'ಅದಕ್ಕೂ ಮುನ್ನ ಸೋನಮ್ ನನ್ನ ನಿರ್ದೇಶನದ 'ಡೆಲ್ಲಿ 6' ಚಿತ್ರದಲ್ಲಿ ನಟಿಸಿದ್ದರು. ಆ ಸಂದರ್ಭದಲ್ಲಿ ನಮ್ಮಿಬ್ಬರ ನಡುವೆ ಒಳ್ಳೆಯ ಸ್ನೇಹ ಬೆಳೆದಿತ್ತು. 'ಭಾಗ್ ಮಿಲ್ಕಾ ಭಾಗ್' ಮಾಡುವಾಗ ನಾಯಕಿ ಪಾತ್ರಕ್ಕೆ ಯಾರನ್ನು ಕೇಳಬೇಕು ಎಂಬ ಜಿಜ್ನಾಸೆ ಇತ್ತು. ಏಕೆಂದರೆ, ಚಿತ್ರದಲ್ಲಿ ಆಕೆಯದು ಬಹಳ ಚಿಕ್ಕ ಪಾತ್ರ. ಹೆಚ್ಚೆಂದರೆ, 10-11 ನಿಮಿಷಗಳ ಕಾಲ ಬರುವಂತಹ ಪಾತ್ರ. ಈ ಪಾತ್ರ ಮಾಡುವುದಕ್ಕೆ ಯಾರೂ ಒಪ್ಪುತ್ತಿರಲಿಲ್ಲ. ಆದರೆ, ಸೊನಮ್ ಒಪ್ಪಿದರು. ಆಕೆಗೆ ಇದೊಂದು ಪ್ರೇಮಕಥೆಯಲ್ಲ, ಒಬ್ಬ ಕ್ರೀಡಾಪಟುವಿನ ಕಥೆ ಎಂಬುದು ಗೊತ್ತಿತ್ತು. ದೇಶದ ವಿಭಜನೆಯಿಂದ ಆಘಾತಕ್ಕೊಳಗಾದ ಅಕ್ಕ-ತಮ್ಮನ ಕಥೆ ಎಂದು ಗೊತ್ತಿತ್ತು. ಹಾಗಾಗಿಯೇ, ತಮ್ಮ ಪಾತ್ರ ಚಿಕ್ಕದಾಗಿದೆ ಎಂದು ಅರ್ಥ ಮಾಡಿಕೊಂಡ ಅವರು, ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡರು. ಕೇವಲ 11 ರೂ. ಸಂಭಾವನೆ ಪಡೆದು, ಏಳು ದಿನಗಳ ಕಾಲ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು' ಎಂದು ಬರೆದುಕೊಂಡಿದ್ದಾರೆ.
