ಭರತ್ ಕ್ರಿಯೇಷನ್ಸ್ ಬ್ಯಾನರ್ನಲ್ಲಿ ಭರತ್ ವಿಷ್ಣುಕಾಂತ್ ‘ಭಗವಾನ್ ಶ್ರೀ ಕೃಷ್ಣ ಪರಮಾತ್ಮ’ ಸಿನಿಮಾ ನಿರ್ವಿುಸುತ್ತಿದ್ದಾರೆ. ಈ ಹಿಂದೆ ‘ಕಥಾ ವಿಚಿತ್ರ’, ‘ಮೆಹಬೂಬ’ ಸಿನಿಮಾ ನಿರ್ದೇಶಿಸಿದ್ದ ಅನೂಪ್ ಅಂಟೋನಿ ಅವರಿಗಿದು ಮೂರನೇ ಸಿನಿಮಾ. ಮಾಸ್ ಆಕ್ಷನ್ ಶೈಲಿಯ ಈ ಸಿನಿಮಾದಲ್ಲಿ ಐದು ಹಾಡುಗಳಿದ್ದು, ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ. ಅರುಣ್ ಸುರೇಶ್ ಅವರ ಛಾಯಾಗ್ರಹಣವಿದೆ. ಸೋನಲ್ ನಾಯಕಿಯಾಗಿ ನಟಿಸಿರುವ ‘ಶುಗರ್ ಫ್ಯಾಕ್ಟರಿ’ ಸಿನಿಮಾ ಶೂಟಿಂಗ್ ಮುಗಿದಿದ್ದು, ಗಣೇಶ ಹಬ್ಬದ (ಸೆ. 10) ಪ್ರಯುಕ್ತ ಚಿತ್ರದ ಮೊದಲ ಲಿರಿಕಲ್ ಹಾಡು ಬಿಡುಗಡೆಯಾಗುತ್ತಿದೆ. ‘ಬಹದ್ದೂರ್’ ಚೇತನ್ ಸಾಹಿತ್ಯ ಬರೆದಿರುವ, ಕಬೀರ್ ರಫಿ ಸಂಗೀತ ನೀಡಿರುವ ಹಾಡಿಗೆ ರ್ಯಾಪರ್ ಬಾಬಾ ಸೆಹಗಲ್ ಧ್ವನಿಯಾಗಿದ್ದಾರೆ. ಚಿತ್ರಕ್ಕೆ ದೀಪಕ್ ಅರಸ್ ನಿರ್ದೇಶನ ಮಾಡಿದ್ದು, ಗಿರೀಶ್ ಆರ್ ಬಂಡವಾಳ ಹೂಡಿದ್ದಾರೆ.
