ಟಾಕ್ಸಿಕ್​ನ 'ರಾಯ', 'ಟಿಕೆಟ್​' ಪಾತ್ರಕ್ಕೆ ಯೋ ಯೋ ಫುಲ್​ ಫಿದಾ: ಯಶ್​ 'ಭಾರತದ ಹೀತ್​ ಲೆಜರ್​' ಎಂದ ಹನಿ ಸಿಂಗ್​! Honey Singh on Yash

ಮುಂಬೈ: ರಾಕಿಂಗ್​ಸ್ಟಾರ್​ ಯಶ್​ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ಹಾಗೂ ಗೀತು ಮೋಹನದಾಸ್​ ನಿರ್ದೇಶನದ ಸಿನಿಮಾ ಟಾಕ್ಸಿಕ್​ ಬಿಡುಗಡೆಯಾಗಿದ್ದು, ಎಲ್ಲಡೆ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಮೊದಲ ದಿನವೇ 140 ಕೋಟಿ ಓಪನಿಂಗ್​ ಪಡೆದ ಸಿನಿಮಾ ವಾರಾಂತ್ಯದಲ್ಲಿ ಇನ್ನೂ ಹೆಚ್ಚಿನ ಗಳಿಕೆ ಮಾಡಲಿದೆ ಎಂದು ಹೇಳಲಾಗುತ್ತಿದೆ.

ಆದರೆ, ತೆರೆಕಂಡ ದಿನ ಸಿನಿಮಾ ವಿರುದ್ಧ ಋಣಾತ್ಮಕ ವಿಮರ್ಶೆ ಕಂಡುಬಂದಿದ್ದು, ಈ ಕುರಿತು ಸಿನಿಮಾ ತಂಡ ಇಂಜೆಕ್ಷನ್​ ಆರ್ಡ್​ರ್​ಅನ್ನು ಪಡೆದಿದ್ದು, ಸಿನಿಮಾ ವಿರುದ್ಧ ಇಲ್ಲ-ಸಲ್ಲದ, ಸುಳ್ಳು ಸುದ್ದಿ ಹಬ್ಬಿಸುವವರಿಗೆ ಲೀಗಲ್​ ನೋಟಿಸ್​ ನೀಡಲು ಪ್ರಾರಂಭಿಸಿದೆ.

ಪ್ರೇಕ್ಷಕರ ಹಾಗೂ ವಿಮರ್ಶಕರ ಮಿಶ್ರ ಪ್ರತಿಕ್ರಿಯೆ ಹೊರತಾಗಿ ಕೂಡ ರಾಪ್​ ಗಾಯಕ, ಯೋ ಯೋ ಹನಿ ಸಿಂಗ್ (Honey Singh on Yash)​ ಟಾಕ್ಸಿಕ್​ ಸಿನಿಮಾವನ್ನು ವೀಕ್ಷಿಸಿದ್ದು, ಯಶ್​ ಅಭಿನಯಕ್ಕೆ ಫುಲ್​ ಫಿದಾ ಆಗಿದ್ದಾರೆ.

ಇದನ್ನೂ ಓದಿ: ಕ್ರೇಜಿಸ್ಟಾರ್​ಗೆ MLC ಪಟ್ಟ? ಮೇಲ್ಮನೆಗೇರಲು ಸಜ್ಜಾದ ಸಿಎಂ ಡಿಕೆಶಿ ಬಾಲ್ಯ ಸ್ನೇಹಿತ ವಿ. ರವಿಚಂದ್ರನ್​? V. Ravichandran

ಟಾಕ್ಸಿಕ್​ ಸಿನಿಮಾವನ್ನು ವೀಕ್ಷಿಸಲು ಥಿಯೇಟರ್​ಗೆ ಹೋಗಿದ್ದ ಯೋ ಯೋ ಹನಿ ಸಿಂಗ್​, ಸಾಲು-ಸಾಲು ಸ್ಟೋರಿಗಳನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಮೊದಲ ಸ್ಟೋರಿಯಲ್ಲಿ, ಇವತ್ತಿನ ರಾತ್ರಿ ನಾನು ಯಶ್​ ಅಭಿನಯದ ಟಾಕ್ಸಿಕ್​ ಸಿನಿಮಾ ವೀಕ್ಷಿಸಲಿದ್ದೆನೆಂದು ಬರೆದುಕೊಂಡಿದ್ದಾರೆ.

