ಸೆ. 02ಕ್ಕೆ ಜೀ 5ನಲ್ಲಿ ವಿಕ್ರಾಂತ್​ ರೋಣ

ಬೆಂಗಳೂರು: ಕಳೆದ ಜುಲೈ 28ರಂದು ಪಂಚ ಭಾಷೆಗಳಲ್ಲಿ ತೆರೆಗೆ ಬಂದಿತ್ತು ಪ್ಯಾನ್​ ಇಂಡಿಯಾ ಚಿತ್ರ "ವಿಕ್ರಾಂತ್​ ರೋಣ'. ಕಿಚ್ಚ ಸುದೀಪ್​ ಅಭಿನಯದ, ಅನೂಪ್​ ಭಂಡಾರಿ ನಿರ್ದೇಶನದ ಈ ್ಯಾಂಟಸಿ ಲೋಕವನ್ನು ಥ್ರೀಡಿಯಲ್ಲಿ ನೋಡಿ ಪ್ರೇಕ್ಷಕರು ಸಂಭ್ರಮಿಸಿದ್ದರು. ಈಗ ಥಿಯೇಟರ್​ಗಳಲ್ಲಿ ನೋಡಲು ಸಾಧ್ಯವಾಗದಿದ್ದವರಿಗೆ ಓಟಿಟಿಯಲ್ಲಿ ನೋಡುವ ಅವಕಾಶ.

ಹೌದು, ಇದೇ ಸೆ. 2ರಂದು ಜೀ 5 ಕನ್ನಡ ಓಟಿಟಿಯಲ್ಲಿ "ವಿಕ್ರಾಂತ್​ ರೋಣ' ಚಿತ್ರವನ್ನು ಬಿಡುಗಡೆ ಮಾಡಲಾಗುತ್ತಿದೆ. ಕಿಚ್ಚ ಸುದೀಪ್​ ಹುಟ್ಟುಹಬ್ಬದ ಅಂಗವಾಗಿ ಅಭಿಮಾನಿಗಳಿಗೆ ಉಡುಗೊರೆಯಾಗಿ ಅಂದೇ ಚಿತ್ರವನ್ನು ಓಟಿಟಿಯಲ್ಲಿ ಬಿಡುಗಡೆ ಮಾಡುತ್ತಿರುವುದು ವಿಶೇಷ. ಸದ್ಯಕ್ಕೆ ಕನ್ನಡ ಅವತರಿಣಿಕೆ ಮಾತ್ರ ಬಿಡುಗಡೆ ಆಗುತ್ತಿದ್ದು, ಉಳಿದಂತೆ ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂ ಸೇರಿದಂತೆ ಬೇರೆ ಭಾಷೆಗಳಲ್ಲಿ ಬಿಡುಗಡೆ ಯಾವಾಗ ? ಓಟಿಟಿ ಯಾವುದು? ಎಂಬುದರ ಬಗ್ಗೆ ಇನ್ನಷ್ಟೇ ಮಾಹಿತಿ ಬರಬೇಕಿದೆ.