ಇತ್ತೀಚೆಗೆ ಚಿತ್ರದ ‘ಅಜ್ಞಾತವಾಸ’ ಸಾಂಗ್ ಬಿಡುಗಡೆ ಕಾರ್ಯಕ್ರಮದಲ್ಲಿ, ‘‘ಮಫ್ತಿ’ ಚಿತ್ರದ ಭೈರತಿ ರಣಗಲ್ ಪಾತ್ರ ನನಗೆ ಬಹಳ ಇಷ್ಟ. ಬಳಿಕ ಈ ಕಥೆಯನ್ನು ನರ್ತನ್ ಹೇಳಿದಾಗ ಮೆಚ್ಚುಗೆಯಾಗಿ ನಮ್ಮದೇ ಬ್ಯಾನರ್ನಲ್ಲಿ ನಿರ್ಮಾಣ ಮಾಡಿದೆವು. ಇಡೀ ಕಥೆ ಇಷ್ಟವಾಗಿದ್ದು, ‘ಮಫ್ತಿ’ ಸೀಕ್ವೆಲ್ ಕೂಡ ಮಾಡಲಿದ್ದೇವೆ’ ಎಂದು ಖಚಿತಪಡಿಸಿದರು. ‘ಭೈರತಿ ರಣಗಲ್’ನಲ್ಲಿ ಶಿವರಾಜ್ಕುಮಾರ್ ರುಕ್ಮಿಣಿ ವಸಂತ್ ಜೋಡಿಯಾಗಿದ್ದಾರೆ. ಜತೆಗೆ ದೇವರಾಜ್, ಅವಿನಾಶ್, ರಾಹುಲ್ ಬೋಸ್, ಛಾಯಾ ಸಿಂಗ್, ಬಾಬು ಹಿರಣ್ಣಯ್ಯ, ಮಧು ಗುರುಸ್ವಾಮಿ, ಪ್ರತಾಪ್, ಶಬ್ಬೀರ್, ಗೋಪಾಲಕೃಷ್ಣ ದೇಶಪಾಂಡೆ ತಾರಾ ಬಳಗದಲ್ಲಿದ್ದಾರೆ. ನವೀನ್ ಕುಮಾರ್ ಛಾಯಾಗ್ರಹಣ, ರವಿ ಬಸ್ರೂರು ಸಂಗೀತ, ಡಾ.ವಿ.ನಾಗೇಂದ್ರ ಪ್ರಸಾದ್ ಸಾಹಿತ್ಯ, ಚೇತನ್ ಡಿ’ಸೋಜಾ ಸಾಹಸ ನಿರ್ದೇಶನ ಚಿತ್ರಕ್ಕಿದೆ.
