ಈ ಹಿಂದೆ ‘ಸೀಜರ್’ ಸಿನಿಮಾ ನಿರ್ದೇಶನ ಮಾಡಿದ್ದ ವಿನಯ್ ಕೃಷ್ಣ, ಈ ಚಿತ್ರಕ್ಕೂ ಆಕ್ಷನ್-ಕಟ್ ಹೇಳುತ್ತಿದ್ದಾರೆ. ಅವರ ಈ ಪ್ರಯತ್ನಕ್ಕೆ ತ್ರಿವಿಕ್ರಮ್ ಸಾಫಲ್ಯ ಸಾಥ್ ನೀಡುತ್ತಿದ್ದು, ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ. ‘ಪ್ರೇಕ್ಷಕನನ್ನು ಸೀಟಿನ ತುದಿಗೆ ತಂದು ಕೂರಿಸುವಂಥ ಚಿತ್ರವಿದು. ಕಳೆದ ಆರು ತಿಂಗಳಿಂದ ನಿರಂಜನ್ ಈ ಸಿನಿಮಾಕ್ಕೆ ತಯಾರಿ ನಡೆಸಿದ್ದಾರೆ. ಕೇಳಿದ್ದನ್ನು ಕೊಡಲು ನಿರ್ವಪಕರು ತಯಾರಾಗಿದ್ದಾರೆ’ ಎನ್ನುತ್ತಾರೆ ವಿನಯ್. ಪ್ರಕಾಶ್ ರೈ, ನಾಜರ್, ಸುಮನ್, ಸಾಧು ಕೋಕಿಲ ಸೇರಿ ಹಲವು ಸ್ಟಾರ್ ಕಲಾವಿದರು ನಟಿಸುತ್ತಿದ್ದಾರೆ. ಚಂದನ್ ಶೆಟ್ಟಿ ಸಂಗೀತ, ಮಹೇಶ್ ಛಾಯಾಗ್ರಾಹಣ, ಶ್ರೀಕಾಂತ್ ಸಂಕಲನ ಮಾಡಲಿದ್ದಾರೆ.
