ತಮಿಳಿನಲ್ಲಿ ಸಿದ್ಧವಾಗಿರುವ ಈ ಚಿತ್ರವನ್ನು ಸಾಯಿ ಸೆಲ್ವ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾದ ಪಾತ್ರದ ಬಗ್ಗೆ ಮಾಹಿತಿ ನೀಡುವ ನಟಿ ಸೋನು, "ನನ್ನ ಪಾಲಿಗೆ ಇದೊಂದು ವಿಶೇಷ ಪಾತ್ರ. ಬೋಲ್ಡ್ ಆಗಿ ಕಾಣಿಸಿಕೊಳ್ಳುವುದರ ಜತೆಗೆ ಸಿಗರೇಟ್ ಸೇದುವ ದೃಶ್ಯಗಳೂ ಈ ಸಿನಿಮಾದಲ್ಲಿವೆ. ಬೇರೆಯವರನ್ನು ಮರುಳು ಮಾಡಿ ಬುಟ್ಟಿಗೆ ಹಾಕುವ ಹುಡುಗಿ, ತಾನೇ ಆ ಮೋಸದ ಬುಟ್ಟಿಗೆ ಬಿದ್ದರೆ ಹೇಗೆ ಅದರಿಂದ ಹೊರಬರುತ್ತಾಳೆ ಎಂಬುದೇ ನನ್ನ ಪಾತ್ರದ ವಿವರಣೆ. ಬೋಲ್ಡ್ ದೃಶ್ಯಗಳು ಸಿನಿಮಾದ ಕಥೆಗೆ ಪೂರಕವಾಗಿವೆ. ಅದೇ ರೀತಿ ನೆಗೆಟಿವ್ ಶೇಡ್ನಲ್ಲಿ ನನ್ನ ಪಾತ್ರ ಸಾಗಲಿರುವುದ ರಿಂದ, ತಿರುವು ನೀಡುತ್ತಲೇ ಸಾಗುತ್ತದೆ. 2 ಭಾಗಗಳಲ್ಲಿ ಚಿತ್ರ ಬಿಡುಗಡೆ ಆಗಲಿದೆ. ಮೊದಲ ಭಾಗದಲ್ಲಿ ಅಷ್ಟಾಗಿ ಕಾಣಿಸಿಕೊಳ್ಳದ ನಾನು, 2ನೇ ಭಾಗದಲ್ಲಿ ಹೆಚ್ಚು ಸ್ಕ್ರೀನ್ ಸ್ಪೇಸ್ ಸಿಕ್ಕಿದೆ ' ಎನ್ನುತ್ತಾರೆ.
