ಚಿತ್ರದಲ್ಲಿ ಸಂಜನಾ ಕಾಲೇಜು ವಿದ್ಯಾರ್ಥಿನಿಯ ಪಾತ್ರ ಮಾಡಿದ್ದರೂ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ‘ನನ್ನದು ಇಲ್ಲಿ ಒಂಥರಾ ಬಜಾರಿಯ ಪಾತ್ರ. ಪಕ್ಕಾ ಗ್ರಾಮೀಣ ಪ್ರದೇಶದ ಹುಡುಗಿ ಆಗಿ ಅಭಿನಯಿಸಿದ್ದೇನೆ’ ಎನ್ನುತ್ತಾರೆ ಸಂಜನಾ. ಮತ್ತೊಂದೆಡೆ ಕೆ.ಪಿ. ಶ್ರೀಕಾಂತ್ ನಿರ್ವಣ, ದುನಿಯಾ ವಿಜಯ್ ಚೊಚ್ಚಲ ನಿರ್ದೇಶನದ ‘ಸಲಗ’ ಚಿತ್ರದಲ್ಲೂ ಸಂಜನಾ ನಾಯಕಿ. ನಾಯಕರಾಗಿಯೂ ನಟಿಸಿರುವ ದುನಿಯಾ ವಿಜಿಗೆ ಸಂಜನಾ ಜೋಡಿ. ಈ ಚಿತ್ರವನ್ನು ಫೆಬ್ರವರಿ ಕೊನೆಯ ವಾರದಲ್ಲಿ ಬಿಡುಗಡೆ ಮಾಡಬೇಕೆಂದು ಚಿತ್ರತಂಡ ಯೋಜನೆ ಹಾಕಿಕೊಂಡಿದ್ದರೂ ಕಾರಣಾಂತರಗಳಿಂದ ಅದು ಸಾಧ್ಯವಾಗಿಲ್ಲ. ಹೀಗಾಗಿ ‘ಸಲಗ’ ಸಿನಿಮಾ ಕೂಡ ಯುಗಾದಿ ಆಸುಪಾಸಿನಲ್ಲಿ ಅಂದರೆ ಮಾರ್ಚ್ನಲ್ಲೇ ಬಿಡುಗಡೆ ಆಗಲಿದೆ. ಇನ್ನು ಕಳೆದ ವರ್ಷ ಯುಗಾದಿಗೆ ಕೆಲವೇ ದಿನಗಳ ಮುನ್ನ ತೆರೆ ಕಂಡಿದ್ದ ‘ಕೆಮಿಸ್ಟ್ರಿ ಆಫ್ ಕರಿಯಪ್ಪ’ ಸಿನಿಮಾ ಮೂಲಕ ಸಂಜನಾ ಸ್ಯಾಂಡಲ್ವುಡ್ಗೆ ಪ್ರವೇಶಿಸಿದ್ದರು.
