| ಹರ್ಷವರ್ಧನ್ ಬ್ಯಾಡನೂರು
ಈ ವರ್ಷ ತೆಲುಗಿನ "ಪೆದ್ದಿ' ಚಿತ್ರದಲ್ಲಿ ನಟಿಸಿದ ಬಳಿಕ ನಟ ಶಿವರಾಜಕುಮಾರ್ ಬ್ಯಾಕ್ ಟು ಬ್ಯಾಕ್ ಎರಡು ಸಿನಿಮಾಗಳ ರಿಲೀಸ್ಗೆ ಎದುರು ನೋಡುತ್ತಿದ್ದಾರೆ. ಒಂದು ಪವನ್ ಒಡೆಯರ್ ನಿರ್ದೇಶನ, ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದಲ್ಲಿ ಮೂಡಿಬಂದಿರುವ "ಬೇಲ್' ಮತ್ತೊಂದು "ಜೈಲರ್ 2'. "ಬೇಲ್' ಇದೇ ಅ. 2ರಂದು ರಿಲೀಸ್ ಆಗಲಿದ್ದು ಶಿವಣ್ಣ, "ನಾನು ಆಪರೇಷನ್ಗೆ ತೆರಳುವ ಮುನ್ನ ಪವನ್ ಬಂದು ಕಥೆ ಹೇಳಿದರು. ಆಗ ಅನಾರೋಗ್ಯವಿದ್ದ ಕಾರಣ ಸಿನಿಮಾ ಮಾಡಬೇಕಾ ಎಂಬ ಡೌಟ್ ನನ್ನಲ್ಲಿತ್ತು. ಬ್ಲಾಡರ್ ಕ್ಯಾನ್ಸರ್ ಇದ್ದ ಕಾರಣ ನನ್ನಲ್ಲೂ ಭಯ ಇದ್ದೇ ಇತ್ತು. ನಾನು ಅಮೆರಿಕಗೆ ತೆರಳುವ ಎರಡು ದಿನ ಮುಂಚೆ ಬಂದು ಶಿವಣ್ಣ ನಾವು ಕಾಯುತ್ತೇವೆ, ನೀವೇ ಈ ಸಿನಿಮಾ ಮಾಡಬೇಕು ಅಂತ ಪವನ್ ಮತ್ತವರ ಪತ್ನಿ ಅಪೇಾ ಬೇಡ ಅಂದರೂ ಕೇಳದೇ ಒತ್ತಾಯ ಮಾಡಿ ಅಡ್ವಾನ್ಸ್ ನೀಡಿದರು. ಆಪರೇಷನ್ ಮುಗಿದ ಎರಡೇ ತಾಸಿನಲ್ಲಿ ಪವನ್ಗೆ ಕರೆ ಮಾಡಿ ತಿಳಿಸಿದೆ' ಎನ್ನುತ್ತಾರೆ. ಹಾಗೇ "ಬೇಲ್' ಕಥೆಯ ಬಗ್ಗೆ, "ನನಗೆ ಕಥೆಯ ಲೈನ್ ತುಂಬ ಇಷ್ಟವಾಯಿತು. ಈ ರೀತಿಯ ಕಥೆಗಳು ಇದುವರೆಗೂ ಬಂದಿಲ್ಲ ಅಂತಲ್ಲ. ಟ್ರೀಟ್ಮೆಂಟ್ ತುಂಬ ಚೆನ್ನಾಗಿದೆ. ಡ್ರಾಮಾ, ಕೆಮ್, ಸೋಷಿಯಲ್ ಎಲಿಮೆಂಟ್ಸ್, ಥ್ರಿಲ್ಲರ್, ಕಾಮಿಡಿ... ಹೀಗೆ "ಬೇಲ್' ಒಂದು ಜಾನರ್ಗೆ ಸೀಮಿತವಲ್ಲ. ಕುತೂಹಲದಿಂದ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಂಡು ನೋಡಿಸಿಕೊಂಡು ಹೋಗುವ ಗಟ್ಟಿ ಕಂಟೆಂಟ್ ಚಿತ್ರದಲ್ಲಿದೆ. ನನ್ನ ಗೆಟಪ್ ನನಗಂತೂ ಇಷ್ಟವಾಯಿತು. "ಪೆದ್ದಿ' ಶೂಟಿಂಗ್ ವೇಳೆ ರಾಮಚರಣ್ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದರು. ಜಯರಾಮ್, ಸಾಯಿಕುಮಾರ್, ಸಂಗೀತಾ, ಸಂಜನಾ, ಯೋಗಿ, ದೀತ್ ಹೀಗೆ ಹಲವರು ನಟಿಸಿದ್ದು, ಎಲ್ಲ ಪಾತ್ರಗಳಿಗೂ ಪ್ರಾಮುಖ್ಯವಿದೆ. ವೈದಿ ಛಾಯಾಗ್ರಹಣ, ಅಜನೀಷ್ ಲೋಕನಾಥ್ ಸಂಗೀತ ಎಲ್ಲವೂ ಚೆನ್ನಾಗಿ ಮೂಡಿಬಂದಿದೆ' ಎಂದು ಮಾಹಿತಿ ನೀಡುತ್ತಾರೆ ಶಿವರಾಜಕುಮಾರ್.