ಎರಡನೇ ಸ್ಟೋರಿಯಲ್ಲಿ, ರಾಯಾ (ಯಶ್​ ಪಾತ್ರ) ಮತ್ತು ಗಂಗಾ (ನಯನತಾರಾ ಪಾತ್ರ) ಪಾತ್ರಗಳಿಗೆ ರಕ್ಷಾ ಬಂಧನದ ಶುಭಾಷಯವನ್ನು ಹನಿ ಸಿಂಗ್​ ತಿಳಿಸಿದ್ದಾರೆ.

ಮೂರನೇ ಸ್ಟೋರಿಯಲ್ಲಿ ರಾಯ, ಮಗ ಟಿಕೆಟ್​ ಪಾತ್ರದ ಫೋಟೊಗೆ, ಇದು ನನ್ನ ಹಳೆಯ ಸೈತಾನ್​ ಲುಕ್​​ನಂತಿದೆ ಎಂದಿದ್ದಾರೆ. ನಾಲ್ಕನೇ ಸ್ಟೋರಿಯಲ್ಲಿ, ಯಶ್​​ ಭಾರತದ ಹೀತ್​ ಲೆಜರ್​ ಎಂದು ಬರೆದುಕೊಂಡಿದ್ದಾರೆ.

ಹೀತ್​ ಲೆಜರ್​ ಇವರೊಬ್ಬರು ಆಸ್ಟ್ರೇಲಿಯಾ ಮೂಲದ, ಅಮೆರಿಕನ್​ ಸಿನಿಮಾದ ನಟರಾಗಿದ್ದರು. 2008 ರಲ್ಲಿ ತೆರೆಕಂಡಿದ್ದ ಕ್ರಿಸ್ಟೋಪರ್​ ನೋಲನ್​ ನಿರ್ದೇಶನದ ದಿ ಡಾರ್ಕ್​ ನೈಟ್​ ಸಿನಿಮಾದಲ್ಲಿ ಹೀತ್​ ಲೆಜರ್​ ಅಭಿನಯಿಸಿದ್ದ ಜೋಕರ್ ಪಾತ್ರ ವಿಶ್ವದಾದ್ಯಂತ ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿತ್ತು.

ಈ ಪಾತ್ರದೊಳಗೆ ಹೀತ್​ ಲೆಜರ್​ ಎಷ್ಟು ಒಳ ಹೋಗಿದ್ದರೆಂದರೆ, ಒಂದರ್ಥದಲ್ಲಿ ಈ ಪಾತ್ರವೇ ಅವರ ಜೀವವನ್ನೇ ಬಲಿ ಪಡಿಯಿತೆಂದು ಕೆಲ ಜನ ನಂಬುತ್ತಾರೆ. ಈ ಪಾತ್ರಕ್ಕೆ 2009 ರಲ್ಲಿ ಆಸ್ಕರ್​ (ಅಕಾಡಿಮಿ) ಪ್ರಶಸ್ತಿಯನ್ನು ನೀಡಲಾಗಿದೆ. ಆದರೆ 2008 ರಲ್ಲಿ ಹೀತ್​ ಲೆಜರ್​ ಡ್ರಗ್​ ಓವರ್​ ಡೋಸ್​ನಿಂದ ಸಾವನ್ನಪ್ಪಿದ್ದರು, (ಏಜನ್ಸೀಸ್​).