ಈ ಕುರಿತು ಮಾತನಾಡುವ ನಿರ್ದೇಶಕ ಆಕಾಶ್ ಶ್ರೀವತ್ಸ, ‘ನಾವು ‘ಶಿವಾಜಿ ಸುರತ್ಕಲ್’ ಮಾಡುವಾಗಲೇ ಚಿತ್ರದ ಮುಂದುವರೆದ ಭಾಗದ ಬಗ್ಗೆ ಯೋಚಿಸಿದ್ದೆವು. ಅಷ್ಟೇ ಅಲ್ಲ, ಈಗಾಗಲೇ ಒನ್ಲೈನ್ ಸಹ ಇದೆ. ಹಿಂದಿಯಲ್ಲಿ ‘ಧೂಮ್, ‘ಗೋಲ್ಮಾಲ್’ ಸೀರೀಸ್ನ ಹಲವು ಸಿನಿಮಾಗಳು ಬಂದಿವೆ. ‘ಶಿವಾಜಿ ಸುರತ್ಕಲ್’ ಹೆಸರಿನಲ್ಲೂ ಒಂದು ಫ್ರಾಂಚೈಸ್ ಮಾಡಬಹುದು. ಸದ್ಯಕ್ಕೆ ನಾವು ಒಂದು ಕಥೆ ಮಾತ್ರ ಹೇಳಿದ್ದೇವೆ. ಶಿವಾಜಿಯ ಸಾಹಸಗಳು ಒಂದು ಸಿನಿಮಾಗೆ ಮುಗಿಯುವಂತಹದಲ್ಲ. ಆತನ ಹಿನ್ನೆಲೆ ಏನು, ಈ ಹಿಂದೆ ಆತ ಬಗೆಹರಿಸಿರುವ ಕೇಸ್ಗಳು, ಮುಂದೆ ಸವಾಲಾಗುವ ಕೇಸ್ಗಳು... ಇವನ್ನೆಲ್ಲ ನಾವು ಬೇರೆಬೇರೆ ಭಾಗಗಳ ಮೂಲಕ ಹೇಳಬಹುದು. ಒಟ್ಟಾರೆ ಶಿವಾಜಿಯ ಭೂತ, ವರ್ತಮಾನ ಮತ್ತು ಭವಿಷ್ಯವನ್ನಿಟ್ಟುಕೊಂಡು ಇನ್ನಷ್ಟು ಚಿತ್ರಗಳನ್ನು ಮಾಡಬಹುದು’ ಎನ್ನುತ್ತಾರೆ ಅವರು.
