಿ. ಸುಶೀಲಾ ಅವರನ್ನು. ಸುಶೀಲಾ ಅವರು ಐದು ದಶಕಗಳಲ್ಲಿ
