ಭವಿಷ್ಯ ನೆನೆದರೆ ಭಯ: ಸದ್ಯ ಮನೆಯಲ್ಲಿಯೇ ಇರುವ ಸೋನು ಗೌಡ, ಲಾಕ್ಡೌನ್ನಿಂದಾಗುವ ಪರಿಣಾಮವನ್ನು ಮನೆಯಲ್ಲಿದ್ದಯಕೊಂಡೆ ಲೆಕ್ಕಹಾಕುತ್ತಿದ್ದಾರೆ. ಮುಂದೇನು ಎಂಬ ಲೆಕ್ಕಾಚಾರದಲ್ಲಿ ತೊಡಗಿಸಿಕೊಂಡಿದ್ದಾರೆ. ‘ಪರಿಸ್ಥಿತಿ ಹೀಗೆ ಮುಂದುವರಿದರೆ, ಸಿನಿಮಾವನ್ನೇ ಬದುಕುವ ನಮ್ಮಂಥ ಕಲಾವಿದರ ಪಾಡೇನು? ಮುಂದಿನ ದಿನಗಳು ನಿಜಕ್ಕೂ ಸವಾಲಾಗಿ ಪರಿಣಮಿಸಿಲಿದೆ. ಕಷ್ಟಕರವಾದ ಜೀವನವನ್ನು ಸಾಗಿಸಬೇಕಾಗುವ ಸಂದರ್ಭ ಎದುರಾದರೂ ಅಚ್ಚರಿ ಇಲ್ಲ. ಈಗಾಗಲೇ ತೆಲುಗು ಸಿನಿಮಾ ಇಂಡಸ್ಟ್ರಿಯಲ್ಲಿ ಚಿತ್ರೀಕರಣಕ್ಕೆ ಚಾಲನೆ ನೀಡಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ನಮ್ಮಲ್ಲಿಯೂ ಅಂಥ ಕೆಲಸ ಶುರುವಾದರೆ, ಏನೆಲ್ಲ ಆಗಬಹುದು ಎಂದುಕೊಳ್ಳುತ್ತಿದ್ದೇನೆ’ ಎನ್ನುವ ಸೋನು, ನಿರ್ವಪಕರನ್ನು ನೆನೆದು ಮರುಕ ವ್ಯಕ್ತಪಡಿಸುತ್ತಾರೆ. ‘ನಾವೆನೋ ಹೇಗೋ ಇರಬಹುದು. ಆದರೆ, ದೊಡ್ಡ ದೊಡ್ಡ ಬಜೆಟ್ನ ಸಿನಿಮಾಗಳಿಗೆ ಬಂಡವಾಳ ಹೂಡಿರುವ ನಿರ್ವಪಕರ ಸ್ಥಿತಿ ಇಂಥ ಹೊತ್ತಲ್ಲಿ ಹೇಗಾಗಿರಬೇಡ? ಎಲ್ಲವೂ ಓಕೆ, ಚಿತ್ರೀಕರಣ ಮಾಡಿಕೊಳ್ಳಿ ಎಂದು ಸರ್ಕಾರ ಹೇಳಿದರೂ, ಸೆಟ್ನಲ್ಲಿ ಮುನ್ನೆಚ್ಚರಿಕೆ ತೆಗೆದುಕೊಳ್ಳಬೇಕಾದ ಪೂರ್ತಿ ಜವಾಬ್ದಾರಿ ನಿರ್ವಪಕರದ್ದೇ. ಒಂದು ಜೀವಕ್ಕೂ ಹಾನಿಯಾದರೆ, ಅದಕ್ಕೆ ನಿರ್ವಪಕನೇ ನೇರ ಹೊಣೆಯಾಗುತ್ತಾನೆ. ಹಾಗಾದರೆ, ಮುಂದೇನು? ಸದ್ಯಕ್ಕೆ ಸರ್ಕಾರವೇ ಇದೆಲ್ಲದಕ್ಕೂ ಉತ್ತರಿಸಬೇಕಿದೆ’ ಎನ್ನುತ್ತಾರೆ ಸೋನು. ಜೀವನಾನುಭವದ
