"Oh so edible" ರಣವೀರ್ ಬ್ಯಾಂಡ್‌ಗಲಾ ಲುಕ್‌ಗೆ ದೀಪಿಕಾ ಫಿದಾ!

Oh so edible: ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ ಸಮಾರೋಪ ಸಮಾರಂಭದಲ್ಲಿ ನಟ ರಣವೀರ್ ಸಿಂಗ್ ತಮ್ಮ ಇನ್​ಸ್ಟಾಗ್ರಾಮ್​​ನಲ್ಲಿ ಮಾಡಿದ​ ಪೋಸ್ಟ್​ಗೆ ಪತ್ನಿ ದೀಪಿಕಾ ಪಡುಕೋಣೆ ಪ್ರತಿಕ್ರಿಯಿಸಿದ್ದು, ಸದ್ಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಗಮನ ಸೆಳೆದಿದೆ.

ಕಪ್ಪು ಸೂಟ್​ಗೆ ಹೊಂದಿಕೆಯಾಗುವಂತೆ ಬೂಟ್​ಗಳು ಮತ್ತು ಗಾಢವಾದ ಸನ್​ ಗ್ಲಾಸ್​​ ಗಳೊಂದಿಗೆ ಕಾಣಿಸಿಕೊಂಡ ಸಿಂಗ್ ಸಾರ್ವಜನಿಕ ಮೆಚ್ಚುಗೆಯನ್ನು ಗಳಿಸಿದ್ದು ಮಾತ್ರವಲ್ಲದೇ, ಪತ್ನಿ ನಟಿ ದೀಪಿಕಾ ಪಡುಕೋಣೆ ಫ್ಲರ್ಟಿ ಹೇಳಿಕೆಯನ್ನು ಸೇರಿಸಿದ ನಂತರ ಈ ಪೋಸ್ಟ್​ ವಿಶೇಷ ಆಕರ್ಷಣೆಯನ್ನು ಪಡೆದುಕೊಂಡಿದೆ.

ಕಾರ್ಯಕ್ರಮದಲ್ಲಿ ನಟನ ನೋಟಕ್ಕೆ ಫಿದಾ ಆದ ದೀಪಿಕಾ, "ಓಹ್ ಸೂ ಎಡಿಬಲ್! (Oh so edible) ಎಂದು ಪೋಸ್ಟ್​ಗೆ ಪ್ರತಿಕ್ರಿಯಿಸಿದ್ದಾರೆ. ಜೊತೆಗೆ ಜೊಲ್ಲು ಸುರಿಸುತ್ತಿರುವ ಮುಖದ ಎಮೋಜಿಯನ್ನು ಕೂಡ ಬಳಸಿದ್ದು, ಇದು ದೀಪಿಕಾ ತನ್ನ ಗಂಡನ ಮೇಲಿರುವ ಪ್ರೀತಿಯನ್ನು ಎತ್ತಿ ತೋರಿಸಿದೆ.

ಇನ್ನು ಈ ಕಮೆಂಟ್​ನ್ನು ನೋಡಿದ ಅಭಿಮಾನಿಗಳು ಲಕ್ಕಿ ವೈಫ್​ ರಣವೀರ್​ ಅವರನ್ನು ಚೆನ್ನಾಗಿ ನೋಡಿಕೊಳ್ಳಿ. ನೀವಿಬ್ಬರೂ ಭಾರತೀಯ ಪ್ರೇಕ್ಷಕರಿಗೆ ಆಸ್ತಿ ಎಂದು ಕಮೆಂಟ್​ ಮಾಡಿದ್ದಾರೆ.

ಈ ಜೋಡಿಯ ಇತಿಹಾಸವು ಅವರ ಅಭಿಮಾನಿಗಳಿಗೆ ಕುತೂಹಲವನ್ನು ಹುಟ್ಟುಹಾಕಿದೆ. ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಗೋಲಿಯೋಂ ಕಿ ರಸಲೀಲಾ, ರಾಮ್ ಲೀಲಾ ಚಿತ್ರೀಕರಣದ ಸಮಯದಲ್ಲಿ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಅಂತಿಮವಾಗಿ ನವೆಂಬರ್ 2018 ರಲ್ಲಿ ಈ ಜೋಡಿ ಇಟಲಿಯ ಲೇಕ್ ಕೊಮೊದಲ್ಲಿ ವಿವಾಹವಾದರು. ಗಮನಾರ್ಹ ಸಾರ್ವಜನಿಕ ಕ್ಷಣದಲ್ಲಿ, ಅವರು 5 ವರ್ಷಗಳ ನಂತರ ಕಾಫಿ ವಿತ್ ಕರಣ್, ಸೀಸನ್ 8 ರಲ್ಲಿ ತಮ್ಮ ವಿವಾಹದ ವೀಡಿಯೊವನ್ನು ಸಾರ್ವಜನಿಕವಾಗಿ ಪ್ರದರ್ಶನಗೊಳಿಸಿದರು. ದಂಪತಿ ಸೆಪ್ಟೆಂಬರ್ 2024 ರಲ್ಲಿ ತಮ್ಮ ಮಗಳು ದುವಾ ಪಡುಕೋಣೆ ಸಿಂಗ್ ಅವರನ್ನು ಸ್ವಾಗತಿಸಿದರು.

ಏತನ್ಮಧ್ಯೆ, ವೃತ್ತಿಪರ ರಂಗದಲ್ಲಿ, ರಣವೀರ್ ಸಿಂಗ್ ಆದಿತ್ಯ ಧರ್ ನಿರ್ದೇಶನದ ಧುರಂಧರ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಡಿಸೆಂಬರ್ 5 ರಂದು ಬಿಡುಗಡೆಯಾಗಲಿದೆ. ಸಿಂಘಮ್ ಅಗೇನ್ ಚಿತ್ರದ ಬಳಿಕ ದೀಪಿಕಾ ಪಡುಕೋಣೆ, ಶಾರುಖ್ ಖಾನ್ ಮತ್ತು ಸುಹಾನಾ ಖಾನ್ ಅವರೊಂದಿಗೆ ಕಿಂಗ್​ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ (ಏಜೆನ್ಸೀಸ್​).